__الفصل الخامس "اللعنة وضوء الخاتم"___
استيقظت سيليا بخوف وهي تظن انها قد ماتت وان فارس قد قتلها لتنظر حولها ولا تجده
سيليا بخوف: انا فين ومين ده وعايز يقتلني ليه ..وفي تلك اللحظة يدخل فارس الغرفة فيجدها قد استيقظت ليذهب لها ويجلس امامها
فارس بتساؤل: الخاتم اللي في ايدك جبتيه من فين ..
سيليا بخوف:معرفش انا لقيته في بيت نور..
فارس بتساؤل:مين نور..
سيليا بهدوء:نور صديقتي كمان هي كانت معايا فوق الجبل ..
فارس بهدوء:يعني انتي مش عارفه ايه معني الخاتم ده والكلام اللي مكتوب عليه ..
فهزت سيليا رأسها بمعني لا
فأمسك فارس يدها بسرعة شديدة جعلتها تغفل للحظه
وحاول ان يُخرج الخاتم من يدها لان بتلك الطريقه يمكنه التحقق من ما يفكر به فإذا خرج الخاتم من اصبعها فهكذا يكون تفكيره خاطئ وان الخاتم ليس له شأن بتلك اللعنة التي حلت علي المملكة ولكن اذا لم يخرج واخرج ضوء شديد فهذا يعني ان ذلك الخاتم بالفعل من صنع تلك الساحره وان عليهم تحقيق النبوئه قبل هلاك الجميع وللاسف في تلك اللحظه اخرج الخاتم ضوء شديد ليبتعد فارس عنها بينما هي اغمضت عيناها بشده من شدة الضوء وبعد لحظات اختفي الضوء
بقلم نوران جمال..
لتفتح عيناها ببطئ .
سيليا بإستغراب: ايه الضوء ده ..ثم نظرت امامها لتجد فارس ينظر اليها نظرات هي لم تفهمها هل هذه النظرات توحي بالقلق او بشئ اخر .
فارس بهمس وهو يحدث نفسه :مش معقول مش معقول بعد كل السنين ديه تكون فعلاً النبوئه حقيقة ازاي ..ثم اخذ يسير ذهاباً واياباً في الغرفة وعيناه توحي بالضياع فهكذا عليه التحرك بسرعه لكي يمنع تلك النبوئة من ان تحدث ولكن كيف يمنعها ..وهنا نظر لتلك الجالسه امامه وتنظر له باستغراب
فارس بهدوء: انتي فعلاً مش بتكذبي وانتي جايه من عالم غريب ..
سيليا بإبتسامة : واخيراً صدقتني ..
فارس بهدوء:لازم تساعديني ..
فنظرت هي له بجهل
فارس بهدوء:احكيلي بالظبط انتي جيتي هنا ازاي وشوفتي الخاتم بردو ازاي ..
لتنظر هي له بإستغراب ولكنها بدأت بالسرد له فمن طريقة كلامه استطاعت ان تفهم بأن مشكلة كبيرة قد حدثت ..
وبعد مرور بعض الوقت كانت سيليا قد انتهت من السرد
فوجدت فارس يزفر بضيق
سيليا بإستغراب: في ايه..
فارس بضيق:الكتاب كان في القصر هنا وبعد كده اتسرق واكيد اللي سرقه فارس الظلام وفي الاخر يبقي مكانه في عالم مختلف تماماً...
ثم وقف فجأه
بقلم نوران جمال
فارس بإبتسامه: بس المخطوطة هنا ..ثم ذهب ليجلبها
سيليا بهدوء:طيب فهمني في ايه..
فارس بهدوء:الاقي المخطوطة الاول بعد كده هفهمك بس اهم حاجه متعمليش صوت ومتخرجيش من الغرفة مش ينفع حد يشوفك فاهمه..ثم بهمس :مينفعش حد يعرف ان النبوئه هتتحقق ..
سيليا بإستغراب: نبوئه..
فارس بهدوء: هقولك بعدين..ثم خرج من الغرفة بينما هي جلست علي الاريكة وهي تفكر هل هي السبب في ما يحدث فهي التي اصرت علي الذهاب الي ذلك الجبل .
اما عند يحيي ونور
كانت نور نائم ولا تشعر بشئ حولها بينما يحيي ينظر لها بغيظ شديد
يحيي بغيظ:نايمه في سابع نومه وبراحتها وازاي اصلاً تنام كده وهي من شويه كانت هتموت ..ثم بتفكير : يا تري انتي فعلاً مش من عالمنا وبتقولي الحقيقة ولا بتكذبي ..وفي وسط تفكيره فجأه تنقلب نور وتقع من علي السرير
نور بألم:اه هو انا كل شويه اقع ..فنظرت امامها فوجدت يحيي يضحك بشدة
يحيي بضحك:احسن تستاهلي ..
فنظرت هي له بغيظ ولكن فجأه اغمض الاثنان عينيهما بسبب الضوء الشديد الذي خرج من الخاتم وبعد لحظات انخفض الضوء ليختفي تماماً ففتح الاثنان عينيهما ونظرا الي بعضهما
نور بإستغراب: ازاي الخاتم اخرج الضوء ده..
يحيي بإستغراب: انتي قولتي لقيتي الخاتم ده فين..
نور بهدوء:في بيتي في العالم بتاعي العالم المختلف عن هنا تماماً..
يحيي بهدوء:خلاص خلاص مش لازم توضحي اوي انا فهمت ..ثم اقترب منها
يحيي بهدوء:اقفي واقعدي علي الكرسي ..
ففعلت نور ما قاله يحيي
فأمسك يحيي يدها ليري الخاتم ولكنه ابعد يدها بسرعه عنه عندما رأي شكل الكلمات المكتوبه علي الخاتم ..
