خطايا الماضي

البارت الثاني

#البارت الثاني
#خطايا الماضي
# فينوز
قرائه ممتعه

  ❦ ═════════•⊰❂⊱•═════════ ❦

تباطئة خطواتنه وعيونه ليوره تباوع عالسياره كاللوله طفي الاضويه غبي انته طفاها ونزل كال اوصلكم
محد ركب وياها غير الثلاث عجايز ومشت سيارت رجعنا لمشينا

نمشي وراه الي يمشون كدامنه منعرف وين نشوف الهاونات بالسما والعتاد القصف اشتد الطريق ظلمه مبيه اي ضوا اذا نشغله راح يلفت انتباهم

ويقصفون اتجاهنا الجو شتا بنص الواحد السما تمطر مطر خفيف مثل الندى الطريق كله طين  البرد يكرص باجسامنا تدمرت رجلينه طين

بالكوه امشي اسنوي واحد يطك بالثاني من البرد بقينه نمشي الاطفال نصهم امهاتهم شالتهم ع ظهرهم ويمشون صوت القصف يقل تدريجياً

وصلنا منطقه بيوته متفرقه كدامنه ثلاث بيوت اول بيت محد ساكن بيه بابه بس مردود رد فتحوا ودخلنا
فاتوا النسوان باوعت يمنى يسرى اشوف علي وين اختفى شفت البيت البصفنه مسافه قليله بينه دخلو الزلم بيه ارتاحيت وأمنت

دخلت البيت اظلم لزمة ايدينهن حتى منضيع بوسط هالهوسه والظلمه البيت انملى نسوان

كعدنا بنفس الغرفه الصغيره لان قليل بيه اني ونورس بالزاويه وحده خاتله بحظن الثانيه ندفه بحظن بعض البيت يثلج

والكاع عباره عن قالب ثلج وكاعده عليه وهو  مامفروش ومتربن اسحب نفس وازفره بيدي  ادفيه
ونفس الشي البرد نفسه يضرب ع العظام جواريبي صايره طين نزعتهن خليتهن ورايه

مصدكنه وصلنه وابتعدنا عن القصف ارتجيت على كتف نورس غفيت شويه  وفزيت على سؤاله

؛ اكلج لعد علي وينه .

؛ بالبيت بالبصفنه .

؛اي خوش .

انفتح الباب وصوت مره جبيره خشن بس حاد يوحي انه عجوز اطتنه بطلين مي وبطانيات وحده تمرر للثانيه

كالت؛دبرن نفسجن بذنه ماعدنه بعد اخاف تحتاجون شي تعالوا دكوا الباب بأي وقت

نمنا سوا ببطانيه وحده جبيره اتسعتنه البنات خلوني اني يم الحايط امي نامت بغرفه ثانيه .

مطيه ضهري للحايط بصفي نورس مطيتني وجه لزمت ايدي وحده تدفي بيد الثانيه الساعه يمكن طخت ال١٠  اني نمت محسيت على روحي

فزيت على صوت شخير تشخر بعمق خششششش ووو خخششش ووو صوت شخيره عالي عبالك روحه تطلع من جسمه

فتحت عيوني لكيت عيون مخيفه كدامي بسم الله جفلت بس طلعت نورس الحمدلله

؛اسم الله شبيج والله حسباليج جني

؛هههه نصي صوتج فضحتينه تنهدت بحزن والله شايله همه هسه شصاير بحاله

؛ انتي يمنه ما عليج هسه يمكن شايله همج بس مو اهواي لان انتي يمنه وهي تعرفنه وتامن بينه لو لا جان
مقبلت تجين لبيتنه بقة صافنه ومعبسه