الباب كان فاتح جات داخلة طيف قالت
:ماما؟ بتبكي ليه؟
امي زحت مني وقامت طلعت وهي لسة بتبكي بدون كلام
اتنهدت ومسحت على جبيني وقلت
:تعالي ي طيف ادخلي
قعدت جنبي وقالت
:مالكم؟ انت كويس؟
:لالا انا تمام م تخافي سوسو اتجرست شوية بس
:طيب عايزة اقول ليك شنو
:شنو
:م ممكن ترجع لي عربيتي؟
:طبعا ي حبيبتي ﻷ
:تمييييمي العسول انت نسيت اني بتك الحلوة؟
:يشيخة م تبكشي انا بتي خايف عليها عشان كدا ح تفضل مع السواق وبس
:تميم الله يخليك الله يخليك
:سرحت وانا بلاعب شعرها
:م هو فعلا انا م ح افضل عشان كدا عايز اتطمن عليك
ضربتني وقالت
:صدق انك ثقيل انت ح تفضل وغصبا عن عين اي مرض
:المهم المهم انسينا اخبار الجامعة شنو
:اممم ولا شي لسة مع الدكتور الفقري داك
:ايييك م يكون بحبك يبت
ضربتني وقالت
:تحبك الشكلوته يحبني شنو الراجل ابوي حفيده
قعدنا نضحك قالت
:يلا ننزل تحت الضيوف اغلبهم مشوا بس الباقي عمو ومرت عمو وخالتو هناية ديك صحبة ماما
:اممم طيب شوفي الدكتور عشان يفكك المصايب دي مني
:يلا ظابط
طيف نزلت وزي 5 دقايق كدا لقيتهم كلهم عندي في الغرفة عاينت ليها ضحكت وقالت
:الدكتور قال م ينفع تنزل ف ينفع نطلع نحنا
ضحكت وقعدنا نتونس وكدا
م الساعة مرت عمي قالت
:انتي ي سهام م ارح بدل الزهج دا نعمل لينا حفلة
امي قالت ليها
:حفلة كدا وبس؟
عمي قال بصوت فخيم
:وليه ساي؟ انا علي ازوج ليكم ذكرى بتي وحالا كمان
ابوي ضحك وقال
:اها الجاهز فيكم منو ب اولاد
امي عاينت لمحمد بنظرات ليها مغزى انا لحظتها م فهمتها وم ركزت هو ضحك وقال
:م انا اكيد ،، لسة صغير وعايز اصيع
عمي ربت على رجلو وقال
:انا زاتي عايز الراجل الواعي
كلهم كانوا بعاينوا لي لما فهمتهم فتحت عيوني بقوة وقلت
:هيي هيي هااي اكيد جنيتوا ذكرى شنو ي جماعة وزواج شنو كمان
ابوي قال
:عايز تكسر كلمة عمك خلاص عايز تورينا انك قليل ادب؟
عاينت ليهم بإستغراب وهزيت راسي
:انا عمري كم؟
ابوي قال
:31سنة
:وذكرى ي عمي؟
:17سنة
:يبقى كدا كلامي صح ،، شاربين شنو انتوا؟ دي طفلة
امي قالت
:صغيرة وحلوة م اهدا انا وابوك فرقنا 13 سنة عايشين حلوييين
ابوي باس يدها وراسها
احساس شوفنا مرتاحين قلت بحدة
:وانا م ح اعيش ،، انا ليه اموت طفلة معاي حرام عليكم ياخ
امها اخيرا نطقت وكان احسن تسكت صراحة
:ذكرى بتحبك وموافقة وعايزاك
:عمتو تحبني شنو وحتى لو بتحبني انا م عايز اظلمها ياخ
امي قالت: هيي خلاص خليها مبسوطة معاك اخر كم يوم وم تعيشها بندم انها م قربت ليك
عاينت لمحمد الكان منزل راسه وبحرك يده بتوتر
:محمد مدام عايزين يزوجوها اتزوجها انت اساسا لايقة عليك جدا ذكرى ومحمد محمد وذكرى عان حلوين كيف!!
طيف طلعت بسرعة التفتنا ليها بإستغراب محمد لحقها وقال
:ح اشوفها
عمي قال
:اها قلت شنو ي تميم؟
امي قالت
:موافق يحج حسن وهو في اليقدر يرفض ذكرى؟
عاينت لأمي بخيبة امل وقلت
:اضرب لي ليها ي يعمي
ضرب ليها واداني التلفون فتحت الاسبيكر وهي ردت
:ايوا ي بابا
صوتها كان انثوي جدا وهي شكلها صحت من النوم ابتسمت وحمحمت وقلت
:ذكرى كيفك؟ انا تميم
تمتمت وهي بتسأل عن ابوها رد ليها وقال
:انا كويس ود عمك عايز يتكلم معاك ولا اقول ليك ي ذكري انا ح اسألك وانتي جاوبيني
موافقة تتزوجي ود عمك يبتي؟
:ششنو؟ ههو وافق ي بابا؟ بالجد عايزني؟
امي همست لي
:سامع الحماس؟ عرفت انو م بنكذب عليك؟
ذكرى وافقت وفي ثواني البيت اتملى صوت ضحك وزغاريد
وقرروا يعملوا حفلة الصباح ومعاها العقد طوالي وخلاص
وشوية شوية فضلت لوحدي
غلط كبير الانا عملتوا دا
لازم اوقف المهزلة دي
راسي كان واجعني شديد
جات الممرضة ادتني ادويتي وهي لسة م طلعت دخل عمي ومعاه ابوي وحد تاني و محمد اخوي وخالي وواحد صاحبهم وباسل صحبي سلموا علي وعمي قال
:خير البر عاجله ي عريس ومدام موافقين ماف داعي نستنى لبكرة ولا شنو؟
عاينت ليهم بإستنكار
:قصدكم انو انا ح اغير رأي صاح؟
ضحكوا وقالوا للراجل
:ي شيخنا ابدا
وفجأة كدا بقيت انسان متزوج واتفرض علي احارب اكتر مرضي عشان عندي مسؤوليات جديدة
امي ضربت لي وزغردت في التلفون وقالت انها طلعت مع مرت عمي يجهزوا لبكرة
انا نمت متين وكيف م عارف
صحيت المساء بصوت امي
:اصحى ي تميم يلا حبيبي
:ايوا صحيت صحيت
:دا شنو النوم دا كله!
:م عارف والله الساعة كم؟
:5:30 كدا المغرب اذن عشان تصلي
:اي طيب وانا جيعان
ضحكت وقالت
:غداءك جاهز
:طيب
