رنين

ch.2

بسم الله الرحمن الرحيم

رنين سابته وراحت قعدت على مكتبها وطلعت الكتب وبدات تذاكر وموبايلها عمل صوت وصول رساله ليها جت تاخد الموبايل شادي سحبه

رنين: نعم؟ هات

شادي: افتحي الموبايل

رنين: نعم ليه ان شاء الله؟

شادي: انا حر قولت افتحي

رنين: مش هفتح حاجه هات الموبايل

شادي: لا هتفتحي يا رنين

رنين: وانا قولت لا مش من حقك تشوف خصوصياتي !!!

شادي: خصوصيات ايه دي ان شاء الله ؟ خصوصياتك ولا علشان بتحبي في واحد ومستغفلاني وشدها من شعرها افتحي الموبايل قولت

رنين: بحب في واحد ايه انت مجنون!!! سيب شعري يا شادي

شادي: قولت افتحي الموبايل!!!

رنين بصت له بكره وقهر وفتحت له الموبايل ساب شعرها وزقها على ورا ضهرها اتخبط في المكتب اخد الموبايل وطلع برا

قعدت على الأرض وبدات تعيط وهي ماسكه ضهرها وراسها

بعد نص ساعة دخل ورمى لها الموبايل على السرير

شادي: خدي موبايلك اهو وبدام مش بتعملي حاجه غلط مش راضيه تفتحيه ليه؟

رنين قامت من على الأرض واخدت موبايلها وادته ضهرها وقعدت على مكتبها تاني بكل هدوء : لو خلصت شك وضرب فيا اطلع برا علشان اذاكر انت بتعطلني

شادي: يعني بعطلك من الدكتوراه ده انت حتى ادبي معرفش هتطلعي لنا منها ايه دي

رنين مردتش عليه وفتحت كتبها بعد ساعه قامت من على الكرسي علشان تلبس ضهرها وجعها جامد حطت ايديها على ضهرها ودمعت لبست بصعوبه اخدت حاجتها وجت تخرج

-رايحه فين؟

رنين: رايحه الدرس

-الساعه 7 ونص؟؟؟

رنين: ايوا؟؟!

-درس ايه ده ان شاء الله تعليم الرقص؟

رنين بصت لها وضيقت عنيها : درس علم النفس يا ماما وشادي عارف من الصبح قولت له خلاص؟ ممكن اخرج ؟

-تبقي هنا 9

رنين: موعدكيش بس ماشي

-انت حره لو مجيتيش 9 اخوكي هيتصرف معاكي وسابتها ودخلت اوضتها

رنين: ربنا ياخدني... لبست جزمتها ونزلت عينها كانت بتدمع

دخلت الدرس وقعدت ورا وكان عندهم اختبار الأستاذ وزع الورق وبص ل رنين شويه وحط ورقه قدامها ومشي عدى الوقت رنين خلصت و بصت في الموبايل كانت الساعه 8:40 اتخضت رفعت اديها الأستاذ راح لها