ذئاب بشرية : (مكتملة) بقلم : دينا فتحي

الفصل الواحد وعشرون

بعد أن خرج الياس و جوان من حفل الزفاف ركبوا سيارتهم واتجاهه في طريق غير طريق الفيلا نظرت له جوان باستغراب قائلة: احنا رايحين فين يا الياس
بابتسامة لها الياس ابتسامه لعوبه قائلا بمشاكسة : هخطفك عندك مانع
جوان بفرحة: بجد هتودني فين بقا
نظر لها الياس قائلا بضحك: هو انتي مجنونة يا بت أنتي بقولك هخطفك تقوليلي هتودني فين علي اساس ان انا ممكن هقولك رايحين فين
جوان بدلع : ونبي يا الياس قولي هتودني فين
الياس وهو يمتلك أعصابه قائلا : جوان يا حبيبتي اهدي كدا وبلاش دلع في العربية بدل ما نتمسك ادب دلوقتي وانتي عارفني مش بيهمني حد
ضحكت جوان علي كلامه قائلة : والله مجنون وانا عارفك ثم وضعت يدها علي وجهه كحركة إغواء قائلة : علشان خاطري يا لولي قولي هنروح فين
الياس بصدمة قائلا : لولي مين لولي دا يا اختي
جوان بضحك : انت يا حبيبي دلعك لولي
الياس : الياس المنشاوي علي اخر الزمن يتقاله يا لولي بت أنتي مسمعش صوتك لغاية ما نوصل
جوان بضحك: طيب قولي هنروح فين طيب
الياس بنفاذ صبر قائلا: جوان يا حبيبتي هو حد قالك قبل كدا ان انتي زنانة
جوان بحزن مصطنع : انا زنانة يا الياس خلاص انا زعلانه منك
الياس وهو يجذبها في إحضانه قائلا بحب : احلي زنانة شافتها عنيا
جوان وهي تحاول ان تقوم من أحضانه قائلة بخجل: الياس اوعي احنا في الطريق
الياس وهو يجذبها في إحضانه مرة اخري قائلا : قولت خليكي في حضني ومتقوميش لغاية ما نوصل
جوان : يا حبيبي سبني أقوم علشان تعرف تسوق
الياس : انا سايق حلو كدا نامي انتي بس
جوان : طيب احنا قربنا نوصل اللي مكان اللي معرفهوش دا
الياس : خلاص يا حبيبتي كلها نص ساعة ونوصل
قضيت النصف ساعة مع حديث الياس و جوان معنا
وصل اخيرا الياس قائلا : وصلنا يلا يا حبيبتي
نظرت جوان من نافذة الشباك قائلة باستغراب : احنا فين يا الياس وايه المكان الحلو دا
كان المكان عبارة عن شاطئ البحر وامامه شاليه كان الهدوء والجمال يعم المكان
مسك الياس يدها ثم قبلها قائلا بحب: المكان دا ليا انا وانتي بس
جوان وهي ترتمي في إحضانه قائلة : مين قالك اني بحب البحر وبحب الهدوء
الياس وهو يغمز لها بعينه قائلا : العصفورة قالتلي ثم نزل من السيارة واتجاه الناحية الأخري وفتح لها باب العربية قائلا بابتسامة: يلا يا حبيبتي انزلي
مسكت جوان يده ونزلت في فرحة قائلة والدموع في عينها: ربنا يخليك ليا يا حبيبي
الياس وهو يمسح الدموع من علي وجهها قائلا: طيب ليه دلوقتي العياط
جوان بابتسامة رقيقة: علشان انت كتير عليا اوي يا الياس بتعمل كل حاجة علشان تبسطني وانا مش بعملك حاجة
الياس وهو يجذبها في إحضانه قائلا: وانا مش طالب منك حاجة كل اللي عايزه من الدنيا دي اشوفك مبسوطة بس هي دي اكتر حاجة تسعدني وانا شايفك مبسوطة وانتي معايا
