#نوران_جمال
#رواية_مملكة_بولاريس
__الفصل الثالث عشر "بداية الرحلة"_____
بدأوا جميعاً الإستعداد للنوم ..
في الجنوب بعدما اغلق الخاتم
يحيي بهدوء وهو يذهب بإتجاه السرير:يالا لازم ننام عشان هنصحي بدري..
نور بإبتسامة: ممكن طلب..
فنظر لها بإستغراب
نور بإبتسامة هادئة: طلب صغير..
يحيي بهدوء وقد فهم ما تقصده:هنام انا علي الاريكة تقدري تنامي علي السرير ..
نور بإستغراب: عرفت منين اني هطلب منك كده..
يحيي بإبتسامة هادئة وهو يشاور اليها:انا فاهمك كويس جداً بس انتي اللي مش فاهماني..ثم استلقي علي الاريكة بينما هي استلقت علي السرير
نور بنداء:يحيي..
يحيي بهدوء:اممم..
نور بهدوء:تفتكر الرحلة هتعدي علي الخير ..
يحيي بهدوء:ممكن هنحاول نعديها علي خير..
نور بهدوء وقلق: انا خايفه عليهم خايفه نفشل ومنعرفش نرجع عالمنا خايفه يحصل لسيليا ويارا مشكلة ويتئذوا ..
يحيي بهدوء: متقلقيش مش تخلي الخوف يتملكك وبس فكري في الحلو وسيبي الوحش ..ثم بإبتسامة: انتي معاكي فارس الظلام ومش من حقك انك تخافي..
لتبتسم هي بهدوء
نور بهدوء وابتسامة: تصبح علي خير يا يحيي..
يحيي بإبتسامة هادئة : وانتي بخير يا نور...
ليناما هما الاثنان وعقلهما يفكر فيما سيحدث غداً وما سيقابلهما .
في الشمال
جلست سيليا وجلس امامها فارس
سيليا بهدوء:هنعمل ايه دلوقتي..
فارس بهدوء:هنام عشان بُكره نبقي مستعدين..
لتستلقي هي علي الاريكة الكبيرة فهي تشبه السرير بينما هو استلقي علي سريره
سيليا بهدوء:احنا اكيد هنروح الغابة..
فارس بهدوء:ايوه اكيد ..
سيليا بتنهيده وتفكير:بس لو منجحناش هفضل هنا انا ونور ويارا..
فارس بهدوء:اه..ثم في داخله:مش هنقدر نعيش اصلاً لو فشلنا..
سيليا بقلق:بس انا قلقانه وخايفه..
فارس بهدوء:متقلقيش طول ما انا معاكي وانا هحاول مبعدش عنك متقلقيش انتي مش هتبقي لوحدك ..
لتبتسم هي بهدوء فهي كانت بحاجة الي تلك الجملة ثم نامت بينما هو في داخله:كان مهمتي حماية شعبي ودلوقتي بقيتي انتي جزء لازم احميه مش عارف ليه حاسس بالمسؤلية اتجاهك..ثم تنهد بهدوء ونام..
عند تميم ويارا في الغرب
استلقت يارا علي الاريكة بإرهاق بينما استلقي تميم علي الاريكة الاُخري امامها
يارا بإرهاق:تعبت اوي النهارده ..
تميم بإبتسامة : بس المهم انك نجحتي..
يارا بإبتسامة : عندك حق..ثم بتساؤل:انت تعرف مين مع سيليا ونور...
تميم بهدوء:يحيي صديقي مع نور وفارس الامير مع سيليا..
يارا بتفكير:تفتكر هيبقوا كويسين..
تميم بإستغراب: انتي خايفه عليهم ومش خايفه علي نفسك..
يارا بإبتسامة: هما اخواتي ولازم اخاف عليهم لان هما كمان هيخافوا عليا ..ثم نظرت له وابتسمت:هي ديه الصداقة يا تميم نبقي حاسين ببعض وبنخاف علي بعض..
تميم بهدوء:يارا..
يارا بهدوء:نعم..
تميم بإبتسامه وهو يضع زراعه علي عينه حتي يمنع الضوء وينام:تعرفي انك طيبة اوي..
لتبتسم هي بهدوء ويذهبا هما الاثنان في النوم وكالعادة تلك العيون الحمراء تراقبهم من بعيد ليبتسم ذلك المخلوق لتظهر اسنانه الحاده من وسط الظلام ثم يختفي..
أنت تقرأ
رواية فارس الظلام ( مملكة بولاريس ) بقلم نوران جمال
Viễn tưởngفنظرت هي بعمق الي جرحها والدماء المتدفقه منها لتأتي في بالها صور لغابة مظلمة لا يوجد بها اي ضوء فقط الظلام هو كل ما يحيط بها ولكن الشئ الوحيد الذي تستطيع رؤيته هو الدماء علي الارض واصوات غريبه مخيفه حولها لتبدأ يدها بالاهتزاز ويهتز جسدها كله وهي ما...
