#مجنونتى_انا البارت التالت عشر ✨
عايدة بصدمة: اوعى يكون فريد سيف النصر 😳😳
كريم: ايوة يا ماما هو
عايدة: انت اتجننت ملقتش غير بنت الراجل ده عشان ترتبط بيها دول لا من مقامنا ولا من مستوانا
كريم: ليه يا ماما عشان ايه😒 الفلوس مش كل حاجة انا واثق ان سعادتى وراحتى مش هتكون الا مع حلا وبس
عايدة: اسمع يا كريم انت تنهى الموضوع مع البت دى وتتجوز من يارا بنت خالتك امل انا مكنتش مسافرة الامارات كزيارة عادية انا كنت رايحة عشان اخطبها ليك
كريم: بس المفروض حضرتك تعرفينى انا مش عيل صغير عشان انتى تاخدى القرارات عنى وبعدين دى هتبقى شريكة حياتى انا وانا بس اللى اختارها
عايدة: يعنى ايه الكلام ده 🙄
كريم: يعنى انا مش هتجوز الا حلا وبس والمناقشة انتهت لحد كده بعد اذنك انا هطلع انام لانى مطبق تصبحى ع خير
بيسيب كريم امه هتولع من كلامه ويطلع ينام ...... تانى يوم عند العرسان كمال بيفتح عيونه يلاقى حبيبة قاعدة جنبه بتلعب بشعره
كمال: صباحية مباركة يا ست العرايس
حبيبة: صباح الفل يا كيمو كونو حياتى
كمال: هو فيه حد يبقا صاحى من النوم جمر كده
حبيبة: ايوة فيه انا وبس🙈
كمال: يا عينى ع الحلو وهو واثق من نفسه بس صحيح هو الكسوف بتاع امبارح راح فين
حبيبة بتخجل ووشها يحمر وتدفن وشها فى صدره وتقوله: عيب بقا يا راجل😊
كمال بيلف ايده حواليها ويقولها: طب ما تيجى نستعيد جزء من ذكريات الامس
حبيبة بارتباك: يعنى ايه تقصد ايه
كمال: يعنى تعالى يالا ونقول الله الله😂😂
حبيبة: انت سافل ونوتى اوى ع فكرة😳🙊
لسه كمال بيقرب منها فجأة جرس الباب بيرن .... كمال وهو بيبعد عنها وبيحط ايده ع راسه: والله ما عملت حاجة انا شريف والله يا بيه
حبيبة: شريف مين مش انت اسمك كمال وبعدين انا مراتك يا اهبل مش شاقطنى من شارع الهرم🙄🙄 قوم البس وشوف مين ع الباب على ما اغير هدومى 😂
كمال بيقوم يلبس ويفتح بيلاقى هالة وفريد وحلا وحسام وفريدة ادامه
كمال: مش وقتكم خالص ع فكرة
فريد: بتقول حاجة يا ابنى
كمال: ابدا يا عمى بقول نورتونا والله اتفضلوا😂😂
بيدخلوا وحلا وفريدة بيدخلوا لحبيبة ويقعدوا يغنوا ويرقصوا وهى معاهم
حلا: ها طمنينى كله تمام
حبيبة: لا يسطا خالص🥺
حلا بخضة: ليييييه فى ايه!
حبيبة: كمال طلع قليل الادب 🙊
حلا: جتك نيلة وقعتى قلبى وبعدين ده المطلوب اصلا 😂😂
فريدة: وانتى عرفتى منين انه مطلوب يا ابلة حلا😉
حلا: سمعتهم بيقولوا كده فى التليفزيون😂😂
حبيبة: طب بطلوا رخامة وانجروا ادامى عشان نطلع للناس اللى برة 😂😂
عند كريم اللى بيصحى من النوم يلاقى امه بانتظاره ع السفرة
كريم: صباح الخير يا امى
عايدة: صباح النور ..... ها فكرت فى اللى قولته ليك
كريم: تانى يا امى هنفتح الموضوع ده تانى ع العموم اطمنى رأيى زى ما هو بعد اذنك
عايدة: على فين
كريم: رايح ع الشركة
عايدة: طيب مش هتفطر
كريم: لا مش عاوز شبعت بعد اذنك
بيمشى كريم وبيركب عربيته وبتمسك عايدة فونها وترن ع شخص
المجهول: ايه ده عايدة هانم بترن عليا بعد الوقت ده كله من الغيبة
عايدة: اسمع يا محروس انا عاوزك تجيبلى ................
محروس: اعتبريه حصل هبعته ليكى حالا فى ماسدج
عايدة بتقفل وبتوصلها الرسالة من محروس وبابتسامة كلها شر تقول: ماشى يا كريم هنشوف مين فينا اللى هيمشى كلامه ع التانى 🙂
بيعدى النهار ويحل الليل بالتحديد الساعة ٨ وفجأة جرس الباب بتاع بيت فريد بيرن بتطلع حلا تفتح الباب
حلا: اهلا مين حضرتك
.......... : انتى حلا مش كده
حلا: ايوة انا بس مين حضرتك وتعرفينى منين
.............: انا والدة كريم ممكن ادخل
حلا بابتسامة: اكيد اتفضلى حضرتك
بعد ما يدخلوا ويقعدوا عايدة: .....................
نينينينينينيني البارت خلص نصلى ع سيد الانام واشرف الخلق ونعمل ريأكت وكومنت لطيف كدعم ❤
#يتبع🤍✍️
أنت تقرأ
مجنونتي انا
Humorادخلوا برجلكوا اللمين كده 😂وصلوا علي نبي وانشاء الله روايه تعجبكوا ومستنيه تفاعل وفي في كل بارت علامه نجمه تحت كده دوسوا عليها والله مش بتعض 😂