ثم مسكها من يدها وفتح باب الشاليه قائلا بابتسامة: ادخلي يا عروسة
دخلت جوان وهي تضحك قائلة : عروسة ايه بس احنا متجوزين يا بني من شهرين
الياس وهو يغمز لها بعينه قائلا بابتسامة لعوبة: لا يا عروسة احنا هنقضي هنا أسبوعين عسل بس يعني انتي عروسة غصب عن أي حد
جوان بسعادة : بجد يا الياس يعني انت مش هتروح الشغل وهتفضل معايا أسبوعين بحالهم
الياس وهو يجذبها ناحية غرفة النوم قائلا : ايوه يا حبيبتي تعالي بس كدا معايا هوريكي مفاجاة تعجبك اوي بس غمضي عينك الاول
جوان وهي تغمض عينها قائلة : هو لسه في مفاجآت هتعجبني غير كدا بس حاضر اديني عمضت اهو
الياس وهو يفتح باب غرفة النوم ويجذبها داخلها قائلا : يلا افتحي عينك
نظرت جوان أمامها في صدمة قائلة : ايه دا يا الياس
الياس بضحك : انتي شايفة ايه قدامك
جوان ببكاء: انا شايفة فستان ابيض دا حقيقي
الياس بحب : ايوه يا قلبي حقيقي بس عايز اعرف ايه سبب الدموع اللي كل شوية بتنزل دي
جوان بفرحة: دي دموع الفرحة بس كدا كتير اوي يا الياس
الياس وهو يجذبها في إحضانه قائلا: قولت ميت مرة مفيش حاجة كتيرة عليكي ثم خرجها من بين إحضانه ومسح دموعها قائلا بابتسامة : يلا دلوقتي اسيبك تلبسي الفستان دا وانا انتظرك برا لغاية ما تخلصي وتنادي عليا تمام
جوان وهي تهز راسها قائلة : حاضر
خرج الياس من الغرفة وترك جوان تجهز نفسها
***************
في فيلا الصياد
عاد ادم و مليكة الي المنزل كانت مريم ذهبت الي غرفتها ونامت و تالا صعدت الي غرفتها هي الأخري صعد ادم و مليكة الي غرفتهم  دخلت مليكة الي المرحاض حتي تأخذ حمام تريح بيه عضلات جسدها كانت مليكة متجاهلة ادم تماما طوال حفلة الزفاف ولكن ادم تعب من هذا التجاهل وقرر أنه يفتح الكلام مع مليكة حين تخرج من المرحاض دخل بدل ملابسه وجلس ينتظرها خرجت مليكة من المرحاض وذهبت في اتجاه الفراش لكي تنام وقفت عندما امسك يدها ادم قائلا: استني يا مليكة عايز اتكلم معاكي
نظرت له مليكة بضيق قائلة : عايز ايه يا ادم
ادم ببرود وهو يضع يده في جيوب بنطلونه قائلا : مليكة احنا عايزين نكلم شوية مع بعض
مليكة وهي تكتف يدها أمام صدرها قائلا : نتكلم في اي تاني يا ادم كل حاجة انت عايز تقولها وصليتلي خلاص
ادم وهو يمسك يدها قائلا : لا يا مليكة في حاجات كتيرة لازم تتصلح حياتنا دي متنفعش علاقتنا لازم تكون احسن من كدا اديني فرصة يا مليكة وانا اغير كل حاجة ضايقتك مني
مليكة بلوم : تغير ايه ولا ايه يا ادم انت مش عايز تتخطي مرحلة زهرة انت عايش علي ذكرى زهرة وعمرك ما هتعرف تحبني ولا هتعرف تعيش معايا
ثم اخذت نفس طويل قائلة : ادم احنا متجوزين بقالنا حوالي شهر ونص مفيش اي تغير في حياتنا انت كل تفكيرك مع زهرة ومش عايز تشوفني
