نخليو هادو ونمشيو عند مايا لي منين مشات خاتها دخلات شعلات التفازة بقات تفرج فالفيلم لي شادة حتا وصل وقت النعاس طلعات خدات لحمام تخشات فزاكوزي من بعد مدارت فيه زيوت تساعد على الاسترخاء بقات فيه مايقارب ساعة حتا ترخات بالمزيان وناضت تشلات لبسات بينوار ودارت فوطة على شعرها نشفاتو غير بيها وتخشات ففراشها بالبنوار ... مغادي يفيقها غير صوت ديال شي حاجة تهرسات فالدار بالضبط بالطابق التحتاتي... ناضت طافجة .. كتگول غير كتحلم ولكن تأكدات ملي سمعات خطوات شي شخص طالع فالدروج ركبها الرعب وقفات غير بزز رجليها مهازينهاش هزات اول حاجة بانت ليا كافية باش تزعزع ليه المخيخ ديالو لأنو اكيد ايكون شفار مشات وقفات ورا الباب كتسنى اش غادي يوقع 😂??😂
سمعات خطوات شي واحد طالع فالدروج ركبها الرعب وقفات غير بزز رجليها مهازينهاش خدات اول حاجة بانت ليها كافية باش تزعزع ليه المخيخ ديالو لإنو اكيد ايكون شفار مشات وقفات ورا الباب كتسنا اش غادي يوقع
ماهي الى تواني حتا تفتح الباب يلاه اتنزل عليه لراس وفرمشة عين دور وجهو فداك الضلام وشد ليها ايديها حتا طاح الفاز .... عتقوني كاين شي حد هنااا عتقوني ... مستمتع بغواتها مخليها على خاطرها ... كي شافتو مدار حتا ردة فعل سكتات بقاات كتشوف غير عينيه لي بحدهم كيبانو فداك الضلام .. حس بيها عرفاتو شعل الضو وربع ايديه كيشوف فهاد الحورية لي قدامو وهي شبه عارية
مايا..." بغضب" نتا شنو كدير هنا 😡
صخر... لا جواب فقط كيشوف
مايا... هيهو فين مشيتي
قرب منها حتا لصقات مع الحيط يلاه اتدوي حط صبعو على شفايفها لي بداو كيرجفو من هاد الحركة ... شوش متلومنيش على لي غادي ندير دابا ولكن مقادرش نضبط راسي كتر ... ولكن.. رحع سكتها بصبعو ونطق... ولو لمرة وحدة نساي الكره ديالك من جيهتي وخلينا نعيشو اللحظة.. قبل كتجاوب نقض على شفايفها كيبوس فيها بكل رقة وحب كأنو قطعة زجاج خايف عليها تهرس بين ايديه ..مايا الطريقة باش كيبوسها خلاتها ترخى وتسلمو راسها بلاما تفكر بزااف وايضا تنسى كرهها ليه مع العلم ان العقل هو لي كارهووو والقلب باغيييه ولكن فهاد اللحظة القلب لي فاز ... من قبلة حنينة تحولات لمجموعة من القبل كيفرغو فيها گال العشق لي كيحملو لبعضياتهم واكيد وجع الاشتياق لي كان كيقتل كلا واحد فيهم بطريقة مختلفة ...مطلق منها حتا حس براسو تزير وغادي يفقد السيطرة مع دالك بقاو قراب من بعض و بجوج مغمضين عينيهم كيتنفسو انفاس بعض ??💓💓
صخر... "حل عينيه ببطء طلعهم فيها" زعما تقدر تكون عندنا فرصة نكونو بجوج
مايا... "نفس الشيء طلعات عينيها بجوج فيه وبعدات حيت الى بقا قريب بهاد الشكل اكيد اتضعاف وتعطيه فرصة " اشنو كدير هنا لاش جيتي
صخر... جاوبني امايا راني عييت بزااف انا مستاعد نعوضك على گاع لي وقع بدواو من لول
مايا... "بإستهزاء" امم فاش اتعوضني واش اغتصابك ليا ولا ضربك امم بلاتي نفكر اكيد لوحا لي لاحتيني قدام الباب امم ولا إهانة لي هنتيني بداك الشيك لي لاحتي عليا صراحة معرفتش اشنو لي غادي نسا من هادو كاملين