نور بفزع:ايه في ايه..
فوضع يحيي يده علي رأسه
يحيي بصدمة :ازاي ازاي الاسطورة حقيقة ..ثم نظر لها
واكمل:كده انتي مبتكذبيش بس ازاي ..ثم وقف بسرعه وذهب الي مكتبته في الغرفة وظل يبحث بها جيداً ويُلقي بعض الكتب علي الارض ليبحث خلفها وهو لا يشعر ولا يسمع كلام نور وتساؤلاتها فقط ما يدور في باله كيف تكون الاسطوره حقيقه وكيف يمكنهم تحقيق النبوئه التي نساها الجميع ولا احد اصبح يتذكرها فهكذا اذا لم يسرعوا ..وعند تلك النقطة توقف يحيي عن الحركة
يحيي بحدة :مينفعش مينفعش ..ثم بحدة قام بإلقاء كل شئ في المكتبه علي الارض بغضب وجلس علي الارض بعدما قام بوضع يده علي وجهه وهو يتذكر ماذا قد حدث له في الماضي يتذكر صراخ الجميع يتذكر مشهد النيران يتذكر هروب الاطفال وهم يحاولون النجاه يتذكر صورة تلك الساحره المتسببه فما حدث تلك الساحره الملعونة التي القت اللعنة واحرقت المملكة فهي السبب في ضعف المملكة بعدما قامت بإحراقها كلها ظل يتذكر كل شئ ولم يفصله عن التذكر غير نور التي وضعت يدها علي كتفه .
نور بقلق واستغراب:يحيي انت كويس في ايه وايه حكاية الخاتم..
يحيي بهدوء: هتعرفي بس بعدين لازم دلوقتي الاقي الكتاب اللي فيه المخطوطة ..
نور بإستغراب : ايه هو الكتاب وايه هي المخطوطة قولي اساعدك ..
يحيي بهدوء: كتاب عليه صور لورد اسود ..
فتذكرت نور الكتاب المتسبب في مجيئها
نور بهدوء: قصدك كتاب في ورد اسود وثلاثه فتيات وجبل وشفق..
فأومأ لها يحيي بمعني نعم .
يحيي بإستغراب: ازاي عرفتي ..
نور بهدوء: مش هتلاقي الكتاب هنا الكتاب ده كان موجود في ايسلاندا ده الكتاب اللي بسببه طلعنا الجبل وبسببه بقيت انا واصحابي هنا ..ثم بسخرية :ده لو فعلاً هما كمان اتنقلوا ومش حصلهم حاجه..
يحيي بلهفة :طيب كان فيه مخطوطة..
نور بهدوء: لا ..
يحيي بهدوء: يبقي نبحث عن المخطوطة ...وبالفعل بدئا في البحث عنها .
عند تميم ويارا
يارا بإستغراب بعدما توقف الخاتم عن اخراج الضوء:ايه الضوء ده..
تميم بهدوء: هتلاقي الضوء ده كتير بس المفروض نعرف نتواصل معاهم ..
يارا بإستغراب: قصدك ايه..
تميم بهدوء:الخاتم ده اداة وصول بتتواصلي انتي وصديقاتك عن طريقه بتسمعوا صوت بعض وده اللي هيخلينا بنتابع بعض واحنا بنبحث عن الورد الاسود عشان نمنع اللي هيحصل..
يارا بتساؤل:ايه اللي هيحصل..
تميم بهدوء:هتعرفي بعدين وانا بكلمهم ..
يارا بقلق:طيب انا عايزه اطمن عليهم..
تميم بإبتسامه هادئه: متقلقيش هما بخير ..
يارا بإبتسامه: بجد عرفت منين..
تميم بهدوء:مش انتي قابلتيني وانا الوحيد اللي قابلتيه..
فأومأت يارا له
بقلم نوران جمال
تميم بهدوء:هما بردو هيقابلوا اصحابي زي ما الاسطورة والنبوئه بتقول ..
يارا بإستغراب: مش فاهمه حاجه..
تميم بتساؤل:جعانه ولا لا..
يارا بهدوء:الصراحه اه ..
تميم بإبتسامه هادئه: هتلاقي اكل في المطبخ ..روحي كلي واول ما الخاتم يخرج ضوء او صوت قوليلي علي طول ..
فأومأت يارا له ثم ذهبت الي المطبخ لتأكل ..
يارا وهي تحدث نفسها:ايه المكان الغريب ده ياريت فعلاً تكونوا بخير ..ثم لفت انتباهها غموض تميم فهو لا يريد ان يقول لها ما هي تلك النبوئه والاسطورة وما سبب مجيئهم الي هنا ..
بينما في الخارج وقف تميم ونظر من النافذة التي كانت تطل علي الغابة الغربية.
تميم بهدوء: الرحلة قربت تبدأ ولازم ننهيها بسرعه قبل ما اللعنة تحصل تاني ودلوقتي لازم ابحث عن مخطوتتي .. ثم ذهب ليبحث عن مخطوتته فهو كان يعلم بأن الاسطورة حقيقية لذلك كان يضع دائماً المخطوطة في منزله عند الغابة الغربية ..
#رواية_مملكة_بولاريس...🥀
#نوران_جمال..🥀
🥀🥀
أنت تقرأ
رواية فارس الظلام ( مملكة بولاريس ) بقلم نوران جمال
Fantasiفنظرت هي بعمق الي جرحها والدماء المتدفقه منها لتأتي في بالها صور لغابة مظلمة لا يوجد بها اي ضوء فقط الظلام هو كل ما يحيط بها ولكن الشئ الوحيد الذي تستطيع رؤيته هو الدماء علي الارض واصوات غريبه مخيفه حولها لتبدأ يدها بالاهتزاز ويهتز جسدها كله وهي ما...