قطعها ادم قائلا بحزن شديد والدموع في عينه قائلا : مليكة بلاش تظلمني انا كنت طول عمري مش شايف حد في حياتي غير زهرة كنت بحبها من ايام الكلية حبتها اكتر من خمس سنين ولما اتجوزتها مش اقدر اوصفلك السعادة اللي انا كنت فيها عشنا مع بعض ٣ سنين كانوا احلي ٣ سنين في حياتي وبعدين مات قدام عيني معرفتش اعملها حاجة صعب عليا ان انا ادخل واحدة تاني هنا ثم وضع يده علي قلبه قائلا: انا قفلت دا من بعد موت زهرة ثم مسك يدها ونظره في عيونها قائلا: بس قلبي من ساعة ما شافك وهو بيتفتح ليكي كل يوم عن يوم اكتر علشان كدا بقولك اديني بس فرصة وانا اخليكي اسعد واحدة في الدنيا دي كلها
مليكة وهي تبتعد عنه وتعطي ظهرها قائلة: بلاش يا ادم خلي كل واحد في حياته احسن
ادم برجاء: مليكة علشان خاطري انا بترجاجي انك تديني فرصة وانا اوعدك اني اتغير للاحسن وعمري ما ازعلك انا زي ما قولتلك يا مليكة محتاج شوية وقت علشان اتخطي حب زهرة وخلاص الوقت دا قرب يخلص واوعدك عمري ما اقول كلمة واحدة ازعلك او تجرحك
نظرت له مليكة دون قول شئ
ادم بابتسامة : علشان خاطري يا مليكة انا محتاج فرصة واحدة
نظرت له مليكة قائلة والدموع علي وجهها : لو اديدك الفرصة دي يا ادم مش هتكسر قلبي في يوم من الأيام
ادم وهو يمسح الدموع من علي وجهها قائلا : عمري ما ازعلك ولا اكسر قلبك علشان قلبك دا يا مليكة قلب ابيض انتي اصلا كلك علي بعضك اسم علي مسمي مليكة وهي ملاك
مليكة: لا يا شيخ الكلام الحلو دا ليه
ادم وهو يجذبها في احضانه قائلا بحنان : طبعا ليكي اومال هيكون لمين غيرك يعني
ابتسمت له مليكة قائلة : ماشي اديدك الفرصة يا عم وريني بقا ازاي اتخليني اسعد واحدة في الدنيا
ادم وهو ينظر في عيونها بحب قائلا : خلاص يعني المسامح كريم مفيش زعل بينا
مليكة وهي تحاول ان تخرج من أحضانه قائلة بابتسامة: خلاص ماشي المسامح كريم بس والله يا ادم لو زعلتني تاني بكلامك الي عامل زي الدبش دا مش هقولك اعمل فيك ايه
ادم وهو يجذبها في إحضانه قائلا بمشاكسة: تعالي بس هنا في حضني واتكلمي
مليكة بخجل : ادم اوعي علشان عايزة انام
ادم وهو يحملها يذهب بها ناحية الفراش قائلا بمكر: خلاص ماشي ننام
مليكة بارتباك : هتنام فين يلا يا بابا روح نام مكانك
ادم وهو ينام علي الفراش وياخذها فى إحضانه قائلا بمكر : نامي يا مليكة بدل والله ما اعمل حاجة انتي مش عايزها
مليكة وهي تضربه علي صدره قائلة : قليل الادب وسافل والله
ادم بابتسامة خبيثة قائلا بمشاكسة: هو انتي لسه شوفتي قلة ادب دا انتي غلبانه اوي ثم اقترب منها قائلا بمكر : تحبي تشوفي نبذة عن قلة ادبي
مليكة وأصبح وجهها احمر من شدة الخجل قائلة : ادم عيب كدا وبس بقا نام انا هنام اهو
ثم أخفت نفسها بين إحضانه ونامت اما ادم كان يطير من الفرحة بسبب ما حدث اليوم وكلامه مع مليكة ونام هو الاخر بعد أن نامت مليكة
***********
في فيلا الاسيوطي
في غرفة مالك و تالين
أخذت تالين تدور في الغرفة قائلة بخوف : والله ما هيحصل ولا هتقرب مني
