نمشيو عند لارا ومونيا لي باقين مجمعين
مونيا ... دابا والديك ماتو
لارا... بحزن / اه ملي کنت صغيرة بقيت غير انا وختي صاف
مونيا... ايوا من ليوم عتابريني انا مماك كون تعرفي شحال تمنيت تكون عندي شي بنيتة وربي جابك ليا تكوني بمتابتها من ليوم گولي ليا غير ماما صاف
لارا... ههههه واش بصح زعما مگاديش تكوني شريرة معايا وتگولي ليا شحال بغيتي وتفرقي مع ولدي بحال الافلام
مونيا ... هههه لا انا حماية ظريفة ماشي بحال هدوك المسمومات
لارا... كون تعرفي شحال كنت خايفة لامتقبلينيش وتگولي بلي انا ماشي من مستوى صرب
مونيا... عمرني تعاملت مع شي انسان من ناحية طبقة الإجتماعية بالعكس واصلا انا فرحانة لي ولدي ختارك نتي تكوني مراتو
لارا.... عنقاتها / شكرا بزااف اماما كون تعرفي شحال فرحتيني
مونيا... بنتي 💓💓
صرب... تبارك الله الوليدة يهديك الله راه رزق ولدك هداك
مونيا ... سكت يا بن الماسخ اش باقي كدير كون مشيتي تنعس
صرب... ومونيا ونتي لي خاصك تمشي راه ليل باقي طويل ونيار كيتسناك فبيت النعاس
مونيا ... وقفات / الله يقلل حياء اوليدي مابقيتي تحشم من مك
صرب...يالله نعسو
لارا... كيفاش نعسو
صرب... هي نعسو يلاه اجي
تمو طالعين تلقاو نيار مقنت مونيا مع الحيط وعاطينها لبوس 😍😍😍😍
صرب... احم احم هالي گلنا وعباد الله راه كاين ما يسمى غرفة التطبيقات اي بنت النعاس ... تف تف الله يهدي مخلق.. جر لارا قدامو سد ليها عينيها ... اتعلمو ليا خطيبتي المسخ وهي باقا صغيرة عليه .. كمل طريقو و سي نيار حلف لا طلق من مونيا واخة عيات متفركل ليه ولا حشم .. گلب البرمة على فمها يطلع الولد يشبه بووه(😆) ... خصوصا صخر طالع كيشبه لباه فكولشي ..
مطلق منها حتى حس بالدم ففمو حيت عضاتو 😂😂
نيار... "عاقد حجبانو" اش واقع
مونيا ... "بعدم صبر "كيفاش اش واقع واقيبة عروستك لي دازت دابا
نيار... او الى ياك مراتي حلالي عادي
مونيا... اوف نيار گلت ليك حتا ندخلو لبتنا
نيار... حتا دابا موقع والو يالله نكملو فيه
خنزرات فيه وتمت غادة لبيت .. بتاسم بحب ومشا تبعها 🤣🤣🤣 نخليو هادو يتمعشقو فخاطرهم ونمشيو عند التنائي المرح 😍😍
لارا... دابا دابا واش هادشي عادي عندكم فالعائلة
صرب... 🤣🤣🤣🤣 متكونيش حساسة عادي راجل ومرتو مكاين لي يگول ليهم شي حاجة
لارا... عندك الصح مهم وريني بيتي فين هو نمشي نعس
صرب... اك يلاه اجي نعسي
لارا... مفهمت
صرب... ناض ومشا وقف قدامها/ حبيبة مفهمتش منين كينزل عليك هاد الكلاخ ولكن من اليوم هدا بيتك
لارا... ههههه واش من نيتك انا ونتا فبيت واحد بلا زواج
صرب... حوايجك مساتفين فدريسينغ لداخل وخودي نتي هاد الحمام دوشي فيه انا غادي نمشي لحمام اخر
لارا... اوووف منك اصرب اش غادي يگولو وليديك علينا
صرب.. "كان ماشي سمعها كتدوي " مديريش فبالك وليدية عندهم عقلية اوبن 😉
مشا كلا واحد فيهم لحمام دوشو ولبسو حوايجهم .. فضلات لارا انها تنشف شعرها غير بالفوطة بلاش من شيشوار مشات نعسات حدا صرب لي زاد قربها ليه حط ليها راسها على صدرو كيحرك اطراف سباعو على شعرها ... بقاو ساكيت حتا قاطعت الصمت
لارا... صرب
صرب... اممم
لارا... امتا بغيتيني
صرب... اش طيح هاد السؤال فبابك
لارا... غير هكاك يلاه جاوب
صرب... اممم تقدري تگولي من اول نظرة بغيتك ودابا وليت اكتر كنعشقك يا بنت
لارا... "بتسمات ابتسامة عريضة "يااي بحالي انا 🤭
صرب... مالك نتي
لارا... حتا انا بغيتك من اول مرة شفتك
صرب... امم ودابا
لارا... "باستو فشفايفو "مكنتسورش حياتي بلا بيك
زاد ضمها ليه طفاو الضوء ونعيسو 😌😴
مايا لي فيقتها شميسة سخونة داخلا من البالكو
ساطعة على عيوناتها ... فاقت كتكسل تحيد العگز مشات لحمام قدات حاجتها گسلات سنيناتها ووجهها توجهات لدريسينغ خدات لبسة مع ميكاب صباحي ختمات بعكر حمر سيشورات شعرها جمعاتو بمشيطة زوينة سلات تمت
هبطا فدروج بخطوات موزونة وبتقلالة حتا كيبان ليها صخر كيطيب ولابس طبلية مع سروال كيطمة فقط وعضلاتو بازرين متشنجين بقات ساهية فيه حتا فيقها صوتو
