لما وصلنا شقتنا كانت بتبكي
ضمتني وقالت
:لو سمحت م تموت ي تميم الله يخليك
مسحت على شعرها ورفعت ليها راسها
:تعالي جهزيني للصلاة يمرتي الحلوة
ضحكت وهزت راسها بطيب
طلعت لي جلابية لونها ابيض ناصع كدا وجهزت لي باقي اغراضها
لفت لي العمة وقالت
:اوعى بسماحتك دي تمشي تعرس علي وانا م عارفة
ضحكت وقلت
:لا انتي ظبطتيني كدا شكلك انتي الناوية تعقدي لي على صحبتك
قعدت تضحك وضربتني
حضنتها وبست رقبتها
:انت متوضي ي تميم اتخارج
:اتخارج كدا ساي؟
فكتني بحماس وقالت
:هيي صحي ،، بعد م انت ترجع عايزة نمشي نتصور صوور كتتتييييرة عشان بعدين نوريها لاولادنا صور اول جمعة لينا وكدا
قعدت اضحك وقلت
:طيب اختاري المصورين العايزاهم ورسلي لي مسج ح اخليهم يجوا هنا ومنها نمشي النيل صح قلتي بتحبيه؟
ضحكت وهزت راسها
قبلت جبينها وطلعت للصلاة
لما رجعت لقيتها طالعة من الحمام وهي متظبطة على الاخر
قعدنا نتصور كلنا وحركات ذكرى خلت البيت كلو بضحك وضحكاتنا م وقفت
يعني هي كانت سعادة بيتنا بعد م كان في جوء حزن مخيم عليه
كانت كل دقيقتين بعد م خلصنا صور جماعية بتطلع لي لبسة شكل وتعمل حركة غير
بستطنا كلنا اليوم داك
الجوء كان برد شوية المساء كدا ونحنا في الجنينة فجأة اختفت من جنبي شوية وجات ومعاها شال تقيل
غطتني بيه وقالت
:البرد ي شاطر م حاسي يعني
باسل كان جنبي غمز ليها وقال
:ي كوكو م عندك توأم انتي؟
ضحكت ليه بخجل واشرت على اخواتها هز راسه وقال
:نو نو نو اخواتك م بشبهوك يشيخة
ضربته وقلت
:اتلمى واقعد بأدبك ي حيوان
جريتها ودخلتها تحت شالي وغطيت ليها وشها ضحك وقال
:ابو دي غيرة ياخي
:قوم من هنا يباسل قوم
ضحك وقام
ذكرى كانت مستكينة رفعت عن وشها لقيتها شبه نايمة ضحكت وقلت
:بتنومي بدري عشان تصحيني صح؟
همهمت لي
ضحكت واستأذنت منهم واخدتها وطلعت
مروا زي 3 ايام كدا
مستقرين فيهم
ومبسوطين
تاني يوم لما جات راجعة من الجامعة كنت مصدع شديد
كنت ماسك راسي من الالم لما ببكي وانفي بينزف
جاتني بسررعة وهي بترمي شنطتها من يدها
قعدت جنبي على الارض وهي بتمسك وشي
:ااانت انت كويس؟ تتتميم
هزيت راسي بﻷ
دخلتني الحمام وفتحت الموية الباردة على راسي
شوية والنزيف وقف والصداع خف
حضنتني وهي بتبكي
:لو سمحت ي تميم م تموت الله يخليك
ربت على كتفها وسحبت المنشفة لفيتها علينا
:ساعديني اجهز ح احدد العملية
عاينت لي وقالت
:بجد؟ بجد؟
غمضت عيوني بألم وقلت
:ايوا
مشت بسرعة جابت لي ملابس وجات كنت بنشف في شعري بتعب نشفته لي وطلعت لي التيشيرت ولبستني التاني
شالت المنشفة المبلولة وادتني غيرها
:امسك غير انا ح اجهز بسرعة وانزل اخد اوراك من الدكتور
م رديت عليها هي في كسر من الثانية جات لقتني قاعد بتعب وهي عملت داك كله
لبستني جزمتي ومحبسي وساعدتني نزلنا محمد جاء داخل شافنا جاء جاري بسرعة
:في شنو تميم ماله؟
هزيت راسي وقلت بألم
:انا كويس
ذكرى هزت راسها
:ح نمشي للدكتور كويس انك جيت
اخدنا بسرعة ومشينا المستشفى الدكاترة كانوا مستنين مشينا جناحي بسرعة وبدوا في الفحوصات ذكرى كانت واقفة بعيد وهي بتعاين لي وبتحاول توقف دموعها ابتسمت ليها وهزيت ليها راسي بﻷ محمد جاء جنبها عاينت ليه بكره قريب وتقزز ومشت من جنبه
ابتسم وهو بنزل راسه في دمعة جات متسللة منو الدكتور لفتني عليه وقال
:بكرة الصباح افضل موعد للعملية ونسبة نجاحها عالية كمان
شوية والغرفة اتملت بباقي العيلة ولحد بالليل ورفضوا انهم يمشوا الا حلفتهم وذكرى قوة راسها وحلفت انها م بتتحرك خطوة خلوها معاي ومشوا
دخلت الحمام غسلت وشها وجات اتكورت في حضني ك عادتها
:خوفتني عليك
:انا كويس
ابتسمت ورفعت راسها
:سمعت الدكتور؟ قال نسبة شفاءك بعد العملية عالي جدا❤
:ي رب🌸
داعبت انفي بصوابعها وهي بتضحك بفرح
كنت بطمنهم ومن جوة عارف وحاسي بالحيصل كويس
محمد جاء داخل نزل راسه وقال
:اسف قالوا لي انك لوحدك
ذكرى كشرت ببغض وهي بتعاين ليه وم فكرت تبعد سنتي
:انا برا اذا احتجتوا حاجة
طلع وعاينت لذكرى قلت
:ليه بتعاينوا لبعض كدا؟
:انا وهو م بنطيق بعض عادي يعني
:همم ح اعمل صدقتك مع انو العارفو انكم اصحاب
:م كل الاصحاب بكونوا حقيقين
:ملاحظة انك بتتكلمي عن محمد م غيره؟
:انسانا ،، انت كويس حسي؟ الصداع راح؟
الصباح صحيت لقيتها بتصلي
خلصت وجات حضنتني وهي بتقرا ليي ثواني المستشفى اتملى بعيلتي الكريمة
م عايز اوري واحكي حالتهم كانت كيف
كلمة صعبة بسيطة جدا وم بتوفيها
يمكن ذكرى اكثرهم حد متجرس واكثرهم صبرا
