صباح/مساء الخير حبايبي💕
…
جوري وهي تآخذ نفس وتطلعه : خايفة نورة يخوف الوضع .
نورة طبطبت على كتفها : اشربي لك شوية موية وتمرني على سطورك راح تنسين توترك .
همهمت وهي تمسك الاوراق قدامها تراجع سطورها
قبل لا تحس بنورة تحاوط كتفها وترفع جوالها : بس نصور قبل .
ضحكت قبل لا تقرب منها اكثر ويآخذون صورة
ارسلتها نورة لقروبهم مستقبلة كلام البنات المشجع
بعدت جوالها لما دخلت شاد : يلا .. لا تخيبون ظني فيكم .
جوري : افا يا شوشو شفتيني مرة مو قد ثقتك؟.
ابتسمت شاد وهي تدفعها من كتوفها للمسرح : لا واليوم بتزيدينها .
بادلتها جوري ومشت مع نورة للمسرح
اللي شدت على يدها عشان تهديها : اهدي وراه قلبك يراقع كذا!.
جوري بضحكه غبيه : مكثرة قهوة .
نفت نورة رأسها بقل حيلة من جوري وهي تضحك بخفة
وصعدوا المسرح سوا
هدأت جوري كثير لما شافت انوار القاعه متركزة عليهم
والحضور مو واضحين كثير
وبدأت تقدم مع نورة
...
اميرة نطت من السرير وهي تصرخ : لولياااا .
لوليا اللي كانت جالسة في مكتبها تحل واجباتها مسكت رأسها بصداع
لوليا : اميرة مره وحدة بس لا تصرخين! ما صدقت افتك من الصداع النصفي
تجين تجيبين لي صداع كلي!!.
اميرة بتفكير : في شي اسمه صداع كلي اصلاً؟.
لوليا : بقتلك اميرة المفروض تفهمين وش اقصد!.
اميرة ضحكت : ادري استهبل بس قلت ابي ارفع ضغطك .
لوليا رمقتها بإزدراء : وش تبين؟.
اميرة سكتت شوي تتذكر قبل لا ترجع تصرخ بشكل اقوى
مخلية لوليا تقوم من مكتبها مكممة فمها بيدها
لوليا : وطي صوتك ماما نايمة .
أنت تقرأ
مدى
Ficción Generalإِذا كانَ النبضُ فِي قَلبي دليلٌ عَلى الحَياة .. فأنتِ الحَياة التِي ينبِضُ فِيها قَلبي . اول ثلاث بارتات مواقف عشوائية قديمه بأوقات مختلفه لو م تبوا تقرأوهم ابدأوا قراءه من البارت الرابع 'ظُهور مِن العَدم'
