غیرتي ستکلفک شرفك(في طور الكتابة)

الجزء 9

صرب يالله ايبغي يطلق عليها سلوكية تاني وهي تجين ضربة لگفااه
صخر.... : ايييه كمل اسي مالك سكتي كنبغيها ومنها نخلاق زيد اشنو اخر 😒
صرب... : اخويا يلاه لقيتي كنگول ليها الله يعمرها دار... كيدوي ويبعد على ذاذا فاطمة حتا جمع الوقفة وتم هارب 😂😂
صخر... :كيغوت باش يسمعو... غير هرب دابا نجيبك نجيبك
مشا ريح فبلاصو
ذاذا فاطمة.... :بصح اوليدي ناوي تزوج بديك عوى😔 ( فخاطر مونى 😂😂)
صخر... : اذاذا يهديك الله اشمن زواج هديك مجرد صديقة عشية اتمشي بحالها لتقلقك معندنا منديرو بيها
ذاذا فاطمة.. : الله يرضي عليك اوليدي اصلا كنت عارفاك متاخدش بحال داك النوع
يلاه ايجاوبها صونا ليه تليفون... نجاوب وانا معاك... واخا اوليدي خود راحتك.... خرج مشا لجردة
صخر... : الو وي
امير... : مسيو صخر احم الى كان ممكن تقدر تجي لشركة كينين شي اورااق مهمين لازم توقع عليهم 😊
صخر... : اوك ساعة نكون عندك.. قطع
مشا دخل گال لذاذاه عندو خدمة ضرورية طلع لجناح ديالو مشا لحمام خدا دوش خفيف يحيد ارهاق ديال الطريق من موراها لبس سروال جينز نوااغ قوبية فالبيض وسبادغي نفس اللون دار جيل لشعرو ردو لور واخر حاجة ريحتو الي مصممة خصيصا ليه مكاينش شي واحد فهاد الكون عندو ختها... احم صالا شد الطريق لشركة... كي وصل دخل لمكتب امير وقع على الوراق لي عطاه من بعد ماقراهم قرائة متمعنة وفأخير خبرو لاخر بلي لقا ليه سكرتير مي مهتمش خرج من لبيرو وسد لباب 😂😂
=>نهاية الفلاش باك 💅
كي وصلات مايا لشركة مشات لبرگينغ بلاصات لوطو ديالها هزات ساكها وخرجات كي سدات لباب سمعات صوت تيلي جاها ميساج فتحاتو وكملات طريقها كتقرى فيه
Lara: Lkharya ach w9a3 T9balTi FLkhadMa Ola Nn?
Lara: Jawbi lah yn3al Asel mok 😒
في ضخم قرائة هاد الرسائل دخلات فشي حيد هزات عينيها 😱
في ضخم قرائة هاد الرسائل دخلات فشي حيط هزات عينيها يان ليها سيد كمل طريقو عادي 😅وهي طارت من لبلاصتها ولصقت مع لحيط حيت دفعها
مايا.... : بالغوات ..ايوا الله ينعل الزامل بوك مكتشوفش 😒.... شمات شي ريحة حمقاتها.... فخاطرها: واخا زامل ضربني مي ريحتو سطاتني نموت ونشوفو كي داير 😻... ملي شافتو مجوبهاش مشات تبعاتو كتجري حيت بعد عليها بزااف يلاه حل لباب يطلع لوطو ديالو زربات عليه وسدات لباب 😂😂
صخر سمع شي وحدة كتعاير فيه مي مهتمش كمل طريقو
كي سدات لباب هو هبط عينيه وهيطلعاتهم بكل بساطة حيت هو طويل وهي قصيرة سهاو فبعضياهم مدة مطويلاش
مايا.... : ياربي اش هاد الملاك قدامي واش انا فجنة عينيه كيحمقو وشفارو طوال يكون مركبهم 😕محال اه على شفايف عندو يكون معكرهم نو محال هاد الماركة مكديرش المكياج 😂😂
صخر... : كتحمق زينها مليه مثيل عينيها سطاوني شفايفها بحدهم حكاية ماليها نهاية
بقاو بحال هاكا كلا واحد غارق فعينين لاخر حتا حس صخر بحال براسو وخنزر فيها
صخر... : مالنا ؟ 😒
مايا.... : كيفاش كيفااش الاخ نتا داخل فيا شوية متخسر ليا لافيشور ديال وجهي وكتگول ليا مالنا 😡 (عيباتو 😂)
صخر.... : اللهم صبرك يا ايوب راك نتي لي جايا قدامي
