#مجنونتى_انا البارت الحادى عشر✨
بيطلع حسام من الاوضة لكن بيتفاجئ بحاجة بتخلى الشنط تقع منه وهو واقف مش فاهم حاجة لحد ما بيقرب من ابوه اللى مرمى بالارض
حسام: بابا قوم بابا فتح عيونك ارجوك بلاش الشغل ده
لكن مفيش اجابة من فريد بيجيب برفان يشممه ويرش عليه مياه لكن مفيش فايده مش بيفوق بيمسك فونه ويرن ع حبيبة
حسام: الو حبيبة الحقينى بسرعة
حبيبة بخضة: فى ايه يا حسام مال صوتك فى ايه
كمال: افتحى الاسبيكر عشان نسمع
حسام بيحكيلهم اللى حصل ..... حبيبة بزعيق: مستنى ايه اتصل ع الاسعاف بسرعة واحنا خمس دقايق هنكون ادامك
وفعلا كلهم بيوصلوا فى الوقت اللى الاسعاف فيه بيجى ياخد فريد وبعد الاجراءات اللازمة بيخرج الدكتور من غرفة العناية اللى فيها فريد
حسام: خير يا دكتور طمنى بالله عليك
الدكتور: متقلقوش يا جماعة دى كانت ازمة قلبية حادة والحمدلله عدت ع خير بس مين حبيبة
حبيبة: انا يا دكتور
الدكتور: طول ما احنا بنعمله الاسعافات مفيش ع لسانه الا اسمك وحملنى امانة لو كنتى برة ادخلك ليه فياريت تلبسى اللبس الخاص وتتعقمى قبل ما تدخليله
حبيبة بتوافق وبتدخله وتقول: الف سلامة عليك يا عمو فريد ان شاء الله هتقوم وتبقى كويس🥺
فريد: انا مش عمو يا حبيبة انا ابوكى اللى رباكى اه منكرش انى كنت قاسى عليكى اوى بس.... كح كح
حبيبة: ارجوك مش تتكلم الكلام هيتعبك ارتاح بس وخف بسرعة وانا هسمعك
فريد: يا بنتى العمر مبقاش فيه اد اللى راح وحاسس انى هقابل وجه ربى كريم قريب عشان كده انا كتبت الشقة باسمك انتى واخواتك وفيه فى البنك مبلغ ب ٢ مليون جنيه عاوزك تسحبيهم وترجعيهم لكريم الحديدى دول حقه واطلبى منه يسامحنى وانتى كمان سامحينى يا بنتى والنبى🥺
حبيبة: والنبى يا بابا متقولش كده الدكتور طمنا عليك انت هتقوم وهتبقى كويس ان شاء الله وانت اللى هترجع الفلوس لكريم بنفسك صدقنى
فريد: يعنى انتى مسمحانى
حبيبة: طبعا مسمحاك يا حبيبى انا مش شوفت ابويا ولا حتى اعرفه بس شوفتك انت وحبيتك وربنا وحده عالم انى حبيتك اوى بجد
بتبوس ايده ودماغه وهو يبوس دماغها وبعدين الدكتور يجى يخرجها
حلا: حبيبة بابا كويس 🥺
حبيبة وهى بتضمها: متقلقيش يا قلبى بابا هيقوم ويبقى زى الحصان ان شاء الله
كمال: طيب وجودكم هنا ملوش اى لازمة يالا بينا نروح وبكرة من بدرى نبقا نيجى
حبيبة: ايوة بس احنا هنروح ع بيتنا
كريم: ده اخر كلام يا اخرة صبرى🤦
حبيبة: امممممممممم
بيخرجوا الاربعة ويروحوا وتانى يوم الصبح بيجوا فى ميعاد الزيارة
الدكتور: الحمدلله يا جماعة الحاج فريد تجاوز الازمة كليا وهيخرج معاكم النهاردة
حبيبة: تسلم يا احلى دكترة بالكون😂😂😂
الدكتور بضحك: ولو ده واجبى
بيدخل الكل ع غرفة فريد اللى بيكون قاعد مستنيهم فبيجروا عليه التلاتة: باباااااااااااااا
فريد بضحك بيضمهم ....... كمال: حمدالله على سلامتك يا عمى
فريد: الله يسلمك يا ابنى متشكر
كريم: ايه بقا يا ابو الشباب والرياضة كده تخوفنا عليك
فريد: ايه ده انت هنا يا كريم سامحنى يا ابنى انا.........
كريم مقاطع: متكملش يا حاج انا متفهم كل حاجة واللى فات مات خلاص خلينا نبدأ صفحة جديدة بقا
كمال: كريم عنده حق وبالمناسبة خلينا نضمك للعصابة بقا
فريد: عصابة عصابة ايه😳😳
حبيبة: عصابتنا احنا عصابة الانيمى😂😂
ضحك من الجميع ع حبيبة وطفولتها وبيطلع فريد وبيرجع ع بيته وفعلا بيتغير كتير وبعد اسبوع بيتحدد كتب كتاب كمال وحبيبة
المأذون: بارك الله لكما وبارك عليكما وجمع بينكم فى خير وبالرفاء والبنين ان شاء الله
كمال بيحضن حبيبة ويقولها: واخيرا بقيتى حلالى يا بنت الايه
حبيبة: مبارك علينا يا بعلولتى بس انا بقا ليا شروط 🙊
كمال: شروط ايه دى بقا ان شاء الله 🤔
حبيبة: ................. ................... ................
البارت الجاى هنعرف شروط المجنونة نصلى ع النبى واللى صلى عليه يعمل ريأكت وكومنت لطيف بقا عشان اكمل❤
#يتبع✍️🤍
أنت تقرأ
مجنونتي انا
Humorادخلوا برجلكوا اللمين كده 😂وصلوا علي نبي وانشاء الله روايه تعجبكوا ومستنيه تفاعل وفي في كل بارت علامه نجمه تحت كده دوسوا عليها والله مش بتعض 😂
