مجنونتي انا

بارت تالت

#مجنونتى_انا البارت التالت ✨

هالة:  بص بقا يا حبيبى علاء ناوى يشترى برج بس متشطب عشان نروح ونيجى عليه وعاوزك تشوفلنا سمسار كويس من معارفك عشان ميضحكش علينا وكمان عشان تتجوز بقا وافرح بيك

كمال:  يوووووه تانى يا هالة هتفتحى الموضوع ده تانى

هالة:  تانى وتالت وعاشر يا ابنى اللى بسنك ولادهم بيقولولك يا اونكل وانت مصمم تكون لوحدك ليه عاوزة افهم

كمال:  لسه ملقتش بنت الحلال

هالة:  يعنى عاوز تقنعنى ان مفيش ولا واحدة بنت حلال مليت عينك لحد دلوقتى

فى اللحظة دى بيجى ع بال كمال حبيبة وجنانها وضحكتها وشعرها اللى كانت نسمات الهوا بطيره فبيضحك ويبص لهالة ويبوس راسها ويقولها:  اللى عاوزه ربنا هو اللى هيكون 😉

يعدى الليل ويحل النهار وتقوم حبيبة تلبس عشان تنزل ع شغلها وبتخرج تلاقى حلا وحسام بوشها

حبيبة:  سلاما قول من رب رحيم انتم واقفين عمالين زى ناكر ونكير كده ليه

حلا بطفوليه:  بصى بقا يا بوص هناك مشكله كبيره للغاية تستدعى عقد اجتماع طارئ

حبيبة:  اذا لنرفع حالة الطوارئ القصوة اشبك يا فتاه

حلا:  الاخ حسام اخد منى امبارح ١٠٠ جنيه سلف والمفروض انها بتاعت الكتب ولحد الان مش عاوز يعطيها ليا مع انه حالف ليا انه هيديها ليا النهارده

حبيبة بنظره حاده لحسام:  ما الذى دفعك لاخذ هذا المبلغ من اختك يا فتى

حسام:  كنت رايح اقابل فريدة ومكنش معايا الا خمسين جنيه بس عشان كده اخدتهم منها

بتقوم حبيبه تقف وهى بتقول:  قرار رقم ١٠١ الصادر من رئيسة عصابة الانيمى على المدعى عليه حسام فريد عز الدين بدفع هذا المبلغ لاخته حبيبه اخر الاسبوع رفعت القعده

بتطلع ١٠٠ جنيه تديها لحلا وتنزل جرى  ......  بتقف حبيبه تستنى تاكسى فبتيجى عربية سودا ضخمة تقف ادامها وينزل منها بودى جاردات تركبها فيها بالعافية

عند كمال اللى بينزل ويوصل ع البازار بيكون رمزى قاعد مستنيه

رمزى:  يسطا انا لاقيت الكاميرا دى هنا وع الاغلب بتاعت حد من السياح اللى كانوا هنا امبارح

كمال بيمسك الكاميرا ويركز فيها وبعدين يقول:  دى بتاعت حبيبة اسمع خمس دقايق هرجعها ليها واجى خلى بالك ع اما اجى

عند حبيبه اللى بياخدوها ع مكان مظلم وشبه مقطوع وكانت عيونها عليها قماش وحاطين بلاستر ع بوقها

فلاش باك فى العربية...... حبيبة: عااااااااا من انتم يا بوبيهات ولماذا تفعلون بى كل هذا يا خلفاء ابو جهل

بودى جارد: اخرسى خالص والا هقطع لسانك

حبيبة: تقطع لسان مين يا ابا جهل استهدى بالله

بودى جارد اخر: يا عم حط حاجة ع بوق البت دى لحد ما نوصل انا دماغى صدعت بسببها

قبل ما حبيبة تتكلم بيكون حاطط البلاستر ع بوقها

بااااااااااك  .......... شاب بالتلاتينات قاعد ع كرسى بيطلب من الجاردات يشيلوا اللى ع عنيها وبوقها واول ما حبيبة تيجى عيونها عليه تتصدم و.................

#يتبع