نزلت الدكتور اتكلم معاي وفحصني فضلت معاه قريب للساعة ونص ساعتين كدا
مشيت سلمت على ابوي وطيف وكدا قلت
:انتوا محمد وين؟ الولد دا مختفي عديل
طيف ضحكت وقالت
:عندو شغل كتير قال عشان كدا
:ااهاا طيب خلوه يمر علي بعدين
طلعت بيتي
كان في صوت ميوزك هادي وريحة البخور والعطور فايحة
دخلت الغرفة بابها كان مفتوح
ذكرى كانت بتسرح في شعرها قدام المرايا ابتسمت ليها ودخلت الحمام
طلعت وانا بنشف شعري قعدت على الكرسي من الصداع
جات وقفت جنبي وفي يدها زيت زيتون
ختت لي منو وقالت
:ح يريحك شوية
مسكت يدها وقلت
:ذكرى انتي م مجبورة تعملي دا كله!
:دا واجبي كزوجة
:وانا عافيك من الواجب دا
قعدت جنبي وهي بتحاوط خصري بإيديها
:بس انا عايزة اعمل كدا ي تميم
:ذكرى م تتعبي نفسك عارفة انك بكرة ح ترجعي ،، رتبتي اغراضك؟
مسكت يدي وهي بتقرب مني اكتر
:انا عايزة اكون معاك وافضل معاك وين المشكلة؟ راجلي وانا حرة فيك
عاينت ليها بإستنكار
:والبتحبيه دا؟
كشرت بطفولية
:هو الخلاني م انا ،، مفروض اقعد انوح عليه؟
قعدت اضحك وهزيت راسي بﻷ
داعبت لحيتي وهزت راسها
ابتسمت ليها وانا بقبلها برفق
*في الصباح*
:تمتم تمتووووم
:هممم
:ي تميم اصحى وبطل كسل
فتحت عيوني شوية وقلت
:الشمس م طلعت ي استاذة في شنو؟
:انت كسلان كدا ليه؟
:انا م كسلان انا عاايز انووووم م ممكن؟
:طيب خبيني على الاقل
:تعالي
رفعت يدي وضميتها
اتعلقت علي وهي بتدخل في حضني اكتر
:خايفة من شنو؟
:م بحب الظلام
مديت يدي فتحت الابجورة وقلت
:كدا كويس؟
هزت راسها بأي قبلت خدها وهي رجعت نامت فضلت بعاين ليها لحد م استغرقت في نومها عاينت للساعة باقي كم دقيقة للصبح
قمت اتوضيت وقعدت اقرا قرأن بعد اذن صليت ورجعت جنبها اتكورت تحت يدي وهي نايمة
غطيتها ونمت معاها
وكالعادة صحيت بصوتها
:تميم يلا يحلو يلا
:ذكرى م بتخليني انوم ابدا
ضحكت وقالت
:يلا انا عايزة اطلع
:اطلعي وخليني لسريري الحلو دا
شالت مني المخدة واللحاف وفتحت الستاير
:اذا م صحيت ح امشي اجيب موية باردة وارميها عليك
ضحكت وقمت
قرصت ارنبة انفها ودخلت الحمام لقيتها مجهزة اغراضي الرياضية
:دا شنو؟
:صح كنت بتحب الجم وتطلع الصباح؟
:الدكتور منعني؟
:لا انا استأذنت ليك وحتى سمح انو نعمل يوغا وح نطلع حالا
:اكيد جنيتي
:اممم ﻷ ،، نمشي؟
:اجهزي
:امم انا جاهزة
عاينت ليها بإستنكار
لابسة شورت رياضي ضيق لنص فخذها وتيشيرت كت ضيق
:م ح تطلعي كدا طبعا؟
رفعت لي حاجبها قلت
:انتي م صغيرة ي حلوة وخصوصا انك متزوجة كمان
اتعلقت على رقبتي
:تيمووو
:م تفكري يلا غيري
:بس كلهم كدا وانا من زمان بلبس كدا
:تعالي طيب البسي حاجة غير وح نجيب من طريقنا
هزت راسها بعدم رضا
لاعبت اطراف شعرها وقلت بلين
:انتي انثى حلوة شديد م ينفع حد م ليه حق يشوفك ي ذكرى فهمتي علي؟
هزت راسها وابتسمت ودخلت غيرت وطلعنا وريت السواق المحل الح نجيب منو ومشينا
الجوء كان حلو شديد ومنعش كدا
رجعنا البيت زي الساعة 11 كدا لقيناهم مجتمعين وبتونسوا طلعنا اتحممنا ونزلنا
طلعت مع عمي ومرته لبرا شوية ناديت على ذكرى جات معاي
امي والباقين كانوا مشغولين ببعض
على بال قعدنا هم لحقونا قلت
:انا م عارف ح اقول ليكم شنو ي جماعة ،، بس انا مستغرب فيكم انا م ولدكم بس و ذكرى زي انا واحد ليه عشان انتوا تبقوا مبسوطين تضحوا بيها هي ليه بس؟
امها قالت
:شوف ي تميم زي م هي بتنا انت ولدنا زي م قلت ونحنا م ضحينا بيها نحنا عارفين رغم وضعك الصحي انك م ح تظلمها ابدا بس..قاطعتها
:بس شنو ي عمتي؟ م اظلمها كيف ونحنا عايشين في مجتمع بنبذ المرأة المطلقة او الارملة م فكرتي انها بتك وصغيرة على دا؟ ،، انتوا عارفين؟ انا م ح اتكلم معاكم كلامكم غريب شديد وم جاي مع بعضه
مسكت ذكرى من يدها واتحركت خطوتين ورجعت التفت ليهم
:انا ذكرى م ح ارجعها ليكم كفاية جدا انو اتكلموا فيها بسبب الزواج الجاء بسرعة دا م ح اعمل اسوء من كدا
عاينت لأبوي
:لوسمحت يحج خلي المحامي يجهز اوراق نقل نص املاكي ﻹسمها ،، ولو سمحتوا ي جماعة انا ح اخليها وراي مجروحة لو سمحتوا م تجربوا تغصبوها على حاجة ايا كانت والا انا ح افضل م مسامحكم
اتحركت منهم وهي معاي