صخر... هيهو فين ساهية
مايا... بدون شعور/ فيك 😪
صخر... كيحاول يخبي ابتسامتو / مسمعتش 🤣🤣🤣🤣
مايا... ههههه متديش عليا صباح الخير بعدا 😊
صخر... صباح الخير اجي عونيني شوية
مايا... صاف واخا اشنو ندير
صخر... طيبي البيض وجبدي ليا دقيق
مايا... اشنو انديرو 😁😁
صخر... الكريب يالله ديري لي گلت ليك
مشات دارت لي کال ليها يلاه اتمد ليه الدقيق حتا كتعكل ويجي على وجهها بقا كيبانو فيها غير العينين 🤣🤣🤣🤣🤣🤣🤣🤣... شافها هكاك كترمش ببطء بقا ممستوعباش اش وقع ليها مقدرش يستحمل كتر ونفاجر بالضحك 🤣🤣🤣🤣🤣🤣🤣 ... بتاسمات فاش شافت ضحكتو لي باينا خارجة من القلب وعويناتو لي تسدو بقوة الضحك حمقها هبلها شرشمها مكرهاتش تلاح تبوسو ولكن تقلات راسها ربعات ايديها وعقدات حجبانها كتسناه يسكت ... شافها بحال هداك نافخا شفايفها زادت كملات عليه بهاد الشكل مبقاش قادر يسكت ... وخصوصاً انو معاها كيكون على طبيعتو ماشي بحال الخدمة لي ديما جدي وحد مايزعم عليه وحتا من صرب قليل فاش كيضحك معاه .. اغلب الوقت ابتسامة جانبية ولا استهزاء مكانش كيعرف شي حاجة سميتها ضحكة ... شوية بشوية حس على راسو وبدى كيجمع فيها حتا رجع لجديتو خنزر فيها
مايا ...لا لا غير زيد ضحك عليا لاش سكتي 😒😒😒
صخر... مشا عندها حتا زداها مع البوطاحي هبط راسو ليها / اممم اشنو بغيتيني ندير ونتي شكلك هكا كيخلع 🤣🤣🤣🤣🤣
مايا... بعد مني متقربش ليا
صخر...شووش تبتي شوية / خدا فوطة من فوق كتافو بدا كيمسح ليها بحنان حتى مشا دقيق .. هكا رجعتي زوينة
مايا.... أ! شنو گلتي..... /. سيدة مسكينة دابت من هاد التصرف ولات غير كترمش مسمعاتو حتا اش گال 🤣🤣🤣🤣🤣🤣
صخر... باسها من خدودها بجوج / اممم گلت دابا رجعتي زوينة 😉
غير كترمش فيه كانت فتصرفاتو ولات فالبوسان كتحس بقلبها ايخرج من قوة هاد الصدمات 😂😂😂
مايا.. اه اه انا خاصني نمشي تمت غدا حتا دخلات فحيط ... اي اي راسي 🤣🤣🤣🤣🤣🤣😉
صخر... بشوية عليك واش نتي بعقلك / كيدوي ويشوف فجبهتها 😍😍😍😍
مايا... تنهدات ... علاش تنا خليتي ليا شي عقل 🙄😪
صخر... سمعها ودار براسو ممهتمش / مفيك والو دابا غادي تزيدي معايا تگلسي تم لا ديري شي موصبية
مايا... اوووف غير طلق مني عندي ايديا 😒😒😒
مهتمش مشا گلسها فصلا مونجي رجع يكمل شغلو ملي سلا بدا كيحط فالطبلة حتى كمل وطلع لبيتو يبدل حوايجو ... أما واحد المرضية غير تحطات قدامها الماكلة دخلات فيها طول وعرض متسوقاتش ليه ... شوية بان ليها هابط لابس كوستار فنواغ وربحتو سبقاه وشعرو مرجعو لور مع تخنزيرتو المعتادة لاحظت معاه ديما جايا وشادة ليه فإيديه وابتسامة على وجهها .. زيرات على الموس فإيديها حتى ترحاات ولكن مهتماتش بقدر نار لي شاعلة فقلبها وهي كتشوفها قريبة ليه لديك الدرجة ... بقاو كيمشاو حتى وصلو عندها نتابه صخر لدم فوق لاباب وهز عينو شوية بانت ليه مزيرة على الموس والدم خارج دغيا فلت من ديما ومشا حيد ليها الموس ... جر عليها الكورسي نوضها وهي عينيها غير عليها كتشوف بواحد النضرات كون كانو قرطاس الله يرحمها كانت بنت مزيانة 😂😂😂😂
غسل ليها ايديها من دم شدها ليها بكننيكس يوقف دم رحع گلسها طلب من ديما تجيب عدة اسعفات .. عقم ليها الجرح ودمضو
صخر... واش حماقيتي لاش ضربتي ايديك 😡
مايا... محسيتش براسي حتى تحرجت وزيدون شكون نتا لي تغوت عليا لاش جايبني لهنا اصلا انا امشي بحالي
صخر.. الى ساخين عليك رجليك نوضي نتي اتبقاي هنا حتا ترجع ختك ميمكنش تگلسي فدار بوحدك
مايا... ماشي سوقك فيا انا بغيت نمشي بحالي
صخر... حتا دابا سيري وغادي تشوفي اش اندير ليك
مشا گلس ياكل بكل برود وهي كتشوف فيه وتنفخ اصلا متقدرش تمشي وتخليه مع ديما بجوج غير كتفشش عليه 🤣🤣🤣🤣
VOUS LISEZ
غیرتي ستکلفک شرفك(في طور الكتابة)
Humor💃💃ها انا جيت هاد القصة زوينة فيها بزاف الخيانة الحب الهوس الإغتصاب الفراق ....
