مجنونتي انا

بارت تامن

#مجنونتى_انا البارت التامن✨

كمال:  بصى بقا يا سيتى من غير لف ودوران كده انا معجب بيكى جدا وحابب انى اكمل نص دينى معاكى قولتى ايه

كانت حبيبة بتشرب لما كمال قال كده هوووب كل المياه اللى كانت فى بوقها بقيت فى وش كمال 😂😂

حبيبة: انت بتتكلم بجد ولا بتهزر عشان بس اعرف ارد عليك

كمال: انا يمكن عمرى ما كنت جد معاكى الا النهاردة

حبيبة: هو اينعم انت مز وطعم كده وحتة شوكلاتة سايحة فى نوتيلا بس ده ميمنعش انى لازم اعرفك كويس الاول مش كده ولا ايه

كمال: 😂😂😂😂 صح عندك حق بس فترة الخطوبة اتعملت عشان كده وعشان كمان مبحبش اعمل حاجة من ورا حد فى الضلمه ها قولتى ايه

حبيبة: العب باليه💃💃💃🤣🤣

كمال:🤦‍

حبيبة: طب خلاص اباشا موافقة

بيقضوا وقت ظريف لطيف خفيف كده وبعدين بيقوموا ويروحها لحد البيت ويمشى

عند حلا اللى بتكون خارجة من كليتها وبتلاقى شخص بينده عليها

............: انسة حلا

حلا: خير يا ادم فيه حاجة

ادم: كنت محتاج اتكلم معاكى شويه ممكن نقعد بالكافيه

حلا: انا اسفة معنديش وقت وكمان مبقعدش مع حد غريب

ادم: ما غريب الا الشيطان

حلا: طيب اتفضل قول اللى حضرتك عاوزه عشان اروح

ادم: انتى عارفة كويس انا عاوزك فى ايه

حلا: وانت كمان عارف انا ردى هيكون ايه فالاحسن توفر ع نفسك وعليا مناهدة الكلام انسى ان انا ارتبط بواحد زيك ولو انت متعود تضحك ع البنات وتضيف للووايت ليست احب ابشرك ان بداية البلاك ليست هتكون باسمى عن اذنك

بتيجى حلا تمشى بيمسك ادم ايدها وهى بتلف وتضربه بالقلم ادم بيتضايق جدا فبيرفع ايده عشان يضربها لكن حد بيمسك ايده وكان...................

حسام ماشى مع فريدة شايل الشنط وعمال يقول: اه ياانى يا رجلى يا ايدى يا ضهرى يا كل عضمى يانى

فريدة: اجمد يا وحش اومال عضلات وجيم ايه ونيلة ايه منفوخ ع الفاضى

حسام: يا مفترية يا ظالمة اتقى الله ده احنا من الساعة ٣ بنلف ع كعوب رجلنا والساعة بقيت ٦ ارحمينى هموت من الجوع يا ولية

فريدة: تصدق انا كمان وقعت من الجوع طب ادامى يالا ع المطعم عشان نتغدى بس الحساب عليك 🙊

حسام: هو مرتب كل شهر اساسا مش بيضيع الا ع بطنك يا اختى انجرى ادامى

نسيبهم ياكلوا ونرجع عند حلا اللى كانت واقفة مصدومه لما بتلاقى ان الشخص اللى مسك ايد ادم كان كريم

كريم: مش عيب ع شنبك اللى طالع زى شنب الاعدادية ده تمد ايدك ع واحدة ست

ادم: وانت مال اهلك انت بتدخل فى اللى مش ليك فيه ليه

كريم: عشان حلا دى تبعى ع اسمى وقبل ده كله انا راجل ودمى حر يعنى حتى لو مش اعرفها هعمل كده يا توتو

ادم: انت بتعمل نفسك راجل ادامها طب ورينى اخرك ايه

كريم: ما بلاش هتزعل جامد يا توتو

ادم: ورينى اللى عندك لو كنت راجل

كريم بيضربه بالراس مرة واحدة بس بيتكوم ع الارض ادامه ومش بيقدر يقوم وكل اللى كانوا واقفين قعدوا يضحكوا على منظره  .......  بيلف كريم لحلا ويمسكها من ايدها ويركبها العربية وفى الطريق....................

❤

#يتبع✍️🤍