مدى

ضَياع

جوري : نعم؟!.

نور : هذا اللي سمعتيه .. ناني هربت .

جوري ضحكت بعدم تصديق والتفتت لشيخه

جوري : سامعه وش قاعده ذي تقول؟.

شيخه مسكت يد جوري وجلستها

شيخه : اسمعي يا جوري سبب روحتنا للرياض كان عشان نعرف مع مين هي تتعامل وليش .

جوري ضحكت بسخريه ومشت لغرفتها بدون ما تسمع حتى كلام شيخه

نور لحقتها ودخلت وراها مخليتها تتأفف

جوري : خير نور وش تبين؟!.

نور تنهدت بهدوء

تعرف بحب جوري العظيم لناني

وهالحب مستحيل يهتزّ لكم كلمه سمعتها منهم

قربت منها

ومسكت كتوفها وجلستها على السرير

نور : اول شي اهدي .

جوري بلعت ريقها

بحياتها ما شافت نور بهالجديه

فحاولت تهدي نفسها وكلها ثواني

قبل لا تتكلم نور بصوت هادي

نور : لما رحنا الرياض .. كان هالشي لاننا نبي نلتقي بشخص اسمه يوسف

هذا الشخص كلمونا عنه ناس من معارف ماما يقولون انه شيخ

وأنا رحت عنده افسر حلم وقال لنا ان في شخص بيضرنا والوسيله هي ناني

يعني هالشخص دفع لناني عشان يخليها تقول له كل شي يصير لنا هنا.

جوري مسحت دموعها اللي ما تدري متى نزلوا وقالت : ومين هالشخص؟.

نور : للحين ما ندري .. هو الشيخ يدري بس ما قال لنا .

جوري : وليش؟.

نور : يقول انه بنعرف لما نلاقيها .

جوري : وليش ليش كل هذا!!.

نور : ما ندري .. ما تدرين .. ناني كبيره بالسن ويمكن انخدعت.

جوري سكرت عيونها بقهر وتركت الحريه لدموعها ينزلوا بغزارة

نور : جوري .. كنتِ تعرفين من قبل .. صح؟.

جوري اومئت : سمعتكم تتكلمون في ذيك الليله .. بس ما قدرت اصدق .