#مجنونتى_انا البارت الرابع ✨
بتتصدم حبيبة لكن مش لانها تعرف الشخص لكن بسبب جمال امه🤣🤣 كان شاب ذو قامه طويله بشره خمرية ممزوجة بالاحمرار وشعر ناعم وغمازات ع الخدين وعيون زرقا واسعة تشبه صفاء البحر عندما يكون هادئ
الشخص: انا اسف جدا ع الطريقة اللى جابوكى بيها بس انا مضطر اعمل كده
حبيبة بهيمان: طب مش اعرف مين انت يا مان كل ده جمدان😍🤣
الشخص: انا اسمى كريم الحديدى اظن انك سمعتى الاسم ده قبل كده
حبيبة: ايوة انت صاحب شركات ومصانع الحديدى اللى فريد ابويا شغال فيها
كريم: بالظبط كده
حبيبة بتقوم تسلم عليه وتقوله: هااااى يا ابو الكباتن بس ممكن اعرف لماذا اتيت بى الى هنا.... وبتقعد ع الارض وتستربع
كريم: ابوكى انا استئمنته ع شغلى بشكل كبير لانه كان شغال مع ابويا الله يرحمه من قبل ما انا امسك الشركات والمصانع واكتشفت ان ابوكى سارق منى حوالى ٢ مليون جنيه ومش بس كده كمان بيفشى اسرار الصفقات لشركات المنصورى اعدى اعدائنا عشان كده انا خطفتك عشان اساومه بيكى ع القليل ارجع منه فلوسى
حبيبة: نيهاهاهاهاااااااااااااا نشنت ونشانك للاسف مصابش يا زمكس
كريم: يعنى ايه الكلام ده 🤔
حبيبة: يعنى ابويا لو عرف انك خطفتنى حتى لو مطلبتش فديه هيقولك اقتلها وصورلى شريط فيديو عشان اتأكد انها ماتت🤣🤣🤣
كريم: نعم انتى بتشتغلينى ولا ايه ده ايه ده 🙄
حبيبة: هيييييييح هحكيلك يا ابنى مأسوياتى الديك وقت لتستمع الى
كريم بينزل يقعد ادامها وهو مربع رجله وحاطط ايده ع خده وبعدين حبيبة تقوله: لااااااا خرج البوبيهات دول الاول
كريم بيبص للبودى جاردات ويقولهم: لو سمحتوا يا بوبيهات..... اقصد يا رجالة انا اسف اطلعوا بره ...... يبص لحبيبة ويقولها: احكى يا شهرزاد
بتقعد حبيبة تحكى لكريم عن سوء، معاملة ابوها ليها واد ايه بيكرهها وعمره ما كان حنين عليها وبعد ما تخلص
حبيبة: بس يا سيدى هى دى قصة حياتى
كريم بعدم تصديق: مستحيل يكون فى اب كده فى الدنيا انتى اكيد بتشتغلينى
حبيبة: طب هقولك ع حاجة كلمه وقوله انك خاطفنى وعاوز المبلغ وشوف رد فعله هيكون ايه
بيمسك كريم الموبايل ويتصل ع فريد ويقوله انه خاطف حبيبة بس طبعا مغير صوته وهويته
فريد: هههههههههههه طب وماله انت الخسران بخطفك ليها واقولك ع حاجة خليها معاك العمر كله
قبل ما كريم يرد الفون بيتقفل بوشه .... . حبيبة: هاهاهاهااااااا اسمعت بأذنيك يا فتى
كريم حرفيا مصدوم ومش مصدق بيقوم يقف ويمد ايده لحبيبة ويقولها: قومى معايا
حبيبة: ع فين يسطا
كريم: هروحك
حبيبة: لا والنبى يسطا انا حبيت الخطف والحراميين اوى
كريم: اولا انا مش مجرم ولا حرامى ثانيا انا اسف
حبيبة: والنبى عسل يا اخواتى عليك وع جمال امك
كريم حرفيا بيصرخ من كتر الضحك عليها ويقولها: ده انتى مشكلة وربنا عندك مانع نبقى اصحاب 🤣🤣😉
حبيبة: وماله يا اخويا انا اطول اصاحب مز زيك ..... بطلع موبايلها وتاخد رقمه وبيخرجوا يركبوا العربية عشان يوصلها للبيت
فى البيت عند فريد حلا بتسمع الحوار لكنها متقدرش تعاتب ابوها لانها عارفة انه مش هيكون بفايده بتدخل ع حسام اللى كان قاعد بيسمع اغانى
حلا بعياط: حسام الحق حبيبة اختك
حسام بخضة: فى ايه مالها حبيبة وبتعيطى كده ليه انطقى
حلا: حبيبة اتخطفت يا حسام
حسام:ايه انتى بتقولى ايه😳 طب وانتى مستنية ايه اجرى بسرعة غيرى هدومك خلينا ننزل نبلغ الشرطه
فعلا بيلبسوا وينزلوا وبيلاقوا شخص نزل من عربيه وداخل عليهم
الشخص: سلام عليكم لو سمحتوا هى انسه حبيبه عز الدين ساكنه فى الدور الكام
حسام: انا اخوها انت مين
الشخص: انا كمال....... وبيبتدى يحكيلهم معرفته بحبيبة وازاى نسيت الكاميرا وهو رجعها ليها
حلا: حبيبة مخطوفه واحنا رايحين نبلغ الشرطه
كمال بخضه وكأن قلبه طلع من مكانه: ايه انتم بتقوله ايه ازاى عرفتوا الكلام ده 😳
حلا: حد اتصل ع بابا وطلب فديه وبابا رفض 🥺
كمال: طيب يالا بينا تعالوا معايا واحنا نبلغ
لكن قبل ما يتحركوا بتوصل عربية كريم وبتنزل حبيبه وبيطلع اخواتها يجروا عليها يحضنوها ........ كريم كان متنح اوى ع حلا ومبتسم كأنه اعجب بيها من اول نظره
كمال بيقرب من حبيبة ويسلم عليها وبعدين يبص لكريم بغيظ ويقولها: مين الكابتن مش تعرفينا 🤨
حبيبة: ده ........................
استوووووب انتظرونى فى البارت القادم عشان مش جاية نيهاهاهاهاااااااااااااا
#يتبع
أنت تقرأ
مجنونتي انا
Humorادخلوا برجلكوا اللمين كده 😂وصلوا علي نبي وانشاء الله روايه تعجبكوا ومستنيه تفاعل وفي في كل بارت علامه نجمه تحت كده دوسوا عليها والله مش بتعض 😂
