خطايا الماضي

البارت الرابع

 
هلا حبايب اشلونكم عساكم بخير 😍
البااارت مليء بالاحداث ومختصر حتى نبدي بالحدث الرئيسي والمحور الاساسي للقصه نبلش ..

# البارت الرابع 
  #خطايا الماضي
  #فينوز

❦ ═════════ •⊰❂⊱• ════════ ❦

وتحجي ويه مرت عمي عز الدين ابتسام بصوت ناصي مكدرت افهم منه شي بس سمهن كلمة ناخذهن
بقة هالكلمه ترن باذاني ومراحت ابد من بالي شنو

تقضد بناخذهن رحت حجيت كلشي سمعته للبنات
هم هم بقوا صافنين معرفن شنو تقصد عمه ابتسام بس الكل يعرف انه مره ماديه كلش والفلوس فوك كلشي

وبعد تفكير كالت تالا يمكن يريدون يبعدونه وياخذونه من امنه وياهم علمود مصلحتهم

بس لا موجود علي مراح يسمحلهم بهالشي
مرت السبعه مال ابويه وخلصت باليوم الثامن جتي جوارينه وبنته علينه عزونه هم جانوا ببغداد وكالوا عدهم شغله هنا وجتي عليه

بنته مروه فد حبابه بشكل موطبيعي كعدت ويانن وحجينه وتونسنه ساعتين وراحوا

دخل علي وجان باين عليه الخوف والتوتر سالته اذا اكو شي بس كال لا ماكو شي لا تخافين

وجه حاير و عيونه بيهن حجي اهواي وهم يصفن اهواي ويشرد فكره من نكعد سوه وحالته هاي دا تزيد خوفي اكثر

وخصوصا هو ابد مشفناه خايف قبل ومن كال النه اني باجر التحاقي وحجه ويانه جنه اخر مره نحجي وياه
يحجي وينصح بينه ويكوللنه دربالجن ع نفسجن وع امي ابد لا تخافون من شي وويه امي ويه امي لا تثقون باحد

ابددد كلبي مرتاح من حجه هيج رأساً كتله علي والله بيك شي اكيد تعرف شي مغبي علينه !

؛لا والله مبيه شي مايصير اكعد احجي ويه اخواتي
بهالاثناء سمعنا صوت سياره قويه وكفت كداك بيتنه ودكت الباب بقوه فزينه من هالدكه

كامت امي فتحت الباب اني جنت ع الدرج اباوع من وره المحجل المسافه بعيده واكيد ممنتبهين

بس شفت شكلهم لابسين اسود وعمامه صغيره ملثم بلثام اسود ولابس اسود وشايل رشاشه بيد شكلهم يخوف

كمت من مكاني رحت لغرفتي من الشباك فتحت فتحه صغيره من البرده واباوع لجوه سيارتين لونهم اسود
مكتوب عليهم بلون ابيض" لا اله الا الله وجواها محمد رسول الله "

رجعت لمكاني ركض واني اسمع ماما تكله شتريدون تسون بيه وهز رد بصوت خشن خاله خمس دقايق ويرجع

صفنت عليه ماما بعيون مليانه دموع ع وشك ان تبجي وكالتله ليش متفوتون جوه تحجون الي تريدون منه
حرك رشاشته وكال خاله لا تصعبين الامر علينه

..كنالج خمس دقايق ويرجع مايطلع اكو طريقه اخرى نجيبه بيه

طلع علي امي لزمت ايد الداعشي ونزلت رجعت بالكاع  تترجاه وليدي عليك الله وحيدي ومالي غيره بنبرة حزن