Mga mahal kong kaibigan
Na palaging sandigan
Sa oras ng pangangailangan
Ika'y palaging nandiyan
Wala namang sukatan
Kung gaano kita pinapahalagahan
Basta turing mo saki'y kaibigan
Hindi kita basta iiwan
Nagsimula sa simpleng batian
Kwentuhan parang walang hanggan
Tawanan, iyakan at kung ano pa man
Magkakasama pa rin ng ilang buwan
Abala man ang iba
Lagi pa ring nakakaalala
Batian sa umaga hindi nawawala
Kahit hapon na, batian pa rin ay magandang umaga
Saan ka pa ba makakakita
Nang mga kaibigang katulad nila
Kahit nalulumbay ika'y mapapasaya
Nag iisa lang yan, hindi iyan mahahanap sa iba
Pagkakaibigan nating nabuo
Kahit pa tayo'y magkakalayo
Masaya ako na tayong lahat ay pinagtagpo
Dahil naging makabuluhan ang buhay ko
Kulang ang salitang pasasalamat
Dahil kaibigan isa kang alamat
Na masarap isulat sa isang aklat
At bibigyan ng magandang pamagat
Maraming salamat sa pagkakaibigan
Dahil tayo'y umabot na ng siyam na buwan
Sana itong tula'y inyong magustuhan
Dahil bawal salita sa inyo lamang inilalaan
