غیرتي ستکلفک شرفك(في طور الكتابة)

الجزء 44

صخر... بقوة الصدمة خرج فيها عينيه ... ههه كتضحكي ياك 
مايا... حفظات على برودها .. طلعات حاجبها بمعنى اش بان ليك 
صخر... لا ميمكنش ديريها (بالغوات) ولددددك هدااااا ليييييي بااااااااغاااا تقتليييييس ولللللدك 
مايا... حيت ولدي وكنفكر فيه مغاديش نرضى انو يكبر ويتعقد بكلام ناس باك مغتاصب مك .. اه فالمرة التانية ستاغلها حيت كانت سكرانة .. ونتا تكونتي عند طريق علاقة غير شرعية .. مستحيل نخلي بنتي ولا ولدي يتعقد 
صخر... محس براسو حتا جمعها معاها بتصرفيقة وجهها دار على إثرها
مايا... ههههه اشنو جاتك صعيبة تسمع حقيقتك هممم #ياجي باش اتعاقبني هاد المرة على هضرتي اتغتاصبني تاني ولا تسناني حتا نسكر عاد دير لي بغيتي فيا هممم عزيز عليك الحرام ياك 
صخر... بنفاد صبر .. اشمن حرااام نتي الآلة سميتك مايا صخر العلامي يعني نتي مرتيييييييي .. والمزوجين عادي يوقع بيناتهم بحال هاد الامور 
مايا... اوووو مسيو صخر بان ليا ولات هوايتك هي الكذوب توتوتو متوقعتها منك 
صخر.. عصباتو فقصتاتو نرفزاتو كون مكانت حاملة يدفنها تحت لأرض ... مدازش دوى حدو شدها من كتافها منودها غادي خارج وهي تبعاه كتعتر فالمشية خطوة منو هو كتساوي تلاتة منها ... خرجو من الاوبيطال وگال لي تم كيشوف فيهم .. حد مقدر يدوي
مسافة الطريق كانو فالقصر .. دخل مباشرة لجناح ديالو وهو فقمة الغضب مكيشوفش قدامو .. تخلعات مونية وطلعات كتجري ... باغا تعرف اشنو وصل ولدها لهاد الحالة ... بغات تفتح الباب مي متفتحش لأنو جناح صخر ليه نظام خاص كي كيدخل كيتسد اوكوماتيكمو ميتفتح حتا بدير بصمة ديال ايديه ... وذلك راجع لأنو عامر اصرار مكيتيق فحتى واحد يدخل لجناح ديالو من غير ذاذا فاطمة ..هي لي كتجمعو ليه .. حتا من مونيا لي مو ولداتو مكتقرب ليه لبيتو ... علرفها اتقلب ليه فحوايحو بسبب فضولها ... مشا قدام عينها لدريسنغ كانت قدامو واحد البوتون فالكحل بحال نغاسة ورك عليها وهو يطلع ليه واحد الكلاڤي كتب كلمة السر باللغة اسيوية تفتح باب من تم ... والأخيرة غير حالة فمها ممستوعبة والو من هاد شي لي قدامها كيبان ليها هادشي بحال الافلام البوليسية ....بان ليها دخل تبعاتو ...كل ما كتخطى خطوة كيشعل ضوء تزيد خطوة يشعل اخر ويطفا لي قبلو ... وكل ما كتزيد وفمها كيتحل كتر وكتر ... وهي كتشوف انواع الأسلحة لي تما كاينين منهم لي عمر شافتهم ولا عرفاتهم لاش كيسلاحو وقفات فاش شافتو وقف قدام واحد واحد الخزنة ماشي بالكود اولا بالساروت نو نو هادشي مجهد عليهم بالاعمدة معرفتش كيفاش نوصف مي حط ايديه وبدى كيضور حتا كيوصل لشي رقم ويحبس دارها تلاتة المرات وبعد .. تطلق واحد صوت تفتحات ديك الخزنة .. لي كانت عبارة على حوج بيبان ايوا تاني بانت ليها خزنة أخرى كانت صغيرة مصنوعة من الزاج والاهم انو هاد الزاج مستحيل يتهرس واخا يوقع لي يوقع كتب لكود لي عبارة على ارقام اوووب تفتح الزاج كانت فيها ورقة وحدة ... هزها ولاحها ليها على وجهها ... خنزرات فيه وشداتها بدات كتقرى 
كلا سطر كانت كتقراه عينيها كيوساعو وملامح الصدمة باينين فوجهها ... ضحكات بإستهزاز ملي قرات التاريخ لي تزوجو فيه ... طلعات عينيها ونطقاات 
مايا... معليكش تزوجنا نهار لي تعينت فيه مديرة 
صخر... تماما عندك الذاكرة قوية 
مايا ... خليني نفكر كيفاش وقعت 
صخر... وقت كامل ديالك 
مايا... صراحة معقلتش 
صخر...معنديش مشكل تبغي نفكرك 
مايا... مكاين لاش حيت هاد الزواج مكيعني ليا والو ... شوف بعينيك ... بتاسمات وطوات الورقة على جوج وقطعاتها وهي دائرة ابتسامة جانبية 
صخر... مبغيتش نخصر على مراتي هاد الفرحة لي باينة فعينيها مي معنديش مشكل نعطيك 100 ورقة بحال هادي لي فإيديك باش تبقا ديما هاد الضحيكة مزينة وجهك 