مايا... : اممم اك حتا دابا عتاذر ليا وسير فحالك 😌
صخر... : بعصبية... واش نتي شوية لاباس 😤
مايا.... : الحمد لله كولشي بخير ونتا 🙄
صخر... : حيدي من قدامي قبل منفوت فيك شي دقة 🔥
مايا.... : شناهوا ضربني اسي انا گلت ليك عتاذر ودور 6/9 مي نتا مغاديش تعتذر وحتا دابا دور تقود بلاش 😡
صخر.... : اوووف كترتو القحاب
مايا....: انا انوريك فعايل لقحاب 😡
صخر... : بغرور اش عندك مديري گااع
مايا... : هانتا اتشووف 😈 هزاات، جليها حتا لسما ونزلت عليه لمولاي السلطان 🤣🤣🤣.. اما سيد مسكين بحر الدقة طاح لأرض شد فيه... هبطت لمستوااه
مايا... : بغنج دابا گول كيف جاوك فعايل لقحاب... لاحت ليه هاد الجملة وتمت غادا كتعوج فالمشية وشعرها كيتهز ويتحط مع كل خطوى وخصرها كيتلوى 🤤
صخر.... : بالغوات ...غادي ندفعك الثمن غالي غير بلاتي غادي نوريك اللعب مع صخر بشحال كيتقام
مايا... : وقفات... اووو خلعتيني نتا بان ليا بغيتي القحوب من نوع اخر مي دوماج مكنعرفش ليه بحال ختك مع غمزة 😜....
كملات طريقها وخلات بركان على وشك الانفجار كيتوعد ليها بالكثير
اما لالة مولاتي دخلات لشركة مشات لبيرو امير دقات جوج مرات عطاها الادن فتحت الباب... وقف سلم على بإدين
امير... : مرحبا بمدموزيل مايا
مايا...: مغسي بوكو احم نقدر نعرف سبب المجيء ديالي هنا
امير...: هههه كيضهر ليا بلي زربانة بون اندخل فالموضوع نيشان نتي قارية على الادارة الاعمال وواخدة الباك بمعدل جيد حدا اشنو لي يخليك تخدمي سكريتيرة عادية
مايا... : احم بكل بساطة انا باغا نعمر سيڤي ديال ونفس الوقت نكتسب الخبرة من عند المدراء ديالي
اميير... : صراحة تفكير ذكي انهرت بيك.. مهم اوقات العمل من 9 ل 7 بيان سيغ كاينة بووز ديال الغدا
مايا.... : لك مغسي معامن انخدم
امير.... : اتخدمي مع مسيو صخر العالمي
مايا كي سمعات السمية طاح فيها نص نزلات على كاس ديال لما كامل شرباتو 😂😂😂 استأذنت منو وخرجات ركبات لوطو ديالها نيشان لدار غادة وتدوي بوحدها ... لا اكيد غير تشابه فالاسماء لا لا ومال صخر جات عندو وحبسات واصلا هو لي جبدني😌 اوف امايا خرجيه من عقلك يمشي يتقود فين عمرك فكرتي فشي حد كتر من 5 دقايق رجعي لعقلك
وصلات مايا لدار دخلات مبانتش ليها ختها طلعات لبيتهتا بدلات حوايجها لبسات شورط قصير وديباردور منين صلات جمعات بيتها وهبطات لكوزينة تصاوب لعشا مشات سوبات گركتان مع سلاد وعصير ليمون مهم بقات محشية فالكوزينة شي ساعتين حتا كملات وجمعات روينة لي
خلات وصلات 7 جات ختها مشات بدلات حتا هي حوايجها وهبطات لقات مايا كتختار ف فيلم
مايا...: لارا گولي ليا ااشمن فيلم نختار
لارا... : خوديه كوميدي مي متبدايه حتا نصاوب لگلية
مايا.... : اك صاف
مشات صوباتها وگلسو كيتفرجو گولو غير لارا لي كتفرج اما مايا غير ساهية دازت جوج سوايع حتا كمل لفيلم
لارا... : اشنو واقع ليك نتي
مايا... : والو
لارا... : واش يصحاب ليك انا مكنعرفكش دوي خلاص منين جيت بنتي ليا مبدلة
مايا.. : احم مهم قبيلة فاش مشيت... عودات ليها كولشي
لارا... : ويلي ويلي مشيتي فيها الزغبية تخيلي يكون مديرك 🤣🤣🤣🤣
