اتخبت مني تحت اللحاف وهي بتبكي بهدوء على امل اني م اسمعها
قربتها لحضني وانا بربت عليها وهنا اتأكدت انو في ولد في حياتها سألتها
:ليه م رفضتيني طالما بتحبيه؟ معقولة ي ذكرى؟
:بابا
:عمي غصبك علي؟
عاينت لي وقالت
:انت بتحبني؟
هزيت راسي وقلت
:م بحبك لكن انتي مرتي ف انا بحترمك ممكن توريني الحصل؟
:ايوا
يومها بابا ضرب لي
ذكرى انا اديتك عريس
رديت ليه بفرحة وانا بنط على سريري زي الطفلة كنت فاكراه عمل زي م قال وطلبني منو بس فاجأني لما قال
ولد عمك حسين تميم
بس ي بابا..
قاطعتني
امي اذا م وافقتي ف انا م عافية ليك ي ذكرى
مسكت تلفوني وضربت ليه وكان الالم الاكبر انو هو م بحبني انو هو بلعب علي وانا تسلية في حياته
نمت من الالم
اتخيل وحدة عندها 17 سنة يعملوا فيها كدا بكل قسوة
انا م كنت ابدا زي اخواتي
م حصل مرة واتجادلت لا مع ماما ولا حتى بابا ليه عملوا فيني كدا؟ معقول م بحبوني للدرجة دي؟
انا اتوجعت اكتر منها بكتير وهي بتحكي لي
ضميتها وقلت
:ليه م قلتي لي؟
:اقول ليك شنو بس ي تميم انت في النهاية راجل دي اهانة اني احكي ليك بحاجة زي دي
:دي م اهانة ولا حاجة ي ذكرى انتي تحكي لي كل العايزاه وبدون م تفكري وحاليا عايز اعرف الولد منو
:معليش اعفيني منو
:م تخافي من شي وفي اي لحظة وانا بتنفس انا معاك
خلينا نستنى عمي بعدين وح اتفاهم معاه وترجعي بيتك معززة مكرمة ماشي ي ذكرى؟
ضمتني وهي بتقبل خدي
:شكرا💕
:انا اسف انك ح تبقى انسانة مطلقة بسببي كان لازم اقعد معاك قبل دا كله ونتكلم عشان دا م يحصل بتمنى انك تسامحيني وتعفي لي
هزت راسها بﻵ وهي بتغمض عيونها
كنت بمسح على شعرها لحد م غفيت انا كمان
صحيت بيها بتصحيني
:تميم دواك
همهمت بكسل وفتحت عيوني ادتني ليه ورجعت نمت
رجعت صحيت بيها وهي بتحركني
:تميم تميييمم
فتحت عيوني بتعب لقيتها بتعاين لي ودموعها نازلة
:مالك حبيبتي؟ انتي كويسة؟
ضمتني بقوة وقالت بين شهقاتها
:فكرت فكرتك م ح تصحى
ربت عليها وقلت
:اهدي اهدي انا بس نومي عميق شوية
:م تنوم تاني
ضحكت ورديت ليها
:وافضل باقي حياتي صاحي؟ يعني هو حتى لو جات لحظته وانا صاحي بتأخد بتأخد
هزت راسها بﻷ وقالت
:لو سمحت م تسيبنا
هزيت راسي بحزن وقلت
:م بيدي ابدا
همهمت وقمت
:تعالي تعالي انا ح اكون متطمن عليهم كلهم عداك
فكتني وهي بتتحرك ناحية الدولاب جابت لي تيشيرت وقالت
:ح تاخد برد
راسي واجعني كان شديد لبسته بصعوبة كانت بتعاين لي وهي عايزة تبكي اتنهدت وقلت
:ذكرى في شنو؟ قلت ليك ح احلها وح ارجعك بيتك وصدقيني الحيوان الجرحك ابدا م ح اخليه ممكن م تبكي يلا؟
:بس بس انا م عايزة دا يحصل
اتنهدت وقلت
:عايزة شنو ي ذكرى؟
نزلت راسها وقالت
:افضل معاك
قعدتها وقعدت على رجولي قدامها
:وليه دا كله؟ انا في اي لحظة ممكن اموت
عادي تجي تصحيني م اصحى ليك عادي اكون بتكلم معاك اموت
انتي م مجبورة تستحملي انك تفضلي مع واحد ح يتربط ايام زواجه بأجهزة وبعد دا كله قبل م يتم شهرك يموت!
ذكرى زوجوك لي عشان انتي صغيرة عشان هم عايزني اخلي معاهم طفلي ويكون ذكرتي
انتي ذنبك شنو؟ عمرك دا عمر الزهور دا اجمل اعمار حياتك مفروض تعيشي مراهقتك بطريقة افضل من كدا مش تتحبسي عشان راجلك مات ولا حتى عشان انك ولدتي ﻵ ابدا وبالمناسبة انا م ح ارضى نهائيا ايا كان السبب انك م ترجعي جامعتك
بكرة الجمعة يوم الاحد ح اخلي سواقي يوصلك وهو الح يبقى سواقك ماشي؟
هزت راسها وقامت طلعت
مسكت تلفوني وضربت لعمي
:اووو صهري العزيز
:عمي كيفكم؟
:والله الحمدلله في نعمة والبت بلقيس وانت كيفكم؟
:تمام ي عمي لو سمحت بس عايزك انت وعمتي تمروا علينا بأسرع م يمكن وياريت باقي اليوم دا
:خير ان شاء الله ي تميم في شنو؟ ذكرى غلطت عليك ولا حاجة؟
نزلت راسي وانا بتنهد
:لا ابدا ي عمي ذكرى انا مستحيل يكون في احسن منها
لحظتها هي جات داخلة ومعاها عصير ادتني ليه وطلعت بسرعة كملت كلامي
:لو سمحت انتوا بس اتفضلوا لعندنا
:ان شاء الله بكرة بعد الصلاة كدا بنكون معاكم
:ان شاء الله
قفلت منو وطلعت ليها
كانت بتساعد في الشغالة تخت الغداء امي جات داخلة
:اولادي الحلوين❤
جات باست ذكرى وقالت
:تميم م وراك وشو الشرير صح؟
ضحكت وقلت
:امي م تخوفيها على الفاضي متين كنت شرير كمان؟
قعدنا نضحك قالت
:اتغدوا وي تميم انزل للدكتور بعد م تخلص
هزيت راسي وقلت
:ايوا متذكروا
امي نزلت ونحنا قعدنا اتغدينا بسكات
نضفت فمي وقلت
:ح اشوف الدكتور واجي اذا عايزة ممكن تنزلي معاي تحت
هزت راسها بﻷ وقالت
:ح استناك
:طيب