مالك وهو يدور خلفها قائلا بضحك : يا بت خدي هنا والله ما هعملك حاجة
تالين وهي تنظر له بعدم تصديق قائلة بخوف: دا انت قلة الأدب بتطلع من عينك
مالك وهو يضرب كف علي كف قائلا : والله العظيم متجوزة مجنونة
تالين وهي تضع يدها في خصرها قائلة : لو مش عجباك كل واحد من طريق يا بن الناس
مالك وهو يضحك : كل واحد من طريق من اولها كدا يخربيتك تعالي بس و اخذ يقترب منها ركضت تالين قائلة : اثبت مكانك انت رايح فين
مالك : تالين يا حبيبتي تعالي هنا والله ما اعملك حاجة فرهتيني من اول اليوم
تالين : والله لو عملت ايه انت قليل الادب وانا عارفة دا كويس اوي ناسي ايام الخطوبة وقلة الأدب اللي كنت بتعملها
مالك بضحك : والله انتي ظلمني طيب بصي ادخلي غيري الفستان دا مش خناقك ولا ايه وأخذ يقترب منها
تالين بصرخ : أقف عندك اوعي تقرب بدل ما اصوت وألم عليك الناس اقولهم بيتحرش بيا
مالك وهو يمسك بطنه من كثرة الضحك قائلا: يا بنت المجنونة انقضي اليوم كله كدا
تالين : طيب خلاص اطلع برا علشان اغير الفستان
مالك وهو ينظر حوله قائلا باستغراب : انتي بتكلمني انا
تالين : هو في حد غيرك في اوضة هنا مثلا
مالك بضحك : انتي عايزني اطلع من أوضتي يوم الفرح انتي عبيطة يا بت الناس هتقول عليا ايه
تالين بعند : مليش دعوة هتطلع يعني هتطلع
مالك هو يحك في ذقنه بيده قائلا : طيب اطلع البلكونة وانتي ادخلي غيري جوا في الحمام
تالين: طيب ابعد علشان ادخل الحمام
مالك : حاضر ثم ابتعد من طريقها ووقف ناحية الشرفة قائلا : حلو كدا اتفضلي ادخلي يلا
تالين بحرص : طيب أثبت مكانك
مالك: يا بنتي والله ما اتحرك انا واقف مكاني اهو
تالين : طيب ثم دخلت الي المرحاض سريعا وأغلقت علي نفسها باب المرحاض
اخذ مالك يضحك علي أفعالها قائلا : ولله العظيم مجنونة وبدل ملابسه هو الاخر
بعد مرور نصف ساعة دق مالك علي باب المرحاض قائلا: يلا يا حبيبتي انتي فين كل دا
تالين بتوتر : حاضر حاضر اطلع اهو
مالك : طيب يا حبيبتي
تالين وهي تنظر لنفسها في المرأة قائلة بتوتر وارتباك : يلهوي انا اطلع كدا ازاي كدا لازم يحطوا البتاع دا في الحمام يعني ملهوش حاجة محترمة عن كدا اكيد دي ايسل الكلب اللي عملت كدا ( كانت تالين لبسه قميص ابيض وفوقه الروب الخاص بيه كان قصير فوق الركبة )
اخذ وجهه يتقلب الي الوان من شدة الخجل
بعد ربع ساعة اخري دق مالك علي باب قائلا بملل : يا بنتي انتي فين كل دا مش يلا بقا انا زهقت من القاعدة لوحدي
تالين وهي تموت من الخجل قائلة: حاضر طالعة اهو
ثم نظرت لنفسها في المرأة قائلة بشجاعة : اطلعي يا تالين ميهمكيش حاجة دا مالك حبيبك وجوزك
ثم خرجت من المرحاض وهي تنظر في اركان الغرفة لم تري مالك في الغرفة وقف في منتصف قائلة بحيرة: هو راح فين دا ممكن يكون طفش
رأت يد تلف حوالين خصرها قائلا بهمس في اذنها: عيب عليكي اطفش يوم فرحي يعني
