فتحت عيوني وانا بين الاجهزة
غمضت بألم لما لاقيت الضوء
الدكاترة جوا داخلين بسرعة وهم بفحصوني
ذكرى جات داخلة بسرعة وهي بتبكي
وشها كان وارم شديد
الدكاترة لما طلعوا اترمت في حضني بسرعة
:تميم انت كويس انت كويس❤
:ي عقل تميم اهدي
كان بدخل لي حد حد وهي متعلقة فيني وم عايزة تتحرك لحد م فضلنا المساء لوحدنا
كنت ماسك يدها بحب غريب وقلت
:الحصل شنو؟
مسحت دموعها وقالت
:عمليتك كانت طويلة وصعبة شديد
دموعها نزلت مسحتهم وهي بتهز راسها
:قلبك وقف في نصها بس الحمدلله قدروا ينعشوك بسرعة بس بعدها انت دخلت في غيبوبة ليك فيها 6 شهور!
:6شهور!
هزت راسها وضربتني بخفة وهي بتبكي
:اهلنا كانوا متصبرين بس بس حرام عليك في حد يعمل في اهله كدا ياخي؟
ضربتها رغم انها خفيفة الا انها كانت مؤلمة الى حد ما
نامت في حضني بهدوء وفضلت اتأملها لحد م صحت الصباح
طلعت عشان الدكتور معاي وهي كانت متوعكة شوية
الدكتور كان شوية متوتر قال
:قدرنا نستأصل ورم الدماغ بالكامل ي تميم بس ظهر في مكان اخطر من الاول
هزيت راسي وانا من البداية عارف الحاصل بسبب الاوكسجين الموصل واني م قادر اتنفس بطبيعية
والالم الغريب البحس بيه
:الكانسر في الرئة
دكتور تاني:كنا بنفتش على متبرعين طول ال5 شهور الاخيرة دي
بس للأسف م لقينا
حاليا في دكتور متخصص في حالتك وح يجي يقابلك وح نحاول نشوف حل
فعلا جاء الدكتور الجديد وعلى اساسا تاني يوم نبدا في نوع جديد من العلاج وقدامي 6 شهور انا لازم اتغلب عليه فيها الدكتور فضل معاي قريب 3 او 4 ساعات
بعدها فضلت لوحدي م كان حد جاني وحتى ذكرى
غمضت عيوني بتعب وم صحيت الا المساء كانت طيف ووحدة من اخوات ذكرى كانوا مبسوطين شديد طيف قالت
:اممم بابا تميم تحب تهديني شنو اذا وريتك الحاجة دي؟
ابتسمت ليها وقلت
:حركاتك دي م ح تبطليها؟
كشرت وقالت
:على كيفك مع انو خبر بالدنيا
:انجزي ي حلوة في شنو؟
:اممم لحظة طيب
نادت على الممرضة وجات ومعاها كرسي
:ح نمشي ونشوف بدل م نتكلم
اخدتني على قسم حديثي الولادة وقفتني قدام حضانة لولد او بنت م عارف
همست لي
:ذكرى صغيرونة يابو رفيف
ضحكت وقلت
:انتي ي طيف فجأة جنيتي ولا كيف؟
:لا انت الشكلو العملية سحبو فيها مخك وباعوه
ضحكت بألم قالت
:اممم عارف ذكرى وين؟
:انا بعدتها على البيت
هزت راسها وقالت
:بيت شنو ي حبيبنا ذكرى بطنها وجعتها وطلعت حامل وفي نفس اللحظة كانت الام ولادة مبكرة والنجماية دي بنوتك الحلوة❤❤
عاينت ليها بصدمة وعاينت للبيبي
كانت صغنونة شديد
ربتت على كتفي وقالت
:اتولدت في نهاية السادس وح تكمل شهورها في الحضانة
:وهي كويسة؟
:ايوا كويسة وصحتها بخير
:ممكن تاخديني لذكرى طيب؟
:هي نايمة لسة بس يلا
مشيت ليها وفعلا كانت نايمة وظاهرة اثار التعب عليها
طيف خلتنا لوحدنا مسكت يدها قبلتها وقمت بألم قبلت جبينها وطلعت طيف رجعتني لغرفتي مسكت قلبي وقلت
:عايز اسألك ي طيف ح تجاوبيني بصراحة؟
:ايوا اكيد
:محمد
غمضت عيوني وقلت
:انتي يوم عمي عرض علي زواج ذكرى ليه طلعتي بالطريقة دي؟
اتوترت وقالت
:لا..قاطعتها
:الحقيقة
فضلت ساكتة
قلت
:محمد صح؟
غمضت عيونها ونزلت راسها
:ممكن تحكي لي؟
زفرت وقالت
:الموضوع انتهى عشان كدا ح اوريك
ذكرى ومحمد كانوا بحبوا بعض شديد
امي م كانت عارفة بس ذكرى كانت عاجباها ليك انت ،،
يومها ذكرى اتناقشت مع محمد واتشاكلوا وهو كان عايز يطلبها بس كان مؤجل لحد م انت تتحسن
بعداك اتفاجأنا بعمي طلب طلبه وانها وافقت بعدها عرفت انو لما هي عرفت وضربت لمحمد جرحها عشان توافق عليك
بس صدقني محمد مجروح اكتر حد فينا
من جهة اخوه ومن جهة حبيبتو
يوم العرس وبعد م كلكم نمتو جاني طالع
كان ببكي كأنو طفل صغير بكى بطريقة غريبة شديد
مسحت دموعها قلت
:هو هنا صح؟
:ايوا بخلص في اجراءات بنتكم
:ناديه لي
:طيب
