مجنونتي انا

بارت تاني

#مجنونتى_انا  البارت التانى✨

كمال:  ايه ده انتى تانى بتعملى ايه هنا

حبيبة:  المفروض ان انا اللى اسألك بتعمل ايه هنا يا استاذ

كمال:  ده البازار بتاعى حضرتك

قبل ما حبيبة ترد بيجى واحد من السياح يسألها ع حاجة وبعدين تلف وشها لكمال وتقوله:  اظن كده عرفت انا بعمل ايه هنا

كمال: لا مفهمتش

حبيبة:  بسم الله ما شاء الله عليك نبيه اوى جاية مع فوج سياحى و بشرحلهم البضاعة هكون ايه بذمتك

كمال: مرشدة سياحية

حبيبة:  يااااه عرفتها لوحدك طب متقولش لحد بقا عشان متتحسدش

بتضحك وبعدين تسيبه وتمشى  ......  بعد ما يخلص الفوج الشراء بيركبوا الباص ويمشوا الا حبيبة اللى بتفضل واقفة بالشارع وبيشوفها كمال فبيروحلها

كمال:  انتى واقفة كده ليه

حبيبة:  مستنية تاكسى يا باشا

كمال:  بس صعب يعدى تاكسيات من هنا فى الوقت ده تعالى وانا اوصلك

حبيبة:  والمفروض انى اوافق يعنى

كمال:  ده لازم لانك ممكن تباتى هنا

حبيبة بتبص فى ساعتها تلاقى الساعة بقيت ٩ فبتركب معاه لحد ما يوصلوا عند عمارة كده شيك تقوله:  بس، هنا يسطا

كمال:  يسطا انتى يا بت شايفانى سواق ميكروباص

حبيبة:  هيييييييح انا مش هرد عليك اشبح ع العموم ثكرا😉

كمال بعد ما بتنزل حرفيا بيكون مسحور بغمزتها وبيبتسم وبعدين يسوق عربيته ويمشى......  اول ما حبيبة تطلع تلاقى ابوها فى وشها

فريد:  انتى شرفتى يا ست هانم ما لسه بدرى

حبيبة:  انا مكنتش بلعب انا كنت فى الشغل ع فكرة

فريد:  شغل ايه ده يا اختى اللى يخليكى تفضلى بالشارع لحد الساعة ١٠ بليل غير اذا كنتى بتشتغلى فى كباريه

حبيبة:  لا انا لو كنت بشتغل فى كباريه كنت جيت الفجر

فريد بيضربها بالقلم ويقولها:  انتى قليلة الادب غورى من وشى

بتدخل حبيبة ع اوضتها وتقعد تعيط شويه وبعدين تطلع صورة مامتها وتقعد تتكلم معاها وتشتكى ليها

عند كمال اللى وصل البيت وبيفتح باب الشقة وداخل فجأة بيتزحلق يقع ع ضهره

كمال:  اااااااه العصعوصة العمود الفقرى

بتيجى هالة ع صوت اخوها وتوقفه وتقوله:  اسم الله عليك يا حبيبى انت وقعت ازاى

كمال:  بصى ع الزيت ده يا اختى وانتى تعرفى

تلاقى ابنها يزيد واقف عمال يضحك فتعرف ان هو اللى عمل كده

هالة:  معليش يا حبيبى حقك عليا الولاد بيحبوا يهزروا معاك

كمال:  يهزروا ولا يكسرونى وبعدين انتى جيتى امتا ومعرفتنيش ليه.

هالة:  جيت العصر حبيت اعملها ليك مفاجأة

كمال: مفاجأة اه نورتى يا سيتى ممكن بقا تسبينى انام

هالة:  لا انا عاوزاك فى موضوع مهم اوى اوى

كمال:  ايه خير يارب

بتشده هالة للانتريه وتقعد جنبه وتقوله:  ...............

نينينينينينيني كفايه لحد كده رأيكم يهمنى ❤

#يتبع