بسم الله الرحمن الرحيم
تاني يوم الصبح في اوضة رنين
رنين صحيت على صوت همس جنبها فتحت عينيها
شادي: قومي يا بنت !
رنين: الناس بتقول صباح الخير !
شادي: صباح النور يختي
رنين ابتسمت
شادي : قومي اغسلي وشك وتعالي افطري معايا يلا
رنين قامت ودخلت الحماما وطلعت
بعد ما اكلوا
شادي: رنين مش ناويه تتكلمي مع ماما ؟
رنين بصت له: تاني يا شادي؟
شادي: يا رنين مينفعش الي انت بتعمليه ده َ!!
رنين: وهو كان ينفع الي هي قالته !!\
شادي :مينفعش بس هي عايزة تتكلم معاكي وانا الي بقولها لا علشان خاطري يارنين ولا مليش خاطر عندك!!
رنين فضلت باصه له خدت نفس عميق وطلعته : حاضر يا شادي بس لو قالت أي حاجه مستفزة انا مش هكمل كلام
شادي: تمام يلا ؟
رنين بتردد : يلا
طلعوا برا الاوضة
وحرفيا بقالها فترة كبيره مطلعتش برا اوضتها
اول ما طلعت شافت أمها واقفه قدامها
رنين بعدت عينها
-رنين!
رنين: نعم؟
-بدات تعيط وراحت حضنتها
رنين كانت مصدومه من الموقف ومش عارفه تفسر موقف أمها مش اعرفه تتجاوب معاها ولا تبعدها عنها
-انا اسفه على الي قولته لك في المستشفى انا مكنتش اعرف القصه وو
رنين قاطعتها: ولو متعرفيش القصه يا ماما...انت تصدقي الي قاله فراس عني!!! انا بنتك تصدقي اني اعمله معاه كده!؟
-غلطه غلطة يا رنين ومعرفش صدقته ازاي ! متحرمنيش منك يارنين
رنين باستهزاء: مش كنت مش بنتك؟
-رنين اني كل الي قولته لك في المستشفى علشان خاطري سامحيني ومتتعامليش معايا بالجفاء ده
شادي بص لرنين الي كان واضح عليها الضياع وتضارب الأفكار واللخبطة :انا بقول نسيبها ترتاح وتفكر شويه ياماما احسن مش كده يا رنين؟
رنين بصت له: ا...اه احسن عن اذنك ودخلت اوضتها تاني وقفلت الباب اترمت على السرير والاحداث كلها بتتعاد في راسها كلام فراس كلام أمها كل حاجه بترن في دماغها تاني حطت المخده على راسهها وبدات تعيط بتحرك راسها يمين وشمال على امل الكلام يبطل يتعاد في راسها
عدت أيام وعلاقة رنين مع أمها رجعت اينعم الوضع بينهم مكهرب شويه بس احسن من الأول بكتير
بعد 3 شهور
رنين قاعده بتكتب في مذكراتها
اتخرجت من ثانوي أخيرا سعادتي بتخرجي لا توصف ان شاء الله اتقبل في الجامعة الي انا عايزاها .. رفعت قضية على فراس وهيتحبس بتاع 10 سنين انا فرحانه اوي ربنا اخد لي حقي وبعد سنين طويله اقدر اتنفس براحة من غير ما احس بالخوف ...عارفين اسمي مبقاش اسم على مسمى الكلمات بطلت ترن في راسي !! بطلت وسوسة بطلت تفكير زايد ... انا فرحانه بانجازي ده بجد دوام الحال من المحال ...
بعد 10 سنين
أسامة :رنين
رنين: ايه يا حبيبي
أسامة : هي ايه دي؟ ورفع دفتر مذكراتها
رنين برقت وضحكت : لقيتها فين؟!
أسامة : في الدولاب
رنين ضحكت ومدت اديها واخدتتها منه : عارف يا أسامة الدفتر ده فيه كل حياتي من وانا في ابتدائي لحد ما بقيت في الجامعة بس لما بقيت في الجامعه نسيتها خالص انا مستغربة انها جت مع حاجتي هنا !!
أسامة : عادي اقراها طيب؟
رنين:...لا
أسامة :نعم؟
رنين: قولنا لا!! اسراري الخاصة سيب لي بعض الخصوصيه
أسامة: خصوصية ايه !! انا جوزك
رنين ضحكت : الله ! وهو علشان انت جوزي تقتحم خصوصيتي؟
أسامة ضحك وحضنها: خلاص يختي مش عايز اقراها أساسا
رنين ابتسمت وحضنته : ربنا يخليك ليا
أسامة: ويخليكي ليا
....تمت
دي اخر قصة هنزلها بسبب ان عندي اختبارات لحد نص رمضان بعده هبدأ قصة جديدة
دعواتكم
أنت تقرأ
رنين
Romanceانا رنين... اسمي غريب شويه يمكن! بس انا بحب اسمي ، بيقولوا لكل انسان نصيب من اسمه....اعتقد ان ليا نصيب كبير من اسمي مفهمتوش صح... هتفهموا بعدين... هتجيوا معايا في رحلتي؟