التفتت له تالين قائلة بصدمة : يخربيتك خضتني
مالك وهو يجذبها من خصرها ويقربها منه قائلا بابتسامة لعوبة : سلامتك من الخضة يا قلبي
تالين وهي تبعد يده قائلة بخوف : طيب ابعد كدا شوية
مالك بابتسامة خبيثة قائلا بمشاكسة: تو تو تو مفيش كلمة ابعد من النهاردة في قرب بس وأخذ يقترب منها وضعت تالين يدها علي صدره العريض قائلة بخوف: مالك يا حبيبي اهدي كدا
مالك بابتسامة خبيثة: اهدي دا انتي هتتقطعي النهاردة
ثم حملها واتجاه بها ناحية الفراش وضعها علي الفراش قائلا باستغراب : مالك يا بنتي في ايه
كانت تالين علي وشك البكاء قائلة بخوف : خايفة يا مالك
مالك باستغراب : خايفة من ايه
تالين : خايفة منك
مالك وهو يلعب في خصلات شعرها قائلا بابتسامة حب : خايفة من مالك حبيبتك وجوزك دا انا بحبك يا تالين من اول يوم شوفتك في انتي ممكن تتخيلي اني ممكن اذيكي هزت تالين راسها بمعني لا
اكمل مالك قائلا : خلاص خايفة من ايه بقا ثم نظر في عيونها قائلا بحب : بحبك
تالين وهي تضع يدها حوالين رقبته قائلة بخجل : وانا كمان بحبك يا مالك
اخذ مالك شفتيها في قبلة طويلة ملئية بالحب والشوق
(و تسكت شهرزاد عن الكلام المباح )
***********
في غرفة اوس و ايسل
بعد انتهاء الفرح صعدت ايسل الي غرفتها وبقي اوس في الاسفل حتي ينهي بعد الأعمال الخاصة بحفل الزفاف صعد اوس بعدها بحوالي ساعتين وعندما دخل الي الغرفة رأي ايسل جالسة امام التلفاز ولم تعيره اي انتبه دخل اوس الي المرحاض وغير ملابسه الي تيشرت بنص كم رصاصي وبنطلون اسود وجلس بجانبها قائلا بابتسامة: يعني لسه صاحية لغاية دلوقتي
ايسل وهي تنظر الي التلفاز قائلة : مش جيلي نوم دلوقتي
اوس بابتسامة : طيب يا حبيبتي ايه رايك نتعش سوا
ايسل بنفاذ صبر قائلة : مليش نفس اكل
اوس وهو يحاول يجمع أفكاره قائلا : طيب عايز اكلم معاكي شوية يا ايسل
ايسل وهي تنفخ في الهواء قائلة: عايز تكلم في ايه يا اوس مفيش حاجة نتكلم فيها دلوقتي
قطعها اوس قائلا : لا في يا ايسل في حاجات كتيرة ثم مسك يدها قائلا برجاء: ايسل انا اتغيرت والله مش اوس بتاع زمان انا عارف ان انا ظلمتك وجيت عليكي كتير بس والله كان غصب عنى الانتقام عمني مكنتش شايف قدامي تعالي يا ايسل ننسي اي حاجة حصلت زمان انا انسي ان ابوكي هو كان السبب في موت ابويا وانتي انسي اي حاجة حصلت مني ونبدأ مع بعض من جديد
ايسل وهي تنظر له باستحقار قائلة بكره : انت اكتر انسان انا بكره في حياتي كلها انا معرفتش يعني ايه كره غير لما عرفتك انت ازاي عارف تعيش وانت ظالم حد ازاي بيجيلك نوم وانت ظلمني وبعد كل دا جي تقولي تعالي انسي اللي حصل مني انت انسان اناني مبتحبش غير نفسك بس يوم ما عايز تنتقم بتنتقم مني عادي خالص ويوم ما عايز نبدا مع بعض من جديد يبقي نبدا ما انا جارية انت اشترتها من سوق العبيد ثم قائلة بصوت عالي بنبرة تحدي وقوة : بس لا يا اوس يا اسيوطي انا عمري ما هكون جارية عندك انت فاهم ولا عمرنا هبدا مع بعض من جديد ولا عمري اثق فيك تاني علشان خلاص انت بقيت كارت محروق بنسبالي واللي زيك هيعيش طول عمره لوحده ولا حد هيحبه ولا هيحب حد
