#مجنونتى_انا البارت الاول
خرجت من اجانس العربيات بعد ما حققت اول حلم من احلامى وجيبت العربية X6 وع رأى الاستاذ الفنان حسن شاكوش وركبت الاكس 6 بطلت اركب انا تاكس💃💃😂
نتعرف الاول ببطلنا وابطالنا عامة
كمال شاب فى اواخر العشرينات امه وابوه متوفيين وعنده اخت واحده اكبر منه اسمها هالة متجوزة ومخلفة وعايشة مع جوزها علاء فى السعودية عيونه بنى بدقى وشعره بنى ناعم وعنده عضلات طويل طوله ١٨٧سم وعنده غمزة بدقنه واد مز من الاخر 😂😂 عنده بازار سياحى ورثه عن والده الله يرحمه واشتغل عليه لحد ما كبره
حبيبة مرشدة سياحية حلمها تكون ممثلة مع انها فاشلة بالتمثيل😂😂 عندها اخت اسمها حلا واخ اسمه حسام والاثنين توأم عمرها ٢٥ سنة واخواتها ٢٢ جميلة جدا طويلة الى حد ما عيونها عسلى فاتح تمتلك شعر طويل اسود ليل وغمازات تجنن وبالرغم من شخصيتها المرحة الا ان فيه جانب من قلبها مكسور بسبب سوء معاملة ابوها ليها
نكمل روايتنا ولما حد يظهر هنتعرف عليه فى الاحداث
وصلت عند البازار بتاعى وكنت بركن لقيت بنت بتخبط ع شباك العربية بس كانت صاروخ اوى
كمال: افندم
البنت: ممكن تخطفنى
كمال: نعم اخطفك ازاى مش فاهم 🤔
البنت: اخطفنى وودينى ع جزيرة بعيدة اعيش فيها وحيدة وهاتلى قطه عنيدة
كمال: هو الوزن والقافية حلو ويحترم بس اشمعنا قطة عنيدة
البنت: انا كيفى كده
كمال: اااااه انتى مجنونة صح
البنت: لا انا حبيبة
كمال: اه وجاية منين يا انسة حبيبة
حبيبة: من الشغل
كمال: يعنى مش من السرايا الصفرا
حبيبة بشرشحة: سرايا صفرا مين يا قيحة يا تلقيحة ياللى لا ليك منظر ولا ريحة ....... فى نفسها: سامحنى يارب
كمال بصدمة: اييييييييه يا ولية البلاعة اللى فتحت فى وشى دى مالك يا ست فى ايه
حبيبة ببرود: هييييييييح شهرد عليك .... المهم قولى بمثل حلو صح😉
كمال: يعنى كل ده كان تمثيل تسمحيلى اقولك انه اداء بيض
حبيبة: تشكر يا زوق انا ماشية وسيباها ليك مخضرة
مشيت حبيبة وعين كمال عليها وهو مبتسم وفى نفسه بيقول: مجنونة بس والنبى عسل😍😉
بيجى رمزى اللى شغال معاه يقطعله حبل افكاره: يا ابن الايه برضه اشتريتها
كمال: يا ستار قل اعوذ برب الفلق
رمزى: لا وع ايه انا داخل اشوف شغلى بكرامتى
كمال وهو بينزل: خد ياض تعال هنا من هنا ورايح تجيب كرسى وتقعد جنب العربية دى دى شغلتك الشاغل من النهاردة دفعت فيها دم قلبى واللى ورايا واللى ادامى وكمان عليها اقساط يعنى لو حصلها حاجة انا وانت هنشحت ع باب السيده
رمزى: اوامرك يا كبير
بيدخل كمال ع البازار وكان فيه فوج سياحى كبير جوة لما شافهم كمال فرح جدا
كمال فى نفسه: اللهم لك الحمد يارب افتح لينا ابواب الرزق كمان وكمان
بتيجى واحدة من السياح تتكلم معاه وهو بيشرحلها البضاعة والتمن وهو بيرجع بضهره بيخبط فى حد
كمال: انا اسف جدا مش اخدت باا......... ايه ده هو انتى 😳
#يتبع
الاول
أنت تقرأ
مجنونتي انا
Humorادخلوا برجلكوا اللمين كده 😂وصلوا علي نبي وانشاء الله روايه تعجبكوا ومستنيه تفاعل وفي في كل بارت علامه نجمه تحت كده دوسوا عليها والله مش بتعض 😂
