غیرتي ستکلفک شرفك(في طور الكتابة)

الجزء 32

أما عند صرب لي حل الباب لقا خدامة خنزر فيها حيت حرماتها عليه 
صرب... اش كاين 
خادمة... مسيو لالة مونية وسي نيار لتحت كيتسناوكم على طابلة الفطور 
صرب... تنهد .. واخا احنا جايين 
دخل وسد لباب بجهد وتم غادي جاي فالبيت والفقصة ديال هاد الخدامة باقا واحلة ليه 😂😂😂 
ماهي الى دقائق قليلة حتا خرجات لارا لابسة شورط جينز وتيشورط ميني بوط فالغوز مع سبادغي بيضة مع اكسيسوارات مناسبة نضاضر فوق راسها لي مطلوق على طولتو مسرح أما وجهها كتفات بريسي تكتف شفارها وعطر غوز ماط بارد 
تمشات حتى لعندو وراسهها لأرض حنبكاتها حمرين من الحشمة لي سبحان الله كتزل عليها مرة فالقرن 😂😂 
صرب.. هزي راسك 
لارا... اممم شنو 
صرب... بغيت نتزوجو ليوم ودابا 
لارا.... اشششششنو 😲
صرب... كيف سمعتي ليوم اتولي مرتي ديالي ملكي 
لارا... هههه كتضحك معايا ياك 
صرب...بان ليك أحبيبة حالتي ديال الضحك بكترت ما كندوش ايولي فيا البرود الجنسي بسبابك 😒
لاراا... هزات راسها بمعنى كتفكر 🙄.. امم لا مموافقاش حتا تگول ليا فين كنتي كتشوف وتضحك 
صرب... قرب ليها لاسقها مع الحيط وايديه كيتمسو فخاضها العريانين ... هديك هي لي اتولي مرتي الى مقبلتيش بهاد الزواج 😉
لارا... صرب شحال من مرة كنگول ليك متضحكش معايا بهاد ضحك 
صرب... مي أحبيبة انا گنگول غير صراحة 
لارا... تجمعو دمووع فعينيها ... بصوت باكي نتا كتعرف شي وحدة أخرى من غيري 
صرب... مطول شوفا فيها ... اه 
لارا... نزلو جوج دمعات قد قد ... نتا كتخوني 
صرب... لا كنخونها هي معاك 
لارا... هيء نتا نتا هيء (شهقات) مكتبغينيش 
صرب... لارا شوش متبكيش 
لارا... هيء هيء لا نتا مكتبغنيش نتا مكتبغنيش كنتي كتضحك عليا هاد الوقت كامل هيء ضحكتي عليا 
صرب... لارا لارا شوفي فيا شوفي فعينيا كنبغيك كتر من حياتي مديريش هكا 
لارا... هييييء مكتبغيييييينيش كذااااب بعد مني 
صرب... كيحاول يحكمها .. لارا شوفي فيا شوفي فيا كنبغيييييييييك غير نتي نتي بوحدك لي كنعرف بوحدك لي دخلتي لقلبي كنحلف ليك 
لارا... كضربو من صدرو ... سكوووت سكووت كذااااب مبغيت نسمع والو 
صرب... رسااي من الضرب وسمعيني 
لارا... كنبغيييييييييك اصرب هيء كنبغيك بزااف كنبغيييييييييك كتر من حياتي كنبغيك لدرجة نهاري ميدوز الى مشفتكس هيء (سكتات شوية ودموع دايرين طريق على خدودهاورجعات كملت )كنبغيك معناها مغاديش نقد نكمل بلا بيك وليتي بحال شي المرض الخايب مكيمشي من مولاه حتى يموت ونتا هكاك مغاديش نخليك تبعد مني حتى نموت 
صرب... جرها عندو عنقها ... شووش متبقايش تبكي واش فينما بغيت نضحك معاه تبكي ليا هاد العوينات زوينين همم 
لارا... مخشية فيه وتبكي ... معامن كنتي گبيلة كتضحك فالتيليفون 