اوس بندم : والله العظيم اتغير بجد يا ايسل اديني فرصة واحدة وانا هثبتلك كلامي
ايسل بابتسامة صفراء قائلة : تمام انت بتقول ان انت اتغيرت طيب يا لو عايزني اديك فرصه انا عندي شرط
اوس بابتسامة : اطلبي يا ايسل وانا اوعدك مش ارفضلك طلب
ايسل وهي تكتف يدها أمام صدرها قائلة : طيب لما تعرف شرطي الاول ابقي اتكلم بثقة كدا
اوس بعدم فهم قائلا : هو ايه شرطك يا ايسل قولي
ايسل بنبرة تحمل القوة قائلة : تروح تعتذر لبابا علي كل حاجة حصلت منك ولو بابا سامحك انا اسامحك هو دا شرطي الوحيد يا اوس
نظر لها اوس وشر يتطير من عيونه قائلا : نعم يا اختي عيدي قولتي ايه تاني كدا علشان مسمعتش كويس
ايسل وهو تحاول  ان تكون قوية أمامه قائلة : انت سمعت كويس يا اوس هو دا شرطي الوحيد انت ذليت ابويا لما رحتله وكسرته قدام عينك بكل جبروت وقسوة مفكرتش ان ابويا ممكن يحصله حاجة لما يشوف بنته الوحيد وقعت في ايدي واحد قاسي زيك كل اللي يهمك ان تاخد انتقامك بس
اوس يجذبها من ذراعها بقوة ناحيته قائلا بقسوة : فوقي لنفسك يا بنت المحمدي انتي متخيلة اني ممكن هروح لابوكي واقوله سمحني تبقي بتحلمي انا مش علشان بحبك تقوليلي هروح لعدوي الوحيد علشان يسامحني ابوكي قتل ابويا فاهمة يعني ايه
ايسل وهي تحرر يدها من قبضته قائلة باستحقار : عمرك ما هتتغير يا اوس هتتفضل طول عمرك اناني ومش شايف غير نفسك ومغرور انا بس حبيت اوريلك نفسك انك عمرك ما هتتغير ثم اخذت نفس طويل قائلة: وازاي اصلا عايزني اسامحك وانت مش عايز تسامح ابويا اللي هو اعترف بغلطه بعد كل المدة دي وانت حتي مش عايز تعترف ان انت غلطت
اوس : انت عايزة تشبهيني بابوكي ابوكي كان السبب في قتل ابويا انما انا عملت ايه معاكي انا اتجوزتك علي سنه الله ورسوله انا عارف ان الطريقة مكنتش كويسة بس بحاول اتغير معاكي
ايسل بابتسامة حزينة قائلة: ايوه صح انت معملش معايا حاجة انت موهمتنيش انك اغتصابتني ولا اتجوزتني غصب ولا ذليت ايوبا ولا ضربتني وهنتني ولا عملت اي حاجة من الحاجات دي دايما كدا الغلط مش بيشوف نفسه غلط ثم تركته وذهبت من امام مسك يدها اوس قائلا برجاء : ايسل مش كل مرة تسبيني وتمشي من غير ما اخلص كلامي
ايسل : خلاص انا قولتلك كتير مافيش حاجة عمرها هتجمعنا يا اوس انسي علشان في يوم انا مش هكون موجود معاك وهو دا يوم انتصاري عليك بجد لما هسيبك وانت هتموت من بعدي ثم تركته وذهبت في ناحية الفراش ونامت وقف اوس يفكر في كلامها كيف لها ان تتركه وتذهب بعيد عنه ولكن قال ان هذا كلام لا أكثر وأخذ يفكر لوقت طويل حتي نام
***********

رايكم يا بنات وتوقعكم في إللي جاي 💕

بقلم : دينا فتحي