غیرتي ستکلفک شرفك(في طور الكتابة)

الجزء 33

لارا... امم لا مكنحملش كترت تبدال بغيت نلبس غير لاغوب البيضا صاف 
صرب... هز ايديها اممم باسها.. حبيبتي انا كتبغي رجلها مبغاتش تعدبو 
مسافة طريق .. كانو فأكبر محل لبيع فساتين الزفاف من دخلة لارا عينيها خرجو قلوبة خصوصا فاش طاحت عينيها على واحد الكسوة معلقة فالوسط طويلة بزاااف وفيها دونتيل من ايدين كاملة منبتة بالاحجار الكريمة 
لارا... بغيت هديك هديك 
صرب... شافها وبتاسم خصوصا فاش كيتخيلها عليها 
الموضفة... كاين فاش نساعدكم 
لارا... بغيت هديك الكسوة نعتاات ليها بصبعها 
الموضفة... دوقك رفيع هديك هي اخر كولكسيو خرجات منها جوجات تباعت وحدة لبارح بقات غير هي يلاه علقوها 
لارا .. ياس ههه ممكن نقيصها 
الموضفة... ههه اكيد تفضلي معايا 
مشات مع لارا لدريسنغ عوناتها فالبيس ومن زهرها جات هي هديك عليها 
الموضفة .. تفضلي نخرجو برا يشوفك راحلك 
لارا... هههه لا مبغيتش كيگولو فال خايب لعريس يشوف عروستو قبل العرس غير عونيني نحيدها 
الموضفة... ههه اكيد الله يخليكم لبعض الحب باين من عينيكم قليل لكوبل لي كيبغيو بعضياتهم بهاد الطريقة 😍🤤
بتاسمات لموضفة بخجل ... تقدري تمشي انا غادي نكمل بوحدي شكرا 
الموضفة... ولو العفو اكيد اتكوني اجمل عروس لأنو الكسوة جاتك على فورمتك 
لارا... شكرا بزااف لعقبة ليك 
الموضفة... امين ( خرجات ) 
كملات لارا نسيل ولبسات حوايجها لقات صرب واقف فلاكيسط خلص بلاكارط بونكير .. هز الكرطونة لي فيها الكسوة ..وخرجو ركبو لوطو لأكبر مول .. دخلو عند دهايبي خدا ليها تروة غير ديال الدهب اش منك الالماس 🤤🤤 والاحجار .. من موراها مشاو لبوتيك ديال لي شوميز دونوي .. حلف حتى هو لي يختارهم بإديه من بعد مشرى المعري على خوه حرام واش تلقا شي واحد مستور 😂😂😂 دوزو نهار غير فالشوبينغ ولارا طايرة بالفرحة اييه شكون گال هادي لي كانت ظل دمع عليه ليوم مقدها دينا وهي شادة فإدين حبيبها ويضورو يشري ليها لي بغات حاجة قبل متگول عجباتني تكون عندها بالضوبل الحاصول انا بقيت بايرة 🤭
بلاما نزيد نجبد عليكم المواجيع نمشيو عند صرب لي منين قطع عليه خوه توجه لمكتب مايا دق جوج مرات وحل الباب ... شاف المنظر عقد حجبانو 
مايا.. مسيو صخر هدا نتا تفضل تغدا معانا 
امير... مرحبا بيك 
صخر.. غير بالصحة احم امير ممكن تخلينا بجوج 
امير.. اكيد اصلا كملنا الغدا .. (خرج وسد لباب 
مايا... ياك لباس 
صخر... نوضي غادي نسافرو 
مايا.... ههههه نكتة زوينة عجباتني 
صخر... بلاما تخليني نوريك العين الحمراء 

