مساء/صباح الخير حبايبي💗
...
جوري
اول يوم مدرسة .. توقعت بتكون مدرسة حلوه بس ممراتها ضيقة والوان الفصول قمته تجيب الهمّ
مشيت بالممر وأنا ابتسم للكل بمجامله .. كثير جوا يسلمون وأنا ابادلهم .. يا ليت ما يزودونها لأن كبدي لايعه
سمعت كثير ان سقف الساحه مفتوح والبنات يبردون وقت الشتاء بس ما صدقت لين شفت
ما كان شكله خايس وبالعكس كنت قادره اشوف السماء بغيومها
بالعربي لو ضاق صدري من وجيه البنات الوِدرة بطالع بالسماء وتنفتح نفسيتي وقتها
تنهدت بقوة وانا امشي بالسيب وشتت عيني بالمكان وأنا اشوف بنات اكبر مني كانوا يدرسون معي بالابتدائي
كملت امشي بشكل عشوائي لين لقيت فصولنا .. قمت اشوف قائمة الاسماء لين لقيت اسمي
تنهدت بقوة ودفيت باب الفصل ودخلت .. شفت في كم من بنت متوزعين بالمكان
ابتسمت ونطقت بصوت نشيط : صباح الخير .
البنات بادلوني الابتسامة : صباح النور .
ما قدرت اسكت اكثر ورميت شنطتي على الأرض وأنا أمر بين الطاولات ادوّر طاولة عدلة
جوري : مامي لو تشوف هالمدرسة بتنجلط وتنقلني على طول .
وحدة من البنات ضحكت وقالت : ليه ؟.
جوري : تجيب القمته .. بحياتي ما شفت فصل مصبوغ بألوان غامقة .. اهه والجو حار .
ابتسمت اخر كلامي لما اخيرًا لقيت طاولة نظيفة وجيت بسحبها بس البنتين دفوها لقدام .. ابتسمت لهم بعد ما شكرتهم
حطيت شنطتي عليها وفوقها عبايتي .. كنت بفتح شنطتي عشان اتعطر بس فجأة انفتح باب الفصل
التفت ناحيته بعفوية وشفت صديقتي .. رنا .. على طول ابتسمت وركضت لها بحماس
هي ابتسمت لي وحضننا بعض بقوة .. ثواني وفصلنا الحضن وسألتني هي
رنا : ها .. كيف المدرسة؟.
جوري : اهه قمته قمته ما اتوقع بكمل فيها .
رنا : يعني مو ذاك الزود .. صح نسيت اقول لك أنا معك بنفس الفصل .
قالت وهي تأشر على مكانها اخر كلامها ابتسمت بحماس وقلت وأنا رايحه لمكاني
أنت تقرأ
مدى
Fiksi Umumإِذا كانَ النبضُ فِي قَلبي دليلٌ عَلى الحَياة .. فأنتِ الحَياة التِي ينبِضُ فِيها قَلبي . اول ثلاث بارتات مواقف عشوائية قديمه بأوقات مختلفه لو م تبوا تقرأوهم ابدأوا قراءه من البارت الرابع 'ظُهور مِن العَدم'
