فعلا الممرضة ساعدتني فكيت الاجهزة الما ليها لازم حاليا يعني وقمت دخلت الحمام
نعنشت شوية وطلعت صليت
امي كانت مستنياني بالاكل وقالت
:تعال عشان عاملين ليك مفاجأة
ضحكت وهي بتأكلني
:امي اكبر مني ب 13 سنة وبتأكلني وبتزوجني وانا على حافة الموت
:وم تنسى زوق امك ح ازوجك امززز مزة ممكن تلاقيها في يوم
امي م كانت بتصلح لي اذا قلت ليها انا ح اموت
م انا فعلا ح اموت والموت حق
كانوا عارفين اذا فضلوا يبكوا ح امشي منهم وهم م شبعوا مني زي م قالوا
ف الاحسن لينا كلنا نعيش كل يوم وكأنه اخر يوم
المهم
بعد م خلصت اكل ادتني كيس و قالت
:يلا البس دي ومحمد وباسل ح يجوك وح تطلع معاهم السطوح
:امم طيب
باست خدي وطلعت
فتحت الكيس كان فيه جلابية حلوة كدا بكل اغراضها الى عطري المفضل
محمد وباسل جوني
واحد كان بسرح لي في شعري والتاني بلبسني في ساعتي عاينت ليهم وضحكت
محمد كان مندمج شديد وهو بلبسني الساعة
قلت
:هووووي حامد ي حاااامد
حمر لي وقال
:م تناديني بالاسم دا
ضحكت وعاينت لدموعه المرقرقة
:مالك قال بتبكي؟
هز راسه وقال
:م ببكي
وانفجر ببكي وهو بحضني زي م اتعود من وهو صغير
باسل قال
:دا ببكي عشان انت اتزوجت قبلو الصايع
ضحكت وربت عليه
:بالمناسبة بكرة جيب حبيبتك ديك م متذكر اسمها لكن كان قلت لي عمرها 17 يعني ح تكون قدر ذكرى خليهم يبقوا صحبات عشان تكون معاها اذا حصل لي شي
:سافرت لمكان بعيد شديد
:اهااا يعني انت عشان كدا بتبكي
ربت عليه وقلت
:شوف ي اخوي اذا عايز وربنا اراد وين م كانت ح تصلها
محمد زح وقعدني وقعد قصادي بجدية
:شوف انت ي تميم انت م اخوانا انت كنت ابونا ربيتنا على يدك م ينفع البحصل دا انا اتكلمت مع دكتور فريدريك وهو قال في امل كبير في العملية وانت رفضت اقتراحه ورفضت تاخد كيماوي يعني انت الم متمسك بينا نهائيا
انا م ح اسمح للمهزلة دي ح اسكت ﻷنك عريس وح اديك 3 ايام بحساب الساعة وافقت وافقت م وافقت ف انا ح اخدك غصبا عن عينك ،، انت حاليا بقيت انسان متزوج م ح تسمح انو تدمر ذكرى
م ينفع تطلقها او تموت تخليها يعني اتشربكت اتشربكت فاهمني؟
باسل قال
:محمد اي كلمة قالها صح
محمد:انا عارف انك متذكر امك ماتت بنفس المرض ،، ابوك ورانا انو م خلوا محاولة علاج وم حاولوها بس في النهاية اتوفت
بس ي تميم الحاجة دي م الا تنطبق عليك
اي مرحلتك الاخيرة لكن مالو نحاول وربنا مدام كشفوا عشان يشوف صبرك وفي امل واملنا في ربنا كبير
اتخيل مثلا العملية نجحت وعشت معانا ومليت لماما وبابا البيت ب اولادك مع ذكرى
مسح دموعه وقال
:وطيف طيف م زي اي بت بتحلم انو ابوها يسلمها لعريسها ﻷ طيف بتحلم انو انت التزوجها وحتى راجلها تكون انت الاخترته ليها
وماما اي هي بتمثل عليك انها كويسة لكن والله العظيم هي اكتر حد فينا مدمر حرام عليك كدااا حرررام
ربت عليه وقلت
:ي راجل اهدا خلاص ح احاول ان شاء الله
:طيب
محمد طلع قعدت بتعب باسل قال
:كويس؟
هزيت ليه راسي قال
:كلامه صح ي تميم
:طيب ان شاء الله خلينا نطلع
:يلا
كانوا مجهزين قعدة سودانية لحنة ضحكت معاهم وقعدت
قلبي كان واجعني شديد
اي هم مبسوطين بالبحصل ويمكن حتى ذكرى
بس ﻷ هي اكتر حد ح ينضر
امي ربتت علي وقالت وكأنها فاهماني
:م تخاف عاشت معاك كم يوم مبسوطين ح تبسطها باقي عمرها احسن م تندم وح تكون خليت ليها ذكريات حلوة صدقني
هزيت ليها راسي وانا عارف اذا قربت علي الوجع اكبر
حننوني وهم مبسوطين وعاملين جوء
عمي كان قاعد طيف ضحكت وقالت
:اول اب عروس يحضر حنة صهره
قعدنا نضحك وقلت
:امي م كفاية عايزة اغسل زهجت
:طيب حبيبي خليها كم دقيقة بس
:اميييي
:اسكت عشان م عايزة اخت ليك نشادر خليها تكون كبدية وحلوة
طيف وامي وخالتي كانوا برقصوا بطريقة شترا شديد وانا ميت ضحك
شوية وكلهم دخلوا وانا فضلت اغذي روحي بشوفتهم الحلوة
الصباح البيت كان جايط شديد كنت تعبان شوية بس م حبيت اقلقهم فضلت مع الدكتور لحد م امي والاولاد جوني
:يلا يلا ي عريس نايم ليها شنو
ابتسمت وقمت ليهم اخدوني الغرفة التانية كانوا قلبوها صالون عديل😹
ظبطوني كأني عريس حقيقي بجلابية جرتك وكدا نزلت معاهم وامي وللضيوف كدا
عاينت ليها ،، أمي دي حاجة جميلة شديد❤
حضنتني وباستني
:مبروك حبيبي عقبال م اشوفك جدو كدا❤
ضحكت وقلت
:امين🌸