مايا... اممم اشنو 
صخر... صرب ولارا عرسهم غدا خاص نمشيو تحضري مع ختك 
مايا... اويلي على زواج من نيتهم 
صخر.. تم غادي ... ملي نوصلو سولي ختك واش من نيتهم نوضي خلاص ليل خاص نكونو تم 
مايا... اوووف اش هادشي تاني "هزات ساكها وتمات تابعاه " خرجو ركبو لوطو مباشرة لقصر حيت حتى ذاذا فاطمة اتمشي معاهم ..
كي وصلو هبطو من لوطو مشا دخل سول على ذاذا گابو ليه فبيتها مشا عندها وخلا مايا كتستكشف فهاد المنظر لي قدامها 
صخر.. دق دق .. الميمة 
ذاذا فاطمة... دخل اوليدي دخل 
صخر... يكما مريضة 
ذاذا فاطمة... لا اوليدي غير مكاين ميدار وجيت نتصطح شوية .. فين غبرتي عليا مبقيتش كتبات هنا 
صخر... والحبيبة غير حيت عندي ضياف مبغيتش نجيبهوم هنا 
ذاذا فاطمة... ايوا ماشي مشكل كون جبتيهم يونسوني مكنلقا معامن ندوي 
صخر... هانتي الحبيية غادي تلقاي لي ونصك نوضي جمعي حوايجك انسافرو 
ذاذا فاطمة.. ياك لاباس 
صخر.. صرب ايتزوج غدا 
ذاذا فاطمة..اويلي من ايمتا كان باغي زواج بن المسنگع لاخر 
صرب.. الحبيبة ملي توفيه سوليه مكابنش الوقت غادي نمشي نجمع حوايجي وندوز عندك نلقاء تكوني واجدة 
ذاذا فاطمة... واخا اوليدي 
خرج وتم ماشي عند مايا لي مشات فهمات انو غادي نمشيو مشاو تاني لدارها خداو حوايجها .. سونا على المكلفين يوجدو الطائره نورها رجع عند ذاذا فاطمة هزها وشدو طريق للمطار مخداش حوايجو لأنو يلاه كان مع واليده وكايين عندو باش يبدل 
ذاذا فاطمة .. شكون نتي ابنتي 
مايا.. احم انا مايا خت البنت لي غادي تزوج بصرب 
ذاذا فاطمة.. تبارك الله بنتي زينة ومربية الله يحجبك من عين بنادم 
مايا... امين اخالتي 
ذاذا فاطمة... بقاي تگولي ليا ذاذا كيف كيگولي ليا صخر 
مايا... واخا اذاذا 
صخر...وصلنا نزلو حتا طلعو لطيارة وجمعو 😒
مايا... مالنا نتا بشوية 
صخر... ورك على الحروف ... نزلي خلاص 
مشاو خرجو طلعو تاني لديك الطيارة طريق كاملة وهما دودودو مبغاو يسكتو واحد ذاذا فاطمة الله يهديها مكاينش شي سؤال مسولاتها ... أما واحد مايا واخا مصندلة وكلشي ولكن قدام ماكبر منها كينزل عليها واحد الصواب غير الله يستر .. ماشي بزااف حتا نزلات الطائرة على الاراضي الفرنسية 
خرجو لقاو بزااف ديال لي لي گارد بطوموبيلاتهم من نوع كاط كاط وجنبهم لوطو من نوع بورش خداو لي فاليز داروهم فالكوفر مشا ركب فلوطو ديالو يلاه اتركب مايا لور وقفاتها 
ذاذا فاطمة.. ركبي ابنتي لقدام انا كنرتاح لور 
مايا... متأكدة 
ذاذا فاطمة.. اه ابنتي 
مشات ركبات وتاجهو لقصر ديال عائلة العلامي 🤤🤤🤤 ابييه نفس الصدمة لي تلقات ليها لارا وقعات لمايا ... وصلو وتمو داخلين بانت ليهم العائلة مجموعه على طابلة العشاء ناضو كيلقيو عليهم السلام هلى يعنق هالي يبوس من بعد متعرفو توجهو لمائدة وتمو ياكلو فجو من الصحك علاش لا والعائلة مجموعة والكل فرحان بالفردين لي عاد تزادو لارا ومايا ... سلا العشاء وناضو كلا واحد لغرفتو مع عناء السفر مافيهم لي سهرو واكيد غدا العرس كل طلع لغرفتو ينعس من غير واحد الشخص لي باقي فايق كيكمي سيغار ديالو فالبالكو سونا ليه تيلي جاوب 
صخر... وي ديما 
ديما... بصح سافرتي 
صخر... وي وقعات واحد الحاجة ابغجونس داك شي علاش 
ديما.. الف مبروك سمعت خوك ايتزوج 
صخر...الله يبارك فيك مهم غادي نقطع باغي نعس 
ديما... اك تصبح على خير 
قطع عليها وتنهد طفا سيغار مشا ينعس 
وهكا عائلة العلامي كاملة اتكون نعسات 😴
#صباح_جديد يحمل في طياته احدات جداد 😍💝

موعدنا غدا بالتأكيد واحد 4 الأجزاء خرين 😊
إن شاء الله😇