مايا... : او من بعد هو لي عايرني اصلا كون عتادر مكناش انوصلو لهاد شي ومكنتش انضربو
لارا... : تخيلي ميبقاش قادر يولد من ديك الضربة 😂😂😂
مايا.. : اووف عاودت ليك ندمتيني نوضي نتعشاو باش نعس خدامة مع 9 غدا
لارا... : هاني ساكتة عارفاك باغا تهربي من الموضوع
ناضو لبنات كلاو ولارا كولا مرة جابدة موضوع صخر كتعصب فمايا لي غير كتخنزر صلاو وكلا وحدة طلعات لبيتها نعسات 😴
اما عند صخر لي منين مشات مايا ركب لوطو ديالو عفط عفطة وحدة لڤيلا كي دخل طلع لبيت الينا كان باغي يخرج فيها الفقصة لي ركبات فيه لاخرى مي منين سول الخدامة گالت ليه مشات بحالها هبط لجردة مشا جاب قرعة ديال الوسكي وكاس وگلس كيشرب وشرار طالع ليه من عينيه كيتفكر مايا لي جنناتو 😂
بقا گالس ما يقارب تلات ساعات حتا كان كمل جوج قراعي وقرب يكمل التالتة جات عندو ذاذا فاطمة جرى عليها بمعنى بغا يبقا بوحدو
تم داخل صرب بان ليه خوه فالجردة تم ماشي عندو
صرب.. : برووو كاين شي موشكيل اش واقع
صخر... : مواقع والو اش ايكون
صرب... : شاف القراعي لي فوق الطابلة... مواصفات ليك تشرب هادشي كامل الى مكانش شي مشكل
ناض صخر ضرب ليه على كتافو... مديرش فبالك نوض نتعشاو ذاذا فاطمة دايرة ليك اكلة لي كتعجبك
صرب... : بغيتي تگول لي كتعجبنا 😅
دخلو دراري تجمعو على الطابلة الاكل هوما وذاذا فاطمة لي خالعها سكوت ديال صخر حيث كتعتابرو سكوت ما قبل العاصفة 😂😂 مهم العشا داز فهدوء
انساحب صخر هو لول طلع لبيتو نيشان لحمام فهاد الوقت كامل صورة ديال مايا مفارقاتش عقلو دوش خرج نشف لحمو وشعرو من موراها لبس يوكسور وتلاح ففراشو
اما صرب مع ذاذاه كيدويو فمواضيع مختالفة حتا طاب نعاسهم وكلا واحد مشا لبيتو
صرب دخل لحمام دوش حيد عليه ارهاق ديال هاد النهار من موراها تخشا ففراشو
وهاكذا الابطال ديالنا كانو كاملين ناعسين
نهار جديد البداية عند صخر لي فاق مشا لغابة جرى ليه شوية 😂 وجا شرب جي دوگونج من مراها طلع لجناح ديالو خدا دوش وخرج لبس كوستار فالنواغ رجع شعرو لور رش عطرو الرجولي 🤤 وشد الطريق لشركة مسافة الطريق كان تم بلاصة لوطو فالبرگينغ ومشا لأسانسور 😊
نمشيو عند مايا لي سونات ليها بالاعمال مع 7.30 ناضت خدات مشان لحمام قدات روتينها الصباحي من موراها خدات دوش...خرجات لدريسينغ ديالها لبسات حوايجها من موراها سيشوارت شعرها...صوبات مكياجها وختماتو بعمر حمر رشات ريحتها وتوجات لكوزينة لقات منها موحدة ليها الفطور فطىو بجوج وخرجو
لارا...حطيني غير فالطريق الرئيسية وسيري لخدمتك
مايا....: ونتي اش غادي دي
لارا...: اناخد طاكسي ونمشي للمعهد
حطات مايا لارا فالشارع الرئيسي وكملات طريقها لشركة بلاصاات لوطو فالبركينغ ومشات لأسانسور لقاتو ايتسد مشان كتجري وقفاتو ودخلات بان ليها شي واحد واقف حداها مي مكيشوفش فيها متسوقاتش واحد لحظة طاح ليها الشعر على عينيها هزاتو تبعدو على عينيها وهي توسعهم فالشخص لي واقف قدامها
صخر/مايا...: نفس الوقت .. نتا/نتي 😨😰
يالله بغا ينطق واحد فيهم وهو يحبس الاسانسور

يلاه تشوقو شي شوية 😂😂