اقتحمت جنتي (مكتملة)

الفصل الثالث و العشرون

انا عارفه انى بقيت بخلف مواعيد النشر بس معلش اعذرونى وقتى ضيق جدا الايام دى بس زى ما وعدتكم انى حخلص الروايه قبل رمضان لكن مش حقدر احدد مواعيد ثابته مع الاسف للنشر

كنت قلت ان ده حيكون البارت الاخير لكن انا خاولت كتير انى اختصر النوضوع بس لقيت نفسى حلغى احداث مهمه جدا فى صميم الروايه عشان كده انا فعلا بختصر جدا الاحداث لكن ده مش البارت الاخير 😉

محدش يسألتى البارت الاخير امتى لانى معرفش بس معلش اتعبو معايا شويه و تابعونى

اهم حاجه انا طبعا قلتها قبل كده فى كذا روايه ليا و حقولها كمان و كمان و هى الاحداث بتاعه الروايه

انا يا جماعه مش بكتب اللى بييجى على دماغى و خلاص،  يعنى الموضوع مش ماشى اعتباطا كده

انا اول ما بختار الفكره بقعد اكتب مقدمه و احداث و خاتمه و بعدها بختار شخصيات و عناصر و كل ده بيكون قبل ما اكتب سطر واحد جاهز للنشر غشان كده بتلاقو الاحداث منظمه مش زى بعض الروايات بتوهى فى احداثها

عشان كده لما بلاقى اعتراض على بغض الاحداث او وصف لبعض الشخصيات مش بقدر اغير فيه عشان ارضيكم و ده مش بيكون تجاهل متى للقارئ بالعكس تماما مش بقدر اغير لانه بيكون له دور كبير و عشان كده مقدرتش انهى دور قمر زى ما طلبتو

المهم متنسوش التقييم بيسعدنى قد ايه و تعليقاتكم كمان بتفرحنى جدا جدا و بقراها كلها و برد عليها كمان لانى مبحيش التجاهل بس اعذرونى لو فى كومنت مردتش عليه لانه اكيد حكون فات عليا و مشفتهوش
بحبكم جدا جدا
كفايه رغى ندخل ع البارت

♕♕♕♕♕♕♕♕♕♕♕♕♕♕♕♕♕♕
تمسكوا باحبتكم جيدا....  و اغفرو زلاتهم فقد ترحلون او يرحلون يوما،  و فى القلب لهم حديث و شوق
                           على طنطاوى
♡♡♡♡♡♡♡♡♡♡♡♡♡♡♡♡♡

جلست تقتات فتات من طعامها بشرود لاحظه محسن على الفور فهتف متسائلا
# لسه مكلمكيش؟

اجابته جنه بحزن
# لا...  انا قلقانه عليه اوى يا بابى...  يا دوب اتكلم اول ما وصل ايطاليا و من ساعتها لا حس و لا خبر

فكر قليلا ثم هتف
# طيب ما تسألى مراد عليه

اطرقت راسها بحزن و رددت
# مش بيرد عليا يا بابى

زفر انفاسه ببطئ و ردد
# انتو كنتو متخانقين و لا حاجه؟

نظرت له بتوجس و هتفت
# قصدك ايه؟

حرك راسه بايماءه طفيفه يقوس فمه و ردد
# يعنى...  يكون زعلان مثلا و.....

قاطعته على الفور
# لا طبعا...  سليم مش عيل صغير عشان يعمل كده،  و بعدين ده مكلمنى اول ما وصل

وقفت مكانها تلملم اشياءها استعدادا للذهاب لعملها و هى تردد بتوتر ملحوظ
# انا اتاخرت على الشفت.... لو كلمنى حبقى اطمنك عليه
♕♕♕♕♕♕♕♕♕♕♕♕♕♕♕♕