الجزء 46

1.6K 44 18

par Majhoula201

par @Majhoula201

صخر...وانا فالمقابل مباغيش مرتي تبقا بوحدها
مايا...بلاما تخليني نجمع عليك گاع لي كاينين فهاد القصر ... داك شي علاش سير بحالك لا تشوف مني لي ميعجبكش
صخر... كنحماق عليك كثر فاش كتولي عنيفة
مايا...ناضت من لفراش هكاك مشاو لحيهتو شداتو من ايدو باغا تنوضو ...ديك ساعة زرب عليها جابها فوقو
صخر... بكي امايا خرجي گاع لي فقلبك متبقايش غير تشوفيني تمسحي دموعك ... عمر الدموع كانو ضعف الإنسان
مايا... غير سمعات هضرتو طاحت عليه معنقاه ودموعها دايززين ... عييت اصخر بغيت نرتاح
صخر.... سمحلي ليا على كولشي عارف راسي خرجت ليك على حياتك
مايا... هيء هيء ريحتك زوينة ههههه
صخر... بتاسم بلهلا يطريه ليه من طريقة هضرتها معرف منين يشدها مرة تبكي مرة تضحك .. خصوصا فاش حس بيها طلعات لعنقو خاشية فيه نيفها كتشتنشق فريحت. حتى كتغلغل لأعماقها ... وشعرها مليوح على وجهو كيهرو
مايا... اممممم ريحتك واعرة بزااف
صخر... عجباتك امراتي
مايا... احم هزات راسها منو وقادات شعرها عاد نتابهات لراسها بلي مليوحة فوقو بالدوبياس وصدرها على شوية ينقز عندو 😂 .... تهزات كتجري دخلات لدريسينغ تلبس عليها ... وخلاتو كيتفرشخ عليها بالضحك🤣🤣🤣.... مبقاش كيتسناها حيت عارفها دابا اتكون كتولول غير بحدها ... لبس صبرديلتو وخرج من بيت مباشرة لكوزينة يصاوب بيها اش تشهات 🤤 ... كيف سبق وذكرت انو صخر وصرب من هوات الطبخ يعني كيتفنتو فيه ... ماشي ب ااف حتا كانت تابعاه مايا كتحس براسها باقا مشبعات من ريحتو بان ليها فالكوزينة كيطيب بطريقة زوينة بزااف كيهز المقلة حتى فووق ويقلب الكريبة حتا كتلاح مباشرة فالطبسيل ويحط عليها 3 معالق كبار من شكلاط من نوع نوتيلا ... اما مايا غير شافت الشكلاط عينيها حوالو مشات كتجري بطالونها لي صوتو مالي الدنيا .. لابسة سروال نواغ مع بودي نفس لون غير هو معري من واحد الدراع ولاخرى لارا مع سانتيغ مناسبة فالاخير طالون فالڤيغ ... طلع فيها عينيه وهو يعقد غوباشتو
صخر... لاش لابسا هاد جوج سانيم حيديهم
مايا... اولا اراجلي لعزيز انا باقا موليت ليك مرى وباقا مرضيت ولا تقبلت عاد الزواج ... سو ديك القدية ديال لبسي هاكا وهاكا ماشي عليا انا
صخر... الطالون اخر مرة نشوفك لابساه .. الى مكتخافيش على راسك خافي على ولدك
مايا... راني گلت ليك بنت ماشي ولد بنت
صخر... معنديش مشكل كيف بنت كيف ولد مهم هي صحتو ... يلاه اجي تاكلي كريب لي كنتي اتعواحي عليه
مايا... واخا مي بغيت بزااف ديال شكلاط
صخر... هاهو بزااف ديال شكلاط بالصحة
هزات طبسيلة داتو لطابلة هو والقرعة ديال الشكلاط ... تاخد من هدا وهدا وصخر غير كيضحك عليها حمقاتو بهاد البرائة لي نزلات عليها من بعد الحمل ... تصرفاتها .. حركاتها ... ضحكتها .. تغوبيشتها .. كل فيها كيحمقو
مايا... كتاكل ودوي ... بغيت عصير الليمون بليييز
صخر... اممم مدام العلامي شي حاجة اخرى
مايا... نو غير هو الى تفكرت شي حاجة نگولها ليك
صخر... هي لولة الآلة .... مشا عطاها اش بغات...بغيتي شي حاجة اخرى الآلة 😑
مايا... واخا قرب ونگول ليك