مايا.... بالغوات ...صخررررررر 
صخر... شنو امراتي 
مايا.. متبقاش تگول ليا مراتي 
صخر... داك لولد غادي يتزاد وأيتربى وسطنا بجوج انا وياك وسط وليديه 
مايا... انا مباغاش نولد 
صخر.... بلاما تصعريني ولدي ايتزاد ويا ويل ويلك تحاولي تنزليه انسى بلي شي نهار بغيتك 
مايا... بالغوات ... ولددددددي انننننننا بووووووحدي كتفهههههههههم بووووووووحدي 
صخر.... اللهم صبرك أايوب .. وبالسلامة هاد الولد خدمتي فيه بوحدك وانا مفراسيش ولا شنو هممم 
مايا .... بحال داك شي 
صخر... زيدي قدامي وسكتي قبل منقتلك 
مايا.... كيفاش كيفاش عاود مسمعتش مزيان واقلة 
صخر... سكتي شوية ونتي قوات فيك الهضرة 
هزها وخرج من داك الغرفة السرية حطها فوق فراشو بغا يمشي شداتو من ايديه جراتو عندها حتا تلاح عليها نصو الفوقاني وجهو عند وجهها 
مايا... غادي نكون ام مزيانة ياك 
صخر... بتاسم وباسها فشفايفها ... احسن ام هي نتي 
مايا... كتدوي بصح 
صخر... عندك فيها الشك
عند صرب ولارا لي يلاه حطاتهم طيارة .... شدو طريق لقصر ... مسافة الطريق وصلو ... هبطو بجوح ولارا مفادها فرحة باغا غير إمتا تشوف ختها توحشاتها بزااف 
لارا... يلاه زيد بزربة ندخلو 
صرب... ركني وتمشاي بشوية راك حاملة 
لارا... عينيها دمعو ... عارفة ولكن توحشت مايا بزااف 
صرب... حبيبة ديالي بلاش هاد الدموع هاحنا اندخلو ونشوفوها ... راه من خوفي عليك غوت 
لارا... ههه صاف يلاه هزني وتمشى بالزربة 
صرب ... تنهد وهزها تم داخل
من نهار عرفها حاملة وهو حالو بحال هاكا ... كلمة جوج دمع عليه كانت بوحاطية اما دابا فاتت التبوحيط للهيه
كي دخلو بانت ليهم ذاذا فاطمة فالصالون غير شافتهم ناضت كتجري والفرحة باينة فيها 
ذاذا فاطمة ... فرحي وسعدي بوليداتي جاو من شهر الباكور 
صرب... ذاذا شهر العسل اشمن باكور 
ذاذا فاطمة... اسكت الله يقلل حياك اجي ابنتي سلمي عليا 
مشات لارا باست ليها راسها وإيديها 
صرب... جرها عندو مرتي مصوابة ( بوسة فالفم ) 
ذاذا فاطمة... الله ينزل عليك النعلة مابقيتي تحشم من ذاذاك خلي غير حتا تدخلو لبيتكم ودير لي بغيتي محبسك حتى واحد 
لارا ... بعد مني نتا وريحتك خانزة بحال الگنفود 
ذاذا فاطمة... يالله شد على گلبك والله مكدبتي ابنيتي 
لارا... اوووف حتى نتي فمك خانز سيري غسليه 
صرب... تحت سنانو لارااااااا .... ذاذا مديش عليها راه حاملة 
ذاذا فاطمة.... ايوا مبروك هاكدا يكونو رجال ممشيتي حتا درتيها المرضي 
لارا... اوووف فينا هي ختي 
ذاذا فاطمة... فالجناح ديال صخر 
لارا... واخا ... صرب من الاحسن تمشي دوش ريحتك بحال القط الميت كتگلب 
صرب... طلعي شوفي ختك ومن بعد نتفاهم😤
مداتهاش فيه طلعات بشوية عليها لعند ختها فالدرووج مبغاتش تستعمل المصعد لأنو كيدوخها ... وصلات لجناح بانت ليها مونيا حاطا وذنيها على الباب معرفاتش علاش تشهات تخلعها 😂 .. مشات وراها وهي تغوت حتا قفزات لوخرى 
مونيا... شدا على قلبها ... الله يابنتي اش درت ليك كنتي اتسكتي ليا القلب 
لارا... توحشتك الميمة 
مونيا... على السلامة ابنتي مشات عنقاتها .. وباستها فخدودها ... ايوا كيف داز شهر العسل 😉
لارا... مدازش فيه والو من غير ولدك لي حملني دعيتو لله هيء هيء 
مونيا... ولاواه الولاد راه زينة الحياة .. مغاديش ندي عليك عارفا الهرمونات لاعبين عليك على كل بغيتي تشوفي ختك ياك 
لارا... اه بغيتها 
مونيا ... يالله نزلو لتحت شوية وغادي تجي عندنا واخا 
لارا... لاءءءءح منتحرك حتا نشوفها 
مونيا... الله يعطيك اولدي الصبر ... بنتي الزوينة اجي معايا لكوزينة نصاوب ليك لي مشهية 
لارا.... اممم مشهية الكرييب فيه بزااف ديال الشكلاط 
مونيا... يلاه زيدي نگولو لبنات يصاوبوه ليك 
لارا... لا انا بغيت صرب يصاوبو 😍
مونيا... هههه هي لي متعاود ندخلو بوه لكوزينة يصاوبو ليك

😊