بسم الله الرحمن الرحيم
خلص الحصة والكل طالع رنين بصت في الموباييل الساعه ١١ وربع !! شادي متصل 10 مرات ...احيهه قامت بسرعه حست بدنيا بتلف بيها مسكت في الكرسي نديم بص لها وراح وقف وراها
نديم: رنين انت كويسة؟؟
رنين منزلة راسها على تحت : ايوا يا أستاذ كويسة انا تمام
نديم: تحبي اوصلك؟
رنين رفعت راسها بسرعه: لالا انا...مكملتش جملتها وكانت واقعه بين اديه
نديم برق : رنين!!رنين اعمل ايه...شالها كويس وحطها في العربية وراح بيها على المستشفى وبقى مش عارف يفتح موبايلها ويتصل باهلها فضل ماسك الموبايل لحد ما رن باسم شادي
نديم فتح على طول ورد : الو
شادي بص على الموبايل ورجع رفعه : انت مين؟؟؟
نديم: انا نديم
شادي: نديم مين !! ورنين فين وانت معاك موبايلها ليه!!
نديم: براحه حضرتك بس الانسة رنين اغمى عليها وانا اخدتها المستشفى ومكنتش عارف افتح الموبايل علشان اتصل عليكم
شادي: انت بتقول ايه ؟؟ انت في أي مستشفى
نديم: *********
شادي قفل ولبس جاكيت وجزمته
-رايح فين يا شادي؟
شادي: رنين اغمى عليها في الدرس وودوها المستشفى انا رايح
-ايه استناني طيب
شادي: لا ملهوش لزوم يا ماما ونزل جري
دخل المستشفى وبيبص بعينه على الناس
نديم: أستاذ شادي؟
شادي لف له بسرعه : ايوا ! رنين فين ؟
نديم: اهدى هي كويسة الدكتور قال بس ان ضغطها وطي وواضح ان عندها انيميا .... لازم تاكل كويس وتبعد عن المنبهات شوية هي هتفوق كمان حبه وركبوا لها محلول
شادي: ...هي فين؟
نديم:تعال معايا دخلوا الاوضة ووقف جنب السرير بيبص عليها بصمت تام بدون أي رد فعل
فتحت عنيها بصعوبة بسبب النور وتوجعت شوية من الابرة المغروزة في اديها بصت حواليها لقت شادي ونديم!! ايه الي بيحصل هنا!؟
رنين: ...انا في المستشفى ليه؟ ايه الي حصل
نديم: اغمى عليكي لما كنت خارجه وبس جبتك هنا
رنين: شكرا يا أستاذ تعبتك معايا
شادي : أستاذ!!
نديم: احم اه يمكن الموقف مسمحش اني اقولك انا ابقى مين انا نديم أستاذ علم النفس ومد ايده
شادي سلم عليه بهدوء : شكرا
نديم: العفو ...تحبوا اوصلكم؟
شادي: لا شكرا كتر خيرك
أنت تقرأ
رنين
Romanceانا رنين... اسمي غريب شويه يمكن! بس انا بحب اسمي ، بيقولوا لكل انسان نصيب من اسمه....اعتقد ان ليا نصيب كبير من اسمي مفهمتوش صح... هتفهموا بعدين... هتجيوا معايا في رحلتي؟
