خطايا الماضي

البارت الثامن 8

مساء النور على قلب كل قارئ اتمنى ان تستمتعون بقرائة البارت 😚❤

#خطايا الماضي
#البارت الثامن
#فينوز
❦ ═════════ •⊰❂⊱• ════════ ❦
مروه :اكو واحد ..اسمه علي ..امم باعي هو تكدرين تكولين صديق طفوله..امممم جنه نلعب سوا احنه اطفال المنطقه سوا ..وهو واحد
منهم ..ابتسمت بهستريا عينه تباوع ليفوك وترجع تباوع عليه

دجله :ايي وشنو يعني ..فهميني صفنت زفرت بفرح ابتسامته واصله لأذنه

ما وره هاي الابتسامه خير غردي مروه غردي قلقتيني مسويه شي صايرلج شي ..

؛لا سامح الله شبيج انتي خليني اكمل للاخير

؛اي كملي احد لازمج

؛سمعي للاخير صارلي كم مره من اطلع وعيونه متنشال عني .. كوه اخذ السالفه وافتهمه من حلكه مادري شبيه

تحجي روؤس اقلام ومتفهمني شنو الصاير مرات من الفرحه تتعثر الحجايه بداخلك وتحير شلون تحجيه وتفهمه للمقابيلك

شلون احجيه وافهمه عن لهفه الشوك والحب

؛ترا دوختيني والله لو تحجيلي لو لا مو تكوليلي عندي حجي احجيه الج وتسكتين واني الفضول يكتلني احجيه عاد

؛اووف منج دجله تبقين غبيه همين لا تلحين خليني احجيه براحتي اكيد من تضغطين عليه اتلبك وماعرف احجي

؛احجي خلصيني ....عمي احجي مو كتلتيني كتل

؛اي ااي باعي اني شاكه بمقدار تسعين بالميه يحبني وبعد ما ادري

؛وشنو يخليج تتاكدين هيج ..غير باوع عليه..و اذا باوع عليج قابل ينعمي ..راح اسكت اذا هيج الحجي ..

سكتت ورجعت حجت دجله النظره منه تحرك كلبي وماتخلي بيه شي مامتحركه

اااه يا دجله هي نظره وبيه الف سالفه وسالفه بيه سوالف اهواي ماتنحجي لِن مانكدر نحجيهن وماكو لغه توصف نظرات العشگ

وشحجيلج شحجيلج عن هالنظره تحجيلي وهي طايره بعالم ثاني صفنت عليه وجه طير مامجرب بيوم يطير وطار اليوم

تفاجئت من حجيه هاي منو نفسه.. مروه لاا لاا ابد هاي البنيه ولا اعرفه..

انتبهت عليه نزلت من السما الطايره بيه وهزت راسه بمعنى شكو كتله.. والله صافنه ع سوالفج وسوالف العشك

من ايمته تعرفين الحب وسوالفه ههههههه ضحكت ضحكه طويله كرصتني من ايدي ضحكتج يمعوده تدلي التايهه

كتله اخذي بالج وانتبهي مو كل واحد باوع يعني يحبج مو كل ولد يحب حب رجال يجوز يضحك عليج ماخذج تسليه اله

؛ لاا مستحيل اني اعرفه اكثر من روحي واعرف عائلته ما عدهم هيج شي

؛بكيفج اني نصحتج.. ايي وانتي ردتي تحجيلي شغله