خطايا الماضي

البارت الاول

  # البارت الاول
  #خطايا الماضي
  #فينوز
❦ ═════════ •⊰❂⊱• ════════ ❦

فتحت عيوني بثقل منعسه نايمه متاخر اريد ارجع انام الفراش دافي بس تذكرت عندي امتخان كيمياء اشلع ..

كمت بسرعه باوعت ع الساعه بال٧ ألا ربع كعت البنات فتت للحمام تالين واكفه يم الدرج  صاحتني كالتلي امي تصيحج ..

_امي من الصبح تصيحني مشيت خطوه ورجعت لا هاي تريد تدخل قبلي كتله بمكر لاا والله عود صدكتج فهمت لعبته تالا جتي طايره
تريد تدخل للحمام لزمته دمشي بابا اني قبلج
..لا والله

..وخري الحمام إلي

.. تباوعلي 😒ديله وين مكتوب اسمج عليه

بقينه نتعارك دخلت تالين ،تالين اضخم منه شويه ونوب هي بس مال عركات دخلت هي قبل ..
بقينا مثل الجهال واكفين كدام الحمام كتله اني الج كله من وراج تسويلي حركات بوجه تعيب عليه ، عطشانه بعدني مشاربه مي اروح اشرب اي اي تالين تتاخر بين
متغسل وتفرك سنونه وتتصفن ع المرايه وتسوي استعراض هسه اروح ركض واجي ركض ما اتأخر
ركض للمطبخ فتحت باب البراد ماكو كلاص المي وين خلوه فتحت باب الكاونتر طلعت كلاص بلا ما اغسله
ما احب اغسله دست الدكمه شربت مي كلاصين دا املي بالثالث اسمع الباب انفتح ويي🏃‍♀️

بس حرامات تالا دخلت هستوه تسد الباب شافتني كامت تسوي هيج😛 وحاطه ايديه الاثنين بجانب راسه 👐 وتكلي عناد وسدت الباب

عابت ولا يكول عمره ١٦ سنه كالت تالين كتله سكتي باله انتي الثانيه تسوي هيج ولا تبوك الحمام
رحت شربت الكلاص ورجعت دخلت الحمام غسلت وتوضيت ورحت للغرفه بدلت و مشطت شعري
سويته ذيل حصان لبست الطوك لبست الفوطه مديت المصلايه تذكرت المديره متقبل ذيل حصان إلا ظفيره
صليت وبنهايته دعيت "يارب يارحمن يارحيم يامسهل الأمور  سهلي امر وسهل الامتحان عليه" امين يارب العالمين

مسحت اديه بوجهي وكمت صفطت المصلايه تالا مقابيلي تحط مرطب شفه وتكولي منج من الشيطان ردت تالين اي مو اليوم عده كيمياء اكيد تصلي

_ديله يله ع الاقل اصلي مو مثلجن ظفرت شعري لبست جواريبي ميته خوف وتوتر من وره الكيميا وعبالك نهاية العالم مو امتحان

فززتني تالا ع صوته المتعجبه دجللله مغسله وجهج ؟
كتله اي وليش كالت شوكت بله مو بالوضوء كتله اي غسلته بالوضوء شبيه يعني

الله ياخذج اي والله صابونه وموجود تنقصين لت فد مره غسلتي وجهج بيه كومي كومي غسلي وجهج ليشوفج يكول مجديه مو طالبه والله هسه يكولون وصخين

وفُكر ماعدهم صابون مايعرفون  الصابون مكوم والخانم ماتغسل وجه رديتله اايي ايي شبيه اكلتيني هسه اغسله والناس معدهم بس وجهي يحجون بيه