شوية وجات ذكرى
م كنت شايف وشها بس طلتها حلوة شديد❤
كانت لابسة فستان 3/4 من لون جلابيتي مندسل عليها بنعومة ومغطية وشها
كان في اجواء من الفرحة كدا عامة الجوء
وصلتني وكانت شبه بترجف
رفعت من وشها كانت بريئة وحلوة شديد
اي نعم هي بت عمي الصغيرة بس يعني انا بعرفها كبت عمي وم حصل فكرت ولا قعدت معاهم ولا عاينت ليها غير انها اختي
اختها قالت
:م نوصيك
ابتسمت وهزيت راسي
امها قالت
:يلا ي اولاد
قبلتها بين عيونها وقعدنا
كانت مبتسمة بس م عارف حسيتها غير
م عارف ليه
كانت بتضحك وبتشاغل عادي لحد نهاية الحفلة بس لأ
م حسيتها كدا
امي واخواتها اخدوها شقتنا فوق
كنت قاعد مع ابوي وعمي وباسل
شوية وامها قالت
:تميم انت ليه هنا لسة؟ اطلع ارتاح ي ولدي كفايتك الليلة
:حاضر ي عمتو
طلعت غرفتي الاول الدكتور فحصني واخدت ادويتي وامي جات اتطمنت علي وقالت
:يلا حبيبي عروستك مستنية
هزيت راسي بطيب باست جبيني وطلعت
طلعت بهدوء البيت كان رايق ومبخر ومظبط
انا لما كنت بعافية كنت شبه عايش هنا
م عارف متين امي لحقت غيرت الشقة لوحدة انثوية وحلوة
ابتسمت واتوجهت على الغرفة
كانت بفستان بيجي ناعم وحلو شديد شعرها كان مجعد بنعومة بالرغم من اني م كنت شايف وشها كانت مغمضة بخوف
قعدت جنبها مسافة وهي زي م هي
مسكت يدها وببطء لفيتها علي
انفاسها كانت متضطربة شديد
عاينت لي برعبة ابتسمت ليها ب إطمئنان
وهمست ليها براحة عسى ولعل ترتاح لي