آخر الدوام بالساحه الخارجيه
جوري بتوتر : بس .. بس هم ما سووا شي .
ميار اعتصرت يد جوري بخفيف : اهدي .. هم يبون يتكلمون بس مو قادرين لأني مو تاركه لهم فرصه .
جوري : و .. وليش ما تتركين لهم فرصة؟.
ميار : لأن كذا احسن .. خليهم ينخنقون بأسألتهم .. واذا ارسلوا لك مسجات لا تشوفين ولا تردين .
جوري تنهدت : اجل وش فايدة كل اللي نسويه؟! .
ميار سحبت جوري من كوعها لبرى : قلت لك اوثقي فيني وامشي على كلامي بدون اسألة .
جوري تأوهت : آيي .. خلاص فهمت اتركيني .
ميار مشت بين السيارات : هذي سيارتك صح؟.
جوري : ايه يلا اتركيني .
ميار : بوصلك .. جالسين يمشون ورانا .. لا تلتفتين .
جوري ناظرت شوي قدامها قبل لا تحاول تلف بس ميار مسكت رأسها
ميار : نتفاهم ببيت المعلمه .. ادخلي السيارة .
قالت ميار اول كلامها بتهديد قبل لا تفتح لجوري باب السيارة مخليتها تتنهد بملل وتدخل
ميار : تعالي اليوم بدري لا تتأخرين .
سكرت الباب وبعدت خطوتين عن مسار السيارة تشوفها تمشي وتبعد لين اختفت
...
جوري : قلت لك لا تسوي لي فيها البطل المغوار تستاهل اللي يجيك .
ابراهيم : شي طبيعي اني ما بسمع كلامك من ناحيه الخوف محد يخاف من اتفه الاشياء كثرك .
جوري : على زق قلت لك انه يخوف بزيادة احسن تستاهل .
ابراهيم : وش دراني كله فلم ما كنت ادري انه يخوف لذي الدرجه .
جوري طلعت لسانها : تستاهل عشان المره الجايه تسمع كلامي .
ميار لمست كتف جوري مخليتها تلتفت لها .. ابتسمت لها ابتسامة متكلفه قبل لا تتكلم بهمس
ميار : قلت بنجي ونتفاهم .. حركات تسولفين معاه عشان ما اكلمك ما تمشي علي ترى .
جوري ضحكت بقمطه : هههه أصلاً كنت اسولف عادي نسيت انك تبين تكلميني .
ميار : من الآخر .. لو دريت انك تكلمينهم وتتواصلين معهم بدون ما تقولين لي ما بتشوفين خير .
أنت تقرأ
مدى
Genel Kurguإِذا كانَ النبضُ فِي قَلبي دليلٌ عَلى الحَياة .. فأنتِ الحَياة التِي ينبِضُ فِيها قَلبي . اول ثلاث بارتات مواقف عشوائية قديمه بأوقات مختلفه لو م تبوا تقرأوهم ابدأوا قراءه من البارت الرابع 'ظُهور مِن العَدم'