خطايا الماضي

البارت الثالث

هلاو حبايبي

مساء النور

ان شاء الله تكونون بخير

ححاول بهذا البارت اسرد كلشي صار ويه دجله بذاك الوقت صح طولت بالسالفه بس حختصر الاحدتث الي ماله علاقه بقصتنه وتبدي ان شاء الله بالبارت الجاي واحداثه الي صارت وياها الي جانت تخجل تكوله وتسرده بس هذا جان من الماضي

اصبروا عليه والاحداث المهمه الي هي محور قصتنه حتبلش ان شاء الله بالبارتات الجايه

حركز بهاي القصه فقط ع الي يصير ويه دجله بالنسبه للي قروه من قبل وعرفوا نهايته احداث الي كالتله الي صراحه اني نفسي مصدومه

وحسيت روحي تسرعت ونزلته قبل، تعرفون بالبدايه الشخص يكون مثل الخجول ان يقول كل قصته وهي كذلك

المهم خبايب الزبده صبروا عليه حتى ابدي بالاحداث الي هي غيرت دجله وقرائه ممتعه

#خطايا الماضي
# البارت الثالث
#فينوز

      ❦ ════════•⊰❂⊱•════════ ❦

يقول عريان السيد خلف
العراقيين يرضعون الحزن مع الحليب 

مرات ترسم حلم حلو وملون بمخيلتك ويصدمك الواقع بتكسير هاي الاحلام مثل ما تكسير الزجاج شما حاولت تشيل لابد من ان تنجرح

ومرات يصدمك بحلم مر واسود مثل فلم ينعرض باحد شاشات السينما بجيل التسعينات

يصدمك الواقع باحلام بحداد دائم ماكو نهايه اله هيج واقعنه الي شما حاولنا ننكره ونغيره يبقه مثل ماهو

دخلت الصاله لكيت الكل بحاله حزن شديد والدموع تصب بعيونهم باوعت ع علي الدموع ماليه عيونه
وامي كاعده بالكاع وتلطم ع رجليه وتكول راح
..راح و تهز براسه

صحت بيهم بخوف شبيكم شصاير ...احجوا ليش ساكتين محد جاوبني ادموعي صارت تنزل وحده وره الثانيه قبل لا اعرف شنو السبب

رجعت سألتهم واني اشهك واستنجدهم يحجولي رفعت تالا ايديه من عيونه وجاوبتني وهي تبجي وتشهك 
دجلللهه اخذت نفس وكملت بااباا ماتتتت ،شنوو نهد حيلي وكعت ع حيلي افتح واسد بعيني ممصدكه الي سمعته

باوعت ع علي رفعتله حاجبي بمعنى صدكك هز راسه بأي دنكة راسي اختنكة الدموع بعيني ما اعرف شكول
بعد هو الفاكد ابوه شيحجي الاب سند مثل السقف والبيت من دون سقف مايسمى بيت

بقيت ابجي ودمعي مافاركني البارحه كال باجر اجي عليكم واخذكم واليوم ماتت يعني هسه اني يتيمه
شقسات هالكلمه ومن تعنيه وتقصده اليتم ماله حق والكل ياكله ويشربه ولا يحسب حسابه

وبعدني ممصدكه وكتلهم لا ممعقوله هذا جذب البارحه هو كال بالسانه راح يجي اليوم اكيد الي كللكم الخبر جذاب