صباح / مساء الخير حبايبي💗
…
رجفت اطرافها رجفة واضحه للي عيونهم كلها موجهه لها
ونطقت بصوت حاولت تطلعه طبيعي على قد ما تقدر
جوري : شـ .. شلون يعني؟.
شاد : أخذت ملفها وبح طارت من المدرسة .
جوري رمشت شوي قبل لا تقول بصوت راجف : يـ .. يعني نقلت تقصدين؟؟.
شاد رفعت كتوفها : الادارة متكتمين .. مو راضيين يفصحون لو هي سحبت ملفها
او نقلت لمدرسة ثانيه .
جوري نزلت رأسها .. ما تدري وش هالاحساس الغريب اللي يراودها
هو إحساس .. ولا احاسيس اجتمعت سوى مكونه حجرة قوية حطت على قلبها؟
رنا حست بوجه جوري اللي انخطف لونه واحتضنت يدها بين يدينها
رفعت جوري رأسها والتقت عيونها الدامعه بعيون رنا القلقة
رنا : مـ .. معليه جوري .
نورة رفعت حاجبها : شنو ؟ تبينها تكون موجوده .. بعد كل اللي سوته لك؟؟.
جوري بسرعة مسحت دموعها اللي نزلوا وقالت بهدوء : أحبها .. أحبها أنا .
البنات تبادلوا النظرات وقالت نورة بإنفعال
نورة : صاحيه جوري؟؟ لا لا جد جاوبيني رأسك مضروب ولا انتِ
قاعدة تكلميني بكامل قواك العقليه؟؟ .
جوري بلعت ريقها ونزلت رأسها بأسى : أ .. قـ .. قلبي يحبها نورة بس هالشي
مو بالضرورة يعني اني بلاحق وراها .
ضحكت نورة بسخرية وقالت وهي تلتفت وتمشي بعيد عنهم : ما منك رجا .
لحقتها لوليا تزامناً مع شاد اللي قربت من جوري وتكلمت بنفس هدوئها الدايم
شاد : لو ما تذكرين بذكرك .. نورة اكثر وحدة تأذت من ذي اللي ما تتسمى
بداية من المتوسط .. ومن فترة لما دست الورقة بين اغراض لوليا عشان تشككها بطبيعه
العلاقة اللي بينك وبين نورة وانتهاءً بلما كانت تعاني عشان توصل لطرف خيط
يثبت لحضرة جنابك صحه كلامها عنها .. جد جوري بتطلعين ساذجه
لو سويتيها ولحقتي وراها .. نورة تعبت وانجرحت كثير وانتِ .
أنت تقرأ
مدى
General Fictionإِذا كانَ النبضُ فِي قَلبي دليلٌ عَلى الحَياة .. فأنتِ الحَياة التِي ينبِضُ فِيها قَلبي . اول ثلاث بارتات مواقف عشوائية قديمه بأوقات مختلفه لو م تبوا تقرأوهم ابدأوا قراءه من البارت الرابع 'ظُهور مِن العَدم'
