⟨ Unicode ⟩
𝗕𝗹𝘂𝗲 𝗕𝗹𝗼𝗼𝗱
အပိုင်း ၀၆
***************
" ကဲ ကြည့်ရအောင် ... ပါလာသေးလား ... ကျွန်တော်မှာတာတွေ "
အနောက်တိုင်းလှေတွေဆီက လှေကပ်တာနဲ့ ရင်းနှီးနေတဲ့ ဂျိုး ဆိုတဲ့လူကြီးဆီ ဆော့ဂျင်ပြေးသွားမိသည်။
" ပါလာပါ့ဗျာ ... ဒါပေမဲ့ ခင်ဗျား သတိတော့ထားရမယ် ... ဘာဖြစ်လို့လဲဆိုတော့ လူသိပ်မသုံးလို့လေ .. "
" ဟား ဟား .. မှာထားတာရရင် အဆင်ပြေပါပြီ ... "
" ဟုတ်ပြီကွ ... ဒီထဲမှာရှာကြည့် ... ကျုပ်တို့ပြည်မှာ သုံးတဲ့ပိုက်ကွန်အမျိုးအစားပဲ ခင်ဗျားတို့ထက်ပိုခိုင်ခံ့ပြီး အသုံးပြုရလွယ်တယ် .. ပြီးတော့ ခင်ဗျားပြောတဲ့ အပ်ချောင်းတွေရောပါတယ်... "
မှာလာတဲ့ပစ္စည်းတွေကို ဆော့ဂျင်စစ်ကြည့်ရင်း နားထောင်မိသည်။
" အာ ဒါနဲ့ လူကြီးမင်းဂျိုး ... ခင်ဗျားပြောတဲ့ဟိုတစ်ခါက ရေနစ်ရင်အသက်ကယ်နည်းလေ... တကယ်ကိုအလုပ်ဖြစ်တယ် ... သိလား "
" ဟုတ်လား .. ကျုပ်ပြောသားပဲ ခင်ဗျားတို့လူတွေက မယုံကြတာ ပြောပါဦး "
" ဟုတ်တယ် အဲ့ဒ့ါနဲ့ကောင်လေးတစ်ယောက်ကိုကယ်ခဲ့တာ အလုပ်ဖြစ်တယ် "
" ကြားရတာဝမ်းသာပါတယ် ... ပြီးတော့ ဒီနေ့ စောစော ကမ်းကပ်တာမို့ အချိန်သိပ်မရဘူး ဟန်ယန်းဆိပ်ကမ်းကို နေမဝင်ခင်ရောက်အောင်သွားရမှာ .. အဲ့ဒီတော့ ကျုပ်ပစ္စည်းတွေမှာထားတဲ့လူကို ခင်ဗျားပို့ပေးနိုင်မလား ဂျင် "
" ဟာ ရတာပေါ့ ... ဒီလိုနေရာမှာ ကျွန်တော်ကအကောင်းဆုံးမလား ..ဒါနဲ့သိလို့ရမလား ... ပုံမှန်ထက်ကို အစောကြီးကမ်းကပ်နေတာ ကျွန်တော်တောင် ဒီနေ့ အိမ်ပြန်မိုးချုပ်မယ်ထင်နေတာ အခု... နေ့လည်တောင်မကူးသေးဘူး "
ထိုစကားကြောင့် ဂျိုး ဆိုတဲ့မျက်နှာဖြူကုန်သည်က အသံတိတ်သွားပြီး သူ့နားကပ်လာသည်။
YOU ARE READING
THE IMMORTAL; BLUE BlOOD【Completed】
Fantasy【 COMPLETED 】 THE IMMORTAL ; BLUE BLOOD ༆ My Very First Historical Book ༆ This is not Translation ༆ Just my imagination ༆ Volume 02→ Blue Blood ༆ Volume 01 + 03 → Oh! my Master ''~귀족의 혈통~'' ⟨ Unicode Version ⟩ THE IMMORTALဆိုတဲ့ခေါင်းစဉ်ကြီးအောက်မှ...
