#مجنونتى_انا البارت الخامس✨
حبيبة: ده المز بتاعى. الكل فى نفس واحد: ايييه😳
حبيبة: المنقذ بتاعى فى ايه مالكم ما تسلكوا ودنكم🤣
حسام اللى بيقرب من كريم: متشكر جدا بجد انا مش عارف اقولك ايه بس انا حاسس انى شوفتك قبل كده
كريم: انا كريم الحديدى صاحب الشركة اللى والدك شغال فيها
حسام: اه صح ع العموم اتشرفت بمعرفتك
حبيبة: طيب يا شباب احب اعرفكم ان فيه عضوين جداد انضموا لعصابتنا وبكده بقينا ستة
بيميل كريم ع كمال وبيقوله: ٦ ازاى يا معلم واحنا خمسه هى حوله ولا فاشلة فى العد
كمال بيضحك ويقوله: ع الاغلب ساقطة رياضيات
حبيبة بتدخل وسطهم وهى بتقول بصوت واطى: انتم بتتوشوشوا بتقولوا ايه🤔
كمال: لا ابدا بندعيلك يا كبيره
بتيجى واحده عليهم واول ما تدخل تحضن حبيبة وهى بتقول: انتى كويسه يا قلبى
حبيبة: اه يا بت كويسه مالك مخضوضه كده ليه
بتلف البنت وتضرب حسام ع كتفه وتقوله بحده: بقا انت بتشتغلنى وتجبنى ع ملى وشى وتخضنى كده والله لاوريك
حلا: ههههههه اهدى يا فيرى انتى ظلماه حبيبة كانت فعلا مخطوفه واستاذ كريم اللى انقذها
كريم: احم مفيش داعى للالقاب يا انسه حلا ده انا حتى بقيت فرد فى عصابتكم
حلا: طيب منين ارفع الالقاب ومنين بتقولى يا انسه
كريم: عندك حق عندى انا دى
بتضحك حلا وبتشبه الملاك لتخطف قلب كريم اكتر وبيلاحظ كمال ع كريم انجذابه لحلا فبيطمن ان المزه حجه مطارتش منه🤣🤣
حبيبة: طيب بما ان اعضاء الانيمى اكتملوا بعد ما فريدة جات خلينا نعرف الاعضاء الجداد ع قواعدنا واول حاجة نعملها ناخدهم ع مكانا الخاص
الكل ما عدا كريم وكمال: دييييل يا بوص
طبعا الاخين مش فاهمين اى حاجة بتضحك حبيبه بيقسموا نفسهم وبيركبوا عربيات كريم وكمال لحد ما يوصلوا ع كافيه لسه جديد بس شيك وفيه قاعدات عربيه اول ما يدخلوا ويشوفهم الشخص اللى بيشتغل بالكافيه بيروح عليهم
عاصم: اهلا بعصابة الانيمى نورتوا
حبيبة: اعرفكوا بعاصم الجندى المجهول بعصابتنا ها يا عصومى اين المكان الخاص بنا
عاصم: جاهز يا بوص اتفضلوا
بيدخلوا ويقعدوا ع قعده عربى فى مكان جانبى وبعدين حبيبة تقول لعاصم:حضرلنا الحساء والمشروب وزود ٢ للعضوين الجداد
بيميل كمال ع كريم: تفتكر ايه الحساء والمشروب ده عباره عن سم فيران مقوى ولا ايه🤣🤣
كريم: بلاش نستعجل بالحكم ونظلمها تانى لننتظر لحين عودة عصومى🤣🤣
بيفطس كمال ع كريم وطريقته وحبيبة بتتاخد اوى لما تشوف ضحكة كمال اد ايه حلوة وبعد خمس،دقايق بيجى عاصم ومعاه الطلبات وكانت عبارة عن كورن فليكس والمشروب كان موز باللبن
كمال: ده كده عظمه اوى كورن فليكس وموز باللبن
حبيبة: هييييه انت اسمه حساء ومشروب الانيمى يا فتى
بيفطس الكل ع نفسه من الضحك وكلهم بيتعرفوا ع بعض اكتر وبعد كده تضيفهم حبيبة بجروب الواتس والفيس ويعدى اليوم بالمرح والهزار وكله بيروح ع بيته اول ما حبيبه واخواتها يدخلوا ع البيت
فريد: ايه ده انتى جيتى كنت مفكر انك هترجعى فى شوال ولا اكياس بلاستيك
حبيبة بتهكم: معليش بقا ولاد الحلال مخلوش لولاد الحرام حاجة
فريد بعصبية: انتى بتعلى صوتك عليا يا بنت ********
بيرفع فريد ايده عشان يضرب حبيبة لكن فجأة................
#يتبع
أنت تقرأ
مجنونتي انا
Humorادخلوا برجلكوا اللمين كده 😂وصلوا علي نبي وانشاء الله روايه تعجبكوا ومستنيه تفاعل وفي في كل بارت علامه نجمه تحت كده دوسوا عليها والله مش بتعض 😂