صرب... معاك احبيبتي غير كنت داخل لأنسطا ديالك كنشوف تصاورك فاش كنتي صغيرة 
لارا... كتعرف شي وحدة أخرى 
صرب... منغيرك متحلاليش 
لارا... وقبل مني 
صرب.. كانو بنات اشكال وانوااع مي كاملين ميوصلوش لتراب رجليك 
لارا... واعدني عمرنا نتفارقو 
صرب... كنواعدك مي دابا مسحي هاد الدميعات البوحاطية ويلاه نزلو نفطرو عندنا شلا شغال نديرو 
لارا... واخا يلاه 
مشات غسلات وجهها ورجعات مكات وشدات فإيديه تمو هابطين فالدرووج حتا لعند مونية ونيار لي كانو بداو يفكرو 
صرب.. صباح الخير 
لارا... صباح الخير عليكم 
مونية /نيار ... صباحكم 
مشا جر كرسي لارا بكل جنتلمانية گلسات عاد هو جر ليه كرسي وگلس بداو الفطور فجو مكهرب خصوصا مونية لي حشمانة من لارا على المنظر لي شافت لبارح وحنا من لارا حشمانة منها مقاطع هاد سكوت غير واحد صوت 
صرب... احم احم بغيت ندوي فواحد الموضوع مهم
 مونيا ... الله يسمعنا خير 
صرب.. غير الخير الميمة ليوم غادي نضربو الكاغيط انا ولارا والعرس بعد غدا 
لارا... كح كح كح 
مونيا ... بشوية عليك ابنتي شربي الما 
لارا... كيفاش مفهمتش 
صرب... تحت سنانو.. اشنو لي مفهمتيش
لارا.. مفهمتش هو ان كيفاش غادي تزوج بيا بلا موفقتي 
صرب... نفهم من هضرتك انك مموفقاش 😒
لارا... امم تقريبا ميمكنش ليا نتزوج بلا ختي مستحيل واصلا باقي مموجدين والو 
صرب... ختك غدا تكون عندك وگاع لي بغتيها تكون عندك وغدا انديرو العقد وغدا العرس ودابا أحبيبة انوضو انا وياك نشريو لي غادي نحتاجو 
لارا... ولكن... قبل متكمل جمع معاها بتخنزيرة خلاتها تسكت وتنوص تجيب ساكها باش يخرجو 
صرب... مكاين لاش تعدبو العرس انا قاد بيه ... هز سوارت وخرج برى يتسناها 
مونية... هاد الولد حماق 
نيار... انا لي فاهم مالو 🤣🤣🤣🤣🤣 
مونية... ممكن تفهمني 
نيار... عقلتي فاش كنا مزوجين ومانعاني من الحلوى ايوا ولدك هاد شي لي واقع ليه غير هو باغي يدوقها فالحلال أما انا مكليتها حتا غفر ليا الله الذبوب 😒
مونية ... حبيبي ديك ساعة كنت باقا كنكرهك واخا مزوجين 
نمشيو عند صرب لي خرج لبرى دوز ابيل لواحد الشخص 
صرب... برووو صڤا 
صخر... اش باغي تاني 
صرب... معليكم السلام مال ملت مك ممسوابش 
صخر.. دوي ولا دور تقود عندي شلا خدمة 
صرب... غدا خوك ايتزوج ليوم بليل تكون نتا ونسيبتي فباريس 
صخر... من نيتك زمل عليك ضمير تاني اش بينك وبين شي زواج 
صرب... ديما فكرك ودير لي گلت ليك يلاه تلاح (قطع) 
لارا.. معامن كنتي كتدوي 
صرب... مع صخر فليل ايكونو هنا 
لارا... مبانش ليك زربتي شوية 
صرب... نو انا كيبان ليا تعطلنا بزااف يلاه طلعي 
مشات ركبات ديمارا 
لارا... فين انمشيو 
صرب... نتقداو لي خاصك اجي بعدا واش بغيتي عرس مغربي ؟