بسم الله الرحمن الرحيم
تاني يوم الصبح صحيت رنين لقت راسها على الدفتر رفعت راسها بسرعه وبصت على الدفتر للحظات واتنهدت بوجع وقفلت الدفتر وقامت غيرت هدومها ولبست لبس المدرسة وخدت موبايلها وحاجتها ونزلت
وصلت للمدرسة
ميرنا : انت فين من امبارح !!!!
رنين بصت لها ميرنا تنحت من شكلها عنيها حمرا ومرهقه جدا وشها اصفر
ميرنا سكتت بمجرد ما افتكرت التاريخ مسكت اديها وابتسمت لها
رنين ابتمست لها بهدوء
ميرنا : تعالي اقولك اخدنا ايه يلا وسحبتها وراها
رنين: براحة طيب براحة
ميرنا : بصي بقى وفضلت تتكلم وتشرح لها
رنين : تمام خلاص
ميرنا : أستاذ نديم سالني انت غايبه ليه ابقي اديه عذرك علشان امبارح كان اختبار شفوي وانت مكنتيش موجوده لا في المدرسة ولا في الدرس
رنين: هبقى اكلمه
عدت الحصص بهدوء تام يوم دراسي عادي جدا اخر الدوام راحت رنين لنديم
رنين : أستاذ نديم
نديم بص لها : رنين ! ازيك ؟
رنين: بخير الحمد لله ...معلش مجيتش امبارح بس كان عندي ظروف خاصه
نديم: تمام هبقى اختبرك النهاردة بليل استعدي وضحك
رنين ابتسمت: ان شاء الله عن اذنك
نديم: اتفضلي
رجعت رنين الفصل اخدت شنطتها وبدات تمشي علشان تخرج من المدرسة وفتحت الموبايل ولقت مامتها باعته لها رسالة " انا عند خالتك وشادي مشغول في شغله فراس هيجي ياخدك يوديكي البيت بعدين تيجوا هنا "
رنين بطلت تمشي وقفت في مكانها وكان الزمن وقف جسمها بدا يترعش دموعها بدات تنزل وكل الي في راسها : فراس !! فراس لا
اتصلت على أمها
رنين: ايوا يا ماما
-ايه في ايه؟
رنين: ملهوش لزوم تتعبي فراس ا..انا هاجي لوحدي اا انا عارفه الطريق
-انا مقولتش له يجي ياخدك ده هو من نفسه كتر خيره فيه الخير ابن حلال
رنين: ملهوش لزوم يا ماما..
-في ايه يا رنين هو هياكلك؟ ما خلصنا قولنا جي لك اقفلي خليني اكمل شغل مع خالتك وقفلت
رنين: لا لا ...فضلت تبص حواليها مينفعش تخرج من أي مكان غير بوابه المدرسة .... طب طب مش يمكن هو لسه موصلش وهتلحق تهرب ... خرجت مع عدد كبير من البنات ومشيت بسرعه اوي لقت ايد بتمسكها لفت وشها لقته فراس ومبتسم ابتسامه مقرفه خبيثة دموعها بدات تتجمع في عينها وتنزل بهدوء وفجاة قاطع حد تواصلهم البصري ده
نديم: في ايه؟
رنين بصت لنديم بسرعه : أستاذ نديم!
نديم: ايه الي بيحصل هنا؟ وانت ماسكها كده ليه ؟
فراس: انا بس مسكتها علشان هي مشافتنيش في الزحمه مش كده ولا ايه يا رنين ؟
رنين بصت ل نديم وعنيها موضحه قد ايه هي بتعاني
نديم: حضرتك تقرب لها ايه وسحب رنين ووقفها وراه
فراس: ابن خالتها
نديم : المفروض ابوها او اخوها الي يا خدوها او أي أقارب من الدرجة الأولى معلش مستحيل اسمح لا تروح معك
فراس: نعم؟؟
نديم: الي سمعته ..
فراس : انا ممكن اكلم لك اخوها وامها يثبتوا كلامي ...رنين !! ممكن نبطل شغل عيال ويلا بقى ؟
نديم: وانا قولت مكملش لان رنين ضغطت على ايده وسابته ومشيت
فراس: شوفت الموضوع بسيط ازاي ...وابتسم بسخرية : عن اذنك
نديم بص في ايده لقى رنين سايبه ورقه ...
ركب العربية ورنين جنبه
فراس لف عليها : نورتي العربية
رنين رفعت راسهاوبصت له : بنورك
فراس ابتسم وشغل العربية واتحركوا طول الطريق ورنين قاعده بتحاول تنظم نفسها وشادة على هدومها وبتدعي ان ربنا ينجيها
غمضت عنيها بيأس "يارب ساعدني" حست بايد بتحطط على رجليها فتحت عنيها وبصت له وزقت ايده بعيد
رنين: ..احترم نفسك
فراس: ايه؟
رنين: الي سمعته !! لو لمستني هفتح باب العربيه !
فراس: انت مجنونة؟
رنين: بس مش متحرشه!
فراس برق : انت زوديتها
رنين لزقت ضهرها في باب العربية وقالت بصريخ: قولت لك ابعد ايدك عنيي!!! انت مش بتفهم؟
فراس رفع حاجب وحاجب ولف راسه على الطريق بهدوء تام فضلوا ساكتين لحد ما صلوا لبيتها
رنين نزلت : متستناش انا مش جايه ! ورزعت الباب
وطلعت بسرعه على فوق فتحت الباب وجت تقفله فراس حط رجليه
رنين بصت له بخوف : انت طالع ورايا ليه؟
فراس: علشان نتفاهم دخل وقفل الباب.....يتبع
أنت تقرأ
رنين
Romanceانا رنين... اسمي غريب شويه يمكن! بس انا بحب اسمي ، بيقولوا لكل انسان نصيب من اسمه....اعتقد ان ليا نصيب كبير من اسمي مفهمتوش صح... هتفهموا بعدين... هتجيوا معايا في رحلتي؟
