بسم الله الرحمن الرحيم
قعدوا يتكلموا والجوي وديي بين الكل الا رنين الي كانت حاسه انها بتتخنق اكتر وكان حد لافف حبل على رقبتها او حاطط صخر على صدرها ...امتى ينتهي الكابوس ده بعد الغدا طلعوا يقعدوا في البلكونة في الهوا ورنين كانت بتعمل الشاي حست بحد وراها وكانت بتدعي في قلبها يطلع شادي او حتى حرامي بس ميطلعش فراس ولكن تاتي الرياح بما لا تشتهيه السفن وللأسف الشديد كان فراس
لفت رنين بخضه وبصت له وحاولت تستجمع كل قوتها : ن..نعم؟
فراس: عاملهايه في 3 ثانوي
رنين: كويسه... انت جاي ورايا المطبخ ليه وابعد كده شويه!
فراس: مالك في ايه؟
رنين: ماليش بس ابعد !!!!
فراس: طيب اهدي اهدي
رنين: انا هاديه
فراس: متاكده انك كويسه؟
رنين لفت تكمل الشاي: اه
فراس: اصل حاسك سرحانة
رنين: ميخصكش
فراس: بتتكلمي كده ليه؟
رنين : وعايزني أتكلم معاك ازاي؟
فراس: عادي يعني
رنين: معلش
فراس قرب منها
رنين بجز على سنانها: قولت لك ابعد يا فراس
فراس مسك دقنها ورفع وشها ليه
رنين: متلمسنيشش وبدات دموعها تتجمع في عينها
فراس: تعرفي انك احلويتي او؟ي وحط ابهامه على شفايفها
رنين بدات تعيط : وبتزقه باديها ابعد يا مقرف اببعد وضربته بالمعلقه في راسه سابها ومسك راسه طلعت جري من المطبخ ودخلت اوضتها وقفلت الباب بالمفتاح وفضلت تحاول تنظم نفسها وبدات تنهار من جديد حاله هستيريه من العياط
طبعا لما أمها خبطت عليها قالت لها انها تعبانه ومش قادره تعمل حاجه ودايخه
طلعت الدفتر وبدات تكتب ودموعها بتنزل كانها شلالات
بعد سنتين من هروبي منه لمسني تاني!! يارب انا تعبت بس نجدني يارب انا مش قادره اعمل حاجه انقذني ارجوك ... انا بحارب كل يوم علشان منتحرش ...مش عايزه اخسر دنيا واخره ..اديها كانت بتترعش بقوه مش قادره تمسك القلم ودموعها كانت تعبر عن كميه القرف والقهر الي هي حاسه بيه قامت بسرعه للحمام وقعدت تغسل وشها وتفرك شفايفها ودقنها ودموعها بتنزل بلا توقف طلعت قعدت على سريرها بصمت تام بعيون خاليه من أي شيء في الحياة بس الهدوء والصمت ...تاني يوم الصبح صحيت على صوت المنبه بتاعها قفلته بهدوء وقامت عملت روتينها الصباحي اخدت كتبها وشنطتها ونزلت بدون أي كلمة نزلت تبص على وشوش الناس في الشارع والمناظر لحد ما وصلت للمدرسة دخلت وقعدت في مكانها ونقدر نقول انها كانت سرحانة معظم الحصص
أنت تقرأ
رنين
Romanceانا رنين... اسمي غريب شويه يمكن! بس انا بحب اسمي ، بيقولوا لكل انسان نصيب من اسمه....اعتقد ان ليا نصيب كبير من اسمي مفهمتوش صح... هتفهموا بعدين... هتجيوا معايا في رحلتي؟