على نيتو مشا قرب منها حتا هي زادت قربات لعندو حتا ولا كلا واحد كيشوف فعينين لاخر ... شداتو من كول ديال التيشورت لي لابس جراتو عندها حتا ولا نيفو فوق نيفها ...عوجات عنقها شوية وحطات شفايفها على دياولو كدوز عليهم بلسانها وتمص فيهم بشغف كبير ... أما صخر باقي لدابا مصدوم منها ... ومن صباح عند بالو غير كطنز عليه .. حتى صدامتو بهاد ردة فعل لي مبقاش عارف منين يشدها ... مرة تبكي وتگول ليه كنكرهك... مرة تگول ليه متحكمش فيا انا ماشي مراتك .. مرة تبوس فيه بتملك وحب كبير ... مفيقو من شرودو غير عضة لي نزلات عليه بيها
مايا... هيهيهي تشاهيتهم 😅
كان عاقد حجبانو غير سمع ردها طلقها بقهقة رجولية خلاتها ساهية فيها وسنيناتو البيض المستفين
صخر... حس بيها ساهية فيه ستاغل الفرصة و هبط مص ليها داك شكلاط كامل لي نازل على فمها وهو طالع حتا وصل لشفايفها مصمصهم ليها مزيان عاد بعد
مايا... علاش بستيني
صخر... حيت نتي بستيني
مايا... سمع نگول ليك جوج كلمات الى مزال باغي تحتافظ بخصياتك وتولد بيهم مرة أخرى متبقاش تقرب ليا واخا انا نقرب ليك نتا ممنوع خط احمر اك
صخر... واخا الآلة يالله كولي عنداك تبداي تغبني عليا
يلاه كانت اتجاوبو سمعات صوت تيلي ديالو .. قبل ما يهزو خداتو ليه حيت كان محطوط حداها
مايا.. هادي لاش كتصوني ليك مفراسهاش نتا راجل المرة ولا كيفاش
صخر.. اللهم طولك باروح اري تيلفون بلا كترة الهضرة
مايا... لااااءح منعطيك حتا تقبل بشروطي
صخر.. لي هما
مايا... تجاوب حدايا ودير اوت باغلور
صخر.. يلاه ايعارض دوزات الخط باش يسمعو بجوج
ديما.. حبيبي
مايا ... كتحلف عليه بعينيها بمنعى حتا تسالي ونتفاهمو على حبيبي 🤣🤣🤣
صخر...وي ديما
ديما .... احم كنت باغا نقتارح عليك واحد الفكرة بون بما انو انا وحدة يتيمة وخويا مكاينش معايا مكرهتش ندير لانيڤ ديالي وسط عائلتك يعني عندكم فالقصر اصلا انا مليت بوحدي هنا حتا نتا مكنشوفكش بزااف
صخر .. اوك معنديش مشكل امتا لا نيڤ بعدا
ديما.. غدا
صخر .. جوايو زانفيغسيغ مسبقا
ديما.... شكرا حبيبي كنبغيك
مايا... قطعات لخط والقرودة كيشطحو ليا فوق الراس .. كيفاش حبيبي وكنبغيك ولانيڤ والقصر والعائلة شرح ليا اراجلي العزيز
صخر... خصر عليها 5 الكلمات وزاد مع الطريق
"داك شي لي كاين سمعتيه "
مايا... بالغواااات ... حماار سير الله ياخدك مونيكة انا لي نسمع وحدة كتگول لراجلي كنبغيك ونسكت ليها .. حيدات داك طالون وسيفطاتو ليه على شوية كان ايفقد الذاكرة 😂😂😂
مهتمش لغواتها ولا لطالون لي كون تعطل شوية ايفلق ليه الراس كمل طريقو وعلى محياه ابتسامة خبت كل لي كيهمو هو البوص لي مبقا ليه والو ويكشفو .. هو متأكد انو مور هاد المسرحية لي سمع لداخل من عند ديما هدف وهاد الهدف هو الطموح لي غادي يوصلو للوجه الحقيقي ديال هاد البوص .. بينو وبين راسو كيتوعد ليه بالكثير لأنو عدد ضحايا ديال اخر انفجاار كان كبير بزااف ... صخر ماشي غبي لدرجة ميفهمش خطة ديال البوص هو متأكد انو هاد تفجيرات غير سبة وانو هدف الرئيسي ليه هو تايغير .. كما انو متأكد انو محل شك بالنسبة ليه ... كيگول مع راسو لبغات تجي لموت غير تجي مرتو جنبو مبقاش مخبي زواجهم عليها واسعد خبر ممكن يسمع لإنسان هو عاشو .. ولكن باقي جوج كلمات لي كيحفرو ليه فقلبو متمني يجي داك نهار لي يسمع منها كملة سمحتليك وكملة كنبغيك بالرغم من انو حاس بيها ولكن حلاوتها فالنطق ... ركب لوطو ديالو مباشرة لمركز يتلاقا مع فريق ديالو ويوجد احتياطاتو لأي هجوم غير متوقع ليلة الغد