غیرتي ستکلفک شرفك(في طور الكتابة)

الجزء 34

لبداية عند مايا لي مشات كتقلب على بيت لارا حتا تصدمات بلي كتنعس مع صرب فبيت واحد .. تمات غدا ناوية على خزيت حلات لباب بلاما دق شافتهم ناعسين مخشين فبعض بتاسمات من الشدة لي داير ليها جبدات تيلي صوراتهم ورجعات خشاتو فجيبها طلعات فوق الفراش بدات كتنقز باش يفيقو وسعرها كيطير 
مايا... وافيقووو راه ليوووم عرسكم باقي تابعنا شحال من حاجة 
لارا...انقرضي ايتها الارواح الشريره 😴
مايا... نزلات طيرات عليهم الغطا وفيقي الله ينعل جدك 
صرب... وديك البايرة سيري بحالك 
مايا... ايوا انا اش بغيت ليكم گعلا بقاو ناعسين .. خلاتهم وتمت هابطا لتحت لقات مونية فوق الطابلة هي وذاذا فاطمة ... صباح الخير عليكم 
بجوج... صباح نور 
مونيا... رتاحيتي بعدا 
مايا.. حمد لله ربي يخليك اخالتي 
مونيا... تبارك الله بنتي زينة مزوجة ولاباقي 
مايا... ههه باقي 
مونيا ... شافت ففاطمة وغمزاتها .. زعما اش بان ليك 
ذاذا فاطمة... مكرهتك ابنتي تز وجي نتي وصخر 
غير سمعات سميتو وهي تعقد حجبانها دليل على عدم اعجابها بالكلام ... الجو زوين اليوم 
مونيا... فهمات البلان ... اه زوين بزاف 
نرجعو عند العشاق لي غير خرجات مايا حل صرب عينيه بقا كيتأمل لارا لي باقا ناعسة 
صرب... حبيبة نوضي براكا عليك من نعاس 
لارا... اممم خليني نعس
صرب... حبيبتي ماشي دابا ليوم عرسنا باقي تابعنا شحال من حاجة 
لارا... واخا ناضت دخلات الحمام قدات حاجتها وسنيناتها مشات لدربسينغ لبسات عليها .. وصرب نفس الشئ هبطو لتحت بانت ليهم العائلة تجمعات على الطبلة لقاو سلام وگلسو ياكلو 
صخر... لعشير مغاديش دير حفل لتوديع لعزوبة 
صرب... هههه لا لا انا ودعتها شحال هدا 
لارا... كتشوف فيه بتشكيك يلاه اتجاوب وهي تجي 
الخدامة ... لالة الناس دياولك جاو 
مونيا... اه عفاك ديهوم لبيت صرب وگولي ليهم اتسناو شوية 
صرب .. شكون هادو 
مونيا.. لكوافور راك عارف ...
صرب... اممم هي انا ايتحرم عليا بيتي 
مونيا ... بحال داك شي 
مايا... ايوا فين ناوين دوزو شهر لعسل 
صرب... خليها مفجأة للارا 😉
مايا... ايوا سعداتها بيك صراحة 😍
كملو الفطورهم وخرجو الرجال يقديو شغلهم بحكم ان العرس ايدار فأكبر اوطيل فباريس لي غير عرف. ان واحد من ولاد العلامي ايتزوج خواوه ليهم .. واكيد كل من رجال الأعمال والطبقات المرموقة ايكونو حاضرين والصحافة حتا هي باغا غير متبرگگ سمح ليهم صرب بالحضور والعائلة لي واجب عليها ابحظور مع العلم ان الأغلبية تصدمو بالخبر حيت مانو حاطين املهم فيه مي بردو على گلبهم بماشي مشكل لا مشا واحد باقي واحد اييه نعضرهم باقي محايبين خبار 🤣🤣🤣🤣
واقفة تتشووف في انعكاسها على المرآة ..البنات جالسين كل وحدة فين انبهرت بجمالها .. فستان محتشم و في نفس الوقت خلاب .. جامع كااع معاااني الرقي .. ملكي يليق بأميرة .. فستانها كان ناصع البياااض ..كلووش و طويييل .. طويل لدرجة لازمها زوج وراها يشدووه .. كلو مطرز و منبث بحبات اللولي و ليستراس .. احجار غالية و ثمينة بااينه غير من لمعانها و بريقها .. لو تحطات فالظلام كانت غاتضوي بجمالها و طلتها البهية .. ابتسماات من فرحتها برااسها .. .. مكيااجها كان من يد خبييرة معرووفة فالميك اب ..شعرهااا كذلك من يد مختص فالمشيطات ديال الشعر .. بعد ما كملت ليها الميكاب ارتيست المكياج لي كان خفيف و ناعم .. لانها غاتلبس غير الفستان الأبيض ماغاديرش البلدي .. داكشي علاش دارت ليها مكيج خفيييف بزااف و راقيالعيوون كحلاتهم ليها من الداخل حيت ديجا عويناتها كباار ماغاديش يأثر عليهم بزاف .. و خدمات ليها الضلال بالوان ترابية دخلات فيهم الزهري البااارد ..و لسقات ليها الشفاار لي عطااو لعيوونها جمالية مع لون عينيها الزورق ... خصوصا لارا طالعا نسخة طبق الأصل على امها .. شفايفها بلون ثرابي لامع .. خدود خوخية فوق منهم لمعة الهايلايت .. كولشي خدماتو ليها طبيعي حتى الحواجب زغبة زغبة جات برييئة بزااف 

