مَـسـرَحِـيـه هَـزْلِـيـه| ج.ج.ك

الروايه!

احم  مساء الخير كده بارت توضيح بتاع الروايه اهو سو قبل كل حاجه انا من البدايه وانا محدده ان الروايه مش هتزيد عن عشر بارتات سو سوري لو كان حد عايزها تتطول بس دي تعتبر تاني روايه ليا، وبعد ما بدأت كتابتها لاحظت انها روايه تقيله شويه وهتتضمن العديد من المشاهد الحزينه لذا جعلتها عشره فقط عشان متقفلش من الكتابه او اضغط نفسي من تاني روايه ليا..

طبعا عارفه اني ممكن مكنش تعمقت ف مشاعرهم بالشكل المطلوب بس وعد هعوض الموضوع ده ف روايه تانيه تبقي أعمق من دي..

ثانياً بقا انا الروايه دي خدتها كنوع من أنواع التدريب علي السرد وطرق مختلفه لترتيب الاحداث حتي اخرج ف المستقبل روايات أعظم منها بمراحل

وثالثاً انا لا اكتب روايات حتي وان كانت من فصل بدون هدف لذا أهداف الروايه هنا كانت اني اطلع أسباب دمار بعض من العلاقات الزوجيه وبعض المشاكل النفسيه الناتجه بسبب ذلك الامر لذا ركزوا معايا..

ف البدايه كده احنا معانا اول علاقه وهي علاقه تشانغكيون وهانا
علاقه الاتنين دول اتدمرت بسبب إهمال الزوج وعدم تقديره لمجهودات الزوجه بسبب خوفه من التقدم ف العمر -ده يعتبر مرض نفسي- الزوج هنا خاف من انه يكبر خلاص ويبطل يسهر ويتجنن زي ايام شبابه وحس بالغيره من الشباب اللي بتتبسط بس نسي انه كان ف فتره شاب زيهم ولازم يكبر دلوقت ويتحمل المسؤوليه بجد وده اللي لاحظه الزوج ف النهايه..

وثاني علاقه هي علاقه جونغكوك وريڤال
دول كانوا اصحاب اكتر علاقه معقده هنا الزوجه كانت عصبيه وغير متفاهمه وده مش صح والزوج هنا كان بيخاف من المشاكل وبيحاول يتجنبها اكتر من اللازم والمفروض ان البني ادم يواجهه مشاكله مش يتجنبها،الزوجه هنا مدتش لصديقها اللي هي عارفه انه بيحبها حدود زي م الزوج عمل مع صديقته وده كان سبب ف تشتت مشاعرها اليه وده كان طبيعي نظراً لاهتمام صديقها بيها ومحاولته لحل مشاكلها حتي لو ميعرفهاش علي عكس الزوج اللي كان بيتجنبها،وغلط كمان عملوه انهم بعد كل خناقه مش بيتعاتبوا وبيعدوا الموضوع وده بيسيب اثر ف الشخص عشان كده الزوجه حتي بعد انتهاء اي مشكله فضلت فكراها ومتختطهاش.

لذا هنا ممكن نقول أسباب انهيار العلاقات هي:
١- المشاكل اللي مش بتتواجهه
٢-الخيانه
٣-الكذب
٤-الملل
٥-الخذلان
٦-وان احنا نسيب الناس تتدخل ف حياتنا زي م حصل ف الروايه

ومن العلاقات السليمه اللي بتكمل هي  علاقه ميلين وكريس
دول بقا الاتنين اللي عرفوا يواجهوا مشاكلهم لوحديهم من غير ما يدخلوا حد ف حياتهم يبوظهالهم،دول بردو اللي بعد كل خناقه اتعاتبوا حتي لو الخناقه كانت اعظم ما يكون...مش كل المشاكل منقولهاش للناس أحياناً البني ادم بيحتاج يفتفض لذا من الجيد التحدث عن ما يحزننا وبعض المشاكل الصغيرة الخاصه بحياتك انت فقط وليس حياه فردين..

طبعاً تأثير الموضوع بقا ع الفرد:

خناقات والداي جونغكوك سببت عقده نفسيه لجونغكوك من وهو صغير ومبقاش حابب فكره الزواج خوفاً من انه يكرر نفس الغلط ويخلي ابنائه يحسوا زي م هو حس عشان كده هو كان بيتجنب المشاكل بقدر الامكان عشان بيخاف منها وبيخاف من الأثر بتاعها.

وتأثير الانفصال علي هانا كان ف ازدياد عصبيتها بسبب عدم ثقتها بنفسها فهي لا تعلم لماذا قام زوجها بخيانتها وهي لم تقم بشئ خاطئ لذا القت اللوم علي مظهرها مما سبب غضبها وعصبيتها المستمره بسبب الشعور بالنقص،والشك ف كل من حولها فلقد تم خيانتها من زوجها لذا هي تتوقع الخيانه من اي شخص.

تجنب جونغكوك لمواجهه المشكلات سبب بردو عقده نقص عند ريڤال وخلاها محتاجه حد يفهمها ويواسيها زي ما جيمين عمل معاها فكان من الطبيعي انها تميل للي مش هيخذلها.

وبكده اكون خلصت كل حاجه متعلقة بالروايه لذا اتمني ان تعطوها الحب.

وانا بالفعل بدأت في تحضير روايه جديده ولربما تكون اعظم من مسرحيه هزليه

والمؤكد انها ستكون ذات فصول اكثر من مسرحيه.

لذا الي اللقاء جميعاً.🖤