مجنونتي انا

بارت عاشر

#مجنونتى_انا البارت العاشر ✨

فريد: دى الحقيقة اللى فضلت مخبيها بقالى اكتر من ٢٥ سنة ان الاوان تبان ونحط النقط ع الحروف

حسام:  يعنى ايه اللى بتقوله ده يا بابا يعنى حبيبة مش اختنا

فريد:  لا اختكم

كمال:  الله هو فيه ايه يا عم فريد ما تفهمنا الحكاية بدل ما انت عمال تلعب ع اعصابنا بالشكل ده

فريد: امكم كانت من الصعيد وجدكم البدرى كان عاوز يجوزها لاشرف ابن عمها بس هى كانت بتحب مجدى اللى شغال عندهم فى الارض قرروا يهربوا ويتجوزا بعيد وفعلا ده حصل بس البدرى عرف مكانهم واخد القرار انه يقتلهم الاثنين بس قلبه مش طاوعه يقتل بنته البكرية والوحيدة فقتل مجدى ورجع بنته معاه ع البلد لكنها كانت حامل فى الاسبوع الاول ليها وانا كان ابويا الله يرحمه صاحب البدرى الروح بالروح عرض عليه ان اتجوز زينب وفى المقابل جابلى الشقة دى وكتبها باسمى وادانى فلوس كتير وطلب منى ان الطفل اللى يتولد اسجله باسمى وده فعلا اللى حصل لما اتولدت حبيبة سجلتها باسمها وحبيت زينب اوى وخلفتكم بعد حبيبة ب ٣ سنين والسر ده محدش كان يعرف بيه الا انا وابويا وجدكم هى دى كل الحكاية

كانت الصدمة اثرها كبير ع كل الموجودين الا حبيبة اللى قالت:  انا بقا مصدقاك وكنت واثقة من جوايا انك انت لا يمكن تكون ابويا مفيش اب بيكره بنته وبيعاملها بقسوة كده الا اذا كان ربنا نازع من قلبه الرحمة وبما انك فتحت عيونى ع الحقيقة فمن النهاردة مليش عيش معاك يا.. يا جوز امى🥺

بتنزل حبيبة جرى ع السلم والكل متكتف بس بيفوقوا ع صوت صرخة هالة:  انتم واقفين مستنيين ايه روحوا وراها بسرعة لا يجرلها حاجة ولا تعمل فى نفسها حاجة

بيطلع كمال وحسام وحلا وينزلوا جرى ورا حبيبة اما هالة بتبص لفريد بنظرة كلها لوم وتقوله:  انا كنت مفكرة ان الزمن والايام كفيلة تغيرك وانك هتفهم ان الفلوس عمرها ما تجلب السعادة والدفا اللى ممكن تحسه من قلوب الناس اللى حواليك وبتحبك بس صحيح قليل الاصل واللى عينه فارغة عمره ما يتغير 🤨

بتقول الكلام ده وتنزل تركب تاكسى وتمشى  .....  اما عند حبيبة اللى كمال بيلحقها ويمسكها وهى حرفيا منهارة من العياط

كمال:  تعالى هنا انتى رايحة فين فهمينى

حبيبة:  ارض الله واسعة يا كمال بس انا مش بقا ليا عيش مع الراجل ده لو اخر يوم فى عمرى 😭😭

كمال بيضمها ليه ويقولها:  اهدى عشان خاطرى انا جنبك ومش هسيبك ابدا بس لازم نهدى عشان نعرف نفكر🤗

حسام بيجى ويبعدها عن حضنه ويقول:  جرى ايه يا جحش انت كيس جوافة انا ولا ركبت قرون ادامك 🤨 الكلام ده بعد كتب الكتاب يا حبيبى ماشى 😡😂😂

كمال: 😂😂😂😂 طيب طيب يا عم حقك على دماغى من فوق

بيبصوا ولقوا كريم نازل جرى من العربية عليهم ونفسه مقطوع:  خير يا جماعة فى ايه 😳

حسام:  خد نفسك يسطا مالك كده

كريم:  حلا خوفتنى ع حبيبة ونزلت من الشركة مش شايف ادامى نازل من الدور ال ١٤ ع رجلى وواخدها جرى لحد الجراچ

حبيبة:  متحرمش منك يا كيمو بس متقلقش انا كويسة المهم انى مش عاوزة ارجع البيت ده تانى

حلا:  ما انتى لو مرجعتيش انا وحسام كمان مش هنرجع هنفضل معاكى

حبيبة:  لا طبعا مينفعش ده ابوكم وانتم مسؤلين منه مهما كان ولازم تفضلوا معاه

حلا:  بس احنا مش شوفنا منه الحنية اد ما شوفناها منك بالرغم من انك سنك صغير بس عوضتينا عن ماما الله يرحمها كتير

كريم:  والنبى يا جماعة وقفوا جو الدراما ده بقا مش ناقصين حزن واذا كانت دى رغبتها مش تغصبوا عليها وع كل حال انا ليا شقة هنا فى اخر الشارع فيها العفش كامل ومقفولة ع الفاضى محدش بيجيلها تعالوا اقعدوا فيها براحتكم لحد ما تدبروا اموركم

حبيبة:  متحرمش منك يا كريم حقيقى انا تعباك معايا

كريم:  عدى الجمايل يسطا😂😂 بلاش كأبة بقا 😂

حسام:  طيب روحوا انتم وانا هرجع اجيب شنط الهدوم واجيلكم ع طول

كمال:  اشطا بس متتأخرش

حسام:  هوا يا زميلى😂😂

بيرجع حسام ع البيت وبيلاقى باب الشقة مفتوح فبيدخل ع اوضته واوضة اخواته لم الهدوم فى الشنط وهو خارج لقى....................

#يتبع🤍✍️