مدى

ظُهور مِن العَدم

صباح/مساء الخير حبايبي💗
...

.. : فهمتوا اللي قالته؟.

تنهدت وهي تشوف ابتسامات البنات الغبية وقالت : ممتازة جوري شرحك كان كويس .

ابتسمت جوري ورجعت جلست بمكانها تحت نظرات الكل : اووه كنت متوترة .

رنا : ما كان واضح .

جوري : اشوا .

دقايق اللي مرت قبل ما يرن الجرس معلن بدء الفسحه .. جوري تدخل كتبها مع رنا اللي تستعجلها

رنا : خاروفاتك بيهاجمون الفصل بسرعه خل نطلع .

جوري : هيي .. اللحين بخلـ ..

ما امداها تكمل كلمتها الا على دخله شاد .. تنهدت وهي تشوفها ماشية لها

شاد : وش تناظرون؟.

جوري : زين انك جيتي ولا كان قتلتك .

شاد : شسوي بعد ذول اجتماعاتهم ما تخلص .

جوري سكرت سحاب شنطتها ومشت مع شاد اللي مسكت يدها ورنا مسكت يد شاد

بدوا يتمشون بالساحه .. جوري تشرب من مطارتها ورنا تأكل فطيرة

تكلمت رنا فجأة بضحكه : تكفين شاد خلك معنا دوم احس براحه مو طبيعيه .

شاد : شايفيني حارس شخصي يا كلاب ؟!.

جوري وهي تضحك : أي مو شايفة كيف محد قادر يقرب مننا يا المسترجلة .

شاد : اقول بس ابلعي الكرتون حقك ذا وانتِ ساكتة .

جوري : كم مرة اقول لك بروتين يا ام الروتين!.

رنا وهي ميته ضحك : تكفون كثروا من هوشاتكم ذي .

ضحكت جوري : وانتِ لا اوصيك امسكينا طقطقة .

قالت جوري وعلى اخر كلامها خلت الحرية لعيونها تناظر بعشوائية للبنات

لين فجأة طاحت عينها على وحدة لابسة عبايتها وشايلة شنطتها وداخله من بوابة المدرسة

كانت بس قادرة تلمح جانبها ولأن البنت كانت لابسة قبعه الهودي فما قدرت تشوف ملامحها

جوري : لو أنا مكانها كان غبت ولا اداوم هالوقت .

رنا : عاد انتِ لعبتك الغياب .

شاد : اي شوراها محببة المعلمات فيها ومخققة الطالبات عليها .

جوري : ما خققت احد أنا خلقة اخقق أصلاً .