صخر..." مد ليها ايديه " غير شدي فإيدي وانا غادي نسيك فيهم كاملين ....توتو ماشي بهاد السهولة امسيو صخر صراحة بقيتي فيا بزااف عرفتي علاش حيت نتا دابا كترجاني كيف مترجيتك والاهم انا هادا( حطات ايدها على قلبو) شاعلة فيه العافية نادم ياك اممم كيضرك حيت كتحس براسك ضلمتيني ولكن لا مايا ماتت ديك ليلة مايا لي كتبغيك مبقاتش عرفتي علاش حيت وليت كنكرهك اوبزااف ... حس بقلبو تقبض عليه خصوصا كملة كنكرهك بقات كتعاود فدماغو بزااف ديال المرات تنفسو تحبس ولا كيطلعا غير بزز تكا على الباب كيحاول يتهدن ... شافتو فديك الحالة قربات ليه
مايا ... صخر مالك اش واقع واش نتا بيخير
صخر... بعدي متقربيش ليا بعدي
مايا... هيء هيء اش واقع ليك عفاك لما گول ليا
بقا ساكت حتى حس براسو ولا مزيان
صخر... جمعي حوايج لي غادي تحتاجي غادي نمشيو لدار عندي
مايا... كيفاش لا مبغيتش انبقا فداري
صخر... بلاما تصعري دين مي تهزي ديري لي گلت ليك ميمكنش يبقاي هنا
مايا... شافتو هكاك خافت لايخلطها .... اوووف واخة تسنا شوية مشات خدات فاليز صغيرة هزات لي اتحتاج ولبسات حوايجها نشفات شعرها فالحمام خرجات عندو... طلعها وهبطها بدون مبالات وخرجو ركبو لوطو ديالو مباشرة لڤيلا .. حتا واحد فيهم مدوى مع لاخر ... كي فتح لباب ودخلو بانت ليهم ديما خارجة من الكوزينة لابسة سوميز فالحمر المعري كتر من المغطي.. مشات عند صخر باستو فشفايفو قدام عيون مايا لي غير حالا فمها ممصدقاش انه هو نفس الشخص لي عاد دابا شوية كان كيطلب منها فرصة
مايا... احم احم وا العمالة حتارموني شوية راني معاكم زعما 😒
ديما... اوبس مايا ديزولي مرديتش ليك لبال
مايا... اوووو بصح انا لي خاصني نعتادر ميسحابش ليا مكتشوفيش 😑
ديما... "بلعات ريقها" هيهي ماشي هكاك
صخر... اجي معايا نوريك فين تنعسي
تمت تابعاه بلا حتى كلمة عطاها بيت لي بعيد على ديالو فأخر الكونطوار .. وايضا فنفس الوقت كانت حاضيا ديما فين اتدخل بانت ليها دخلات لبيت لي قدامها ... يعني هما جيراان 😈 .. خدات حوايجها ستفاتهم بدلات تاني دوك حوايج لبسات شورط ودباردور جاها طوب مع لطاي ديالها .. مشات بغات تنعس حسات بالجووع لبست كلاكيطة وهبطات لكوزينة كلما هي هابطا الضو كيشعل بوحدو الشي لي حمقها لدرجة ولات كتنزل درجة وترجع طلع حمقاتو مسكين 🤣🤣🤣🤣 بقات هكاك حتا سمعات صوتو لي زعزع ليها كيانها و لي مفيه بحة زوينة 💓💓
صخر... مالعباش فصغرك 😒
مايا... احم لا غير حيت عجبني وصاف
صخر... لاش مزالة فايقة
مايا..." عوجات شفايفها " فيا جووع
صخر... راه كوزينة قدامك خودي لي بغيتي .. گال هاد الهضرة وضرب فيها وطلع ينعس
غدا إن شاء الله فنفس الموعد 💋
VOUS LISEZ
غیرتي ستکلفک شرفك(في طور الكتابة)
Humor💃💃ها انا جيت هاد القصة زوينة فيها بزاف الخيانة الحب الهوس الإغتصاب الفراق ....
