خطايا الماضي

#أعلان

#فينوز|funoz
#خطايا الماضي ..
#اعلان ..

دقت الساعه ال١٢ صباحاً بتوقيت الأنبار ..

كاعده على الكرسي المهتز وهو يهتز ببطئ للامام وللخلف واني بالي بعالم ثاني بعالم مغلق، مزدحم بالافكار تاخذني روجة افكار وتجيبني روجه ثانيه مثل سمگه صغيره تايه بوسط محيط هائج.

كمت على حيلي امشي بخطوات ثقيله، ادردم بيني وبين نفسي كلام اني نفسي مكنت اتصور بيوم أگوله .افكاري صارت الشيطان بحد ذاته

ذبيت الشال الاسود الخانكني انفل شعري وصار الهوى يتلاعب بخصلاته لزك الثوب على جسمي وحدد تقاسيمه من شدة نسيمه

وقفت على عتبة الشباك واني اغتلس نظرات لتحت هذا الشيطان يوسوس بداخلي

؛اي سويه..شمري بنفسج ومعليج مشاكلج كله حتنتهي واوله العذاب

رديت بخوف..

؛بس شراح يكولون عني ..؟!

؛عاط بيه منو!!

؛الناسس

؛معليج بيهم شمري نفسج وبسس

درت وجهي اباوع على الغرفه بارده وكئيبه مغطي حياطينه الحزن صوت الساعه ينسمع تك ..تاك، تك ..تاك الهوى اله صوت والحزن اله لحن

الفة على ضوئهن غنيه خاصه بيه اخذت نفس بحصره مسحت دموعي درت وجهي وكلت بهمه

منو يستحق اعيش علموده الحياة ألي دائماً تكسرنه لو ناسه المثل العقارب بس تندار تلدغك

حطيت ايدي على كلبي دكاته متسارعه دكك .دكك..
المن تدك هاا هي هاي هم تسمه دنيا.؟!

يارب سامحني على الشي السويه ..
___________________________________

مثل موعدتكم بالليل انشر اعلان يكون مقتطف عن القصه بعد متعمقت بيه

اول اعلان حيكون مغوش او ممفهوم مثل هذا يمكن شويه ممفهوم و من انزل اول بارت وثاني بارت هم بس صدكوني من انزل ثالث بارت او حتى بالبارت الثاني حتفهمون كلشي

و تحبوه مثلي ☺️💗

اما هذا الفيديو هو للحن احسه يرهم ويه هذا الاعلان مدري ليش هو متربع بكلبي بحبوو💗😁
هو حرفيا عشقي للصراحه جنت اسمعه من قريت رواية ساعة بغداد وصرت ما اقراه من دونه +شنو رايكم بيه سامعيه قبل حبيتوه لو بس اني

انتظروا اول بارت اذا حبيتوا الاعلان لا تبخلون عليه بالنجمه وشاركوه ويه التحبون يقروه وياكم وهسه اودعم

التقيكم بالبارت الاول🌹