بعد ما انصرفات الميك اب ارتيست و الكوافور .. مشات عندها مايا لي كانت متألقة كذلك في جبادور ديالها غوز بب بالرغم من انو عرس غربي إلى انو عجبها تلبس البلدي فعرس ختها .. و مكياج صارخ جاي مع وجهها حيت هي من الناس لي تيبانو زينين بزاف بالمكياج الغاامق ماشي بحال لارا .. تقدمات لعندها تتعاونها بااش تلبس المجوهرات ديالها .. مايا .. بسم الله ما شاء الله .. بقاي ترددي آياات الفلق .. العين التحت تهرس الحجر يا ربي السلامة .. - لارا .." ضحكات بخفة" ..هههههههه .. الله يمسخك .. - مايا.. داوية معاك بصح .. دخلات مونيا لي جات مع ذاذا فاطمة .. لعند لارا .. شافت فيها بعيييون خارجين منهم القلوبة .. و قربات لعندها ..تنهدات لارا و ابتسمات بلهلا يطريه ليها .. بعدات عليها مايا بااش تخلي ليها المجال فين يدويو .. - مونيا .. " قربات ليها" .. الله يحفضك من كل شر .. - لارا .. شكرا😊 - ذاذا فاطمة .." حطات يدها على خدها" .. مكانش كيصحاب ليا اايجي هاد النهار .. و نشوووف مرات ولدي .. و نحضر فعرسو .. مكانش كيصحاب ليا اصلا اني غادي نبقا عايشة .. ولكن .. ربي كبيير .. ههه .. كانتمنى ليكم حياة سعييدة .. صرب واخا ضحوكي ولكن دغيا كيتقلق مكابينش صبرو على بعضياتكم وتنازلو باش تعيشو هانين واخا هو يكون غالط فحقك سيري عندو صالحيه وهو كذالك وفين ما يكون بيناتكم شي مشكل گلسو وتناقشو حلوه الحياة الزوجية مافيهاش غير الزوينة لا بد من العقابات واكيد بالصبر والاحترام المتبادل اتجاوزوهم صرب كيبغيك بزاف هادي اول مرة نشوف ولدي فرحان لهاد الدرجة كنتمى تسعديه فحياتو وتكوني فال زوين على هاد العائلة من اليوم انا هي ماماك ومونيا نفس الشيء واخا انا غير مربياه ولكن ربي شاهد عليا كنعتابرو هو وصخر بحال ولادي لي معطاهمش ليا الله حتا نتي انعتابرك بنتي من ليوم ...-لارا... عفااك سكتي غادي نبكي ويخصر ليا المكياج .. الكل ضهك على عفويتها... تمات غادا عنقاتها وباسها على راسها الله يرضي عليك
من بعد نصائح كتيرة من مونيا وذاذا فاطمة ولي سغات ليهم لارا بكل حواريحها لأنو اكيد مغاديش يبغيو ليها الضرر تم داخل الشخص المعني بالأمر وهو فكامل اناقتو لابس طويتار نواغ شوميز بلو بابيو نواغ سباط لامع نواغ شعرو رادو لور بشكل جداب ومتير لاحيتو مطراسبة كتر من زرع وريحتو لي اخترقات وتغللات لكل الحضور لأنو كان مدوش بيها بدون اي كلمة نسارف الكل وبقا غير هو وياها بتاسم بحب وهو كيشوف لغوب عليها كانت كتبان بحال اميرات ديزني مشا عندها شد وجهها بين ايديه باسها على جبيبها قبلة حب واحترام قبلة شخص اجتاز مرحلة الحب اصبح فالعشق .. قبلة اب لإبنته .. قبلة حبيب لحبيبته .. قبلة زوج لزوجته .. بتاسمات من فلاش لي دار وطلعات عينيها فيه حتا تقابلو مع بعضياتهم 
صرب... كنتمنى نكون لك افضل زوج ونعيشك فالاستقرار وعمر تقلقي مني .. الله يجعلني نسعدك طول الحياة 
لارا... كنبغيك بزاااف 
صرب... انا كتر من ديك منك ... مد ليها علبة فاخرة ديال الدان فالأسود" كانتمنى تعجبك .. صممتها خصيصا ليك .. مكينااش اختها فالعاالم كامل .. - لارا.." فتحات العلبة و خذات العقد لي كان جاي من الكتف للكتف و طايح على درعينها بطريقة احترافية من الماااس الحر و فيه حبات اللؤلؤ طايحين على الجناب بطريقة ناعمة و راقية". واو .. زوين بزاف .. شكرا .. - صرب.."ابتسم بفرحة حيت عجبها" بالصحة..-لارا.. ممكن تلبسو ليا ..-صرب.. اكيد .. خدا منها العقد لبسو ليها ختمها بقبلة على عنقها .ضارت عندو مبتاسمة باسها فشفايفها بخفة وبعد مبغاش يخصر ليها ميكاب فتح دراعو مشينا -لارا.. ههه اكيد شدات فذراعو وتمو هابطين والكل كيشوف فهاد عصافير الحب ركبو لوطو من نوع هامر نوااغ ماط ..الوجهة لمكان العرس 😋
كي سدو العرسان الطريق ناضت العائلة تابعاهم مونيا ونيار وذاذا فاطمة فطوموبيل وخالات صرب ورجالتهم حتى هما فطوموبيل ايوا بقا صخر ومايا وبنات خالتو ...