Salamlar Səmamın ulduzları:)
Yeni bölümə xoş gəldiniz
Əgər yazım səhvlərimi görsəniz qeyd etməkdən çəkinməyin.
İnstagram ünvanım @lockedssoul
Ümid varam yeni bölümü sevərsiniz
Xoş oxumalar:)
●●●
Hər şey o qədər möhtəşəm olmuşdu ki, özüm də heyrətə gəlirdim. Səmadakı ulduzlar bizim üçün yanıb sönürdü, musiqi bizim üçün çalırdı. O isə tam qarşımda qollarını mənə açmışdı. Ona doğru bir addım atdım. Qolları qırılacağımdan qorxarmış kimi zərif şəkildə belimdə yerini aldı. Məni yavaşca özünə çəkdi."Sonunda." Dedi zəif səsi ilə. "Sonunda oldu." Yanağımı öpdü. "Artıq heç kim bizi ayıra bilməz." Bir anda geriyə doğru düşdüm, lakin sərt yox yumşaq bir yerə düşmüşdüm. "Artıq bir bütün olacağıq." Qaranlıq olmasına baxmayaraq gözlərinin necə parladığını görürdüm, baxışlarında yer edinmiş ehtirası, sevgini hiss edirdim.
"Artıq bir bütün olacağıq." Deyə təkrar etdim. Dodaqları dodaqlarıma toxunduğu an qəlbim surətini artırdı. Dodaqlarımı aralayaraq ona imkan yaratdım məni öpə bilməsi üçün. Həyatım boyu qarşıma çıxan heç nə məni bu qədər xoşbəxt hiss etdirməmişdi. O an o qədər möhtəşəm idi ki...
Belimdəki qolları, birləşmiş dodaqlarımız, sürətlə atan qəlbim...
Hər şey möhtəşəm idi.
Mən yuxudan oyanana qədər...
Qurduğum saat çalmağa başlayanda yerimdə dik atıldım. Az qala yataqdan düşəcəkkən son anda özümü yığışdırıb ayağa qalxdım. Birdən birə oyanmağımın təsiri ilə otağa göz gəzdirdim. Hər şey gecə necə idisə indi də elə idi. Kimliksiz yox idi, belimi qucaqlayan qollar, məni öpən dodaqlar...
Hamısı yuxunun bir parçası idi.
Dərin bir nəfəs aldım.
Bu necə yuxu idi belə? Mən hislərimi cilovlamağa çalışarkən bu qədər irəli getmiş bir xəyal məni çətinə salmaq üçün bilərək mi göndərilmişdi? Bəs mən onun üzünə necə baxacaqdım? Mədəmdə hiss etdiyim bu qarışıqlıq bir yandan məni narahat etsə də bu qədər yaxşı hiss etdirməsi normal idi?
"Sadəcə yuxu idi. Unudulub gedəcək. Əlini üzünü yu və hazırlan." Öz özümə verdiyim əmrlə hamam otağına keçib soyuq su ilə yuyundum, gəlişigözəl hazırlandım və otaqdan çıxdım. Kimliksiz yemək süfrəsini çoxdan hazırlamış, hətta oturmuş yeməyini yeyirdi. Məni görəndə geniş gülümsəməsi dodaqlarında yerini aldı.
"Sabahın xeyir." Dedi.
"Sabahın xeyir." Zəif çıxan səsimlə ona baxmamağa çalışaraq özümə çay süzdüm və masa qarşısındakı yerimə oturdum
ŞİMDİ OKUDUĞUN
Kimliksizin Gündəliyi
AventuraFərqli dünyalarda yaşayan iki insanın hekayələrində bir-birini tapma hekayəsi. Sadəcə bir oyun olaraq başlayan macəra get-gedə fəlakətə çevrilirdi. Oyunun içindəki yalanlar və gerçəklər bir-birinə elə nüfuz edirdi ki, öz xəyallarında itmiş olan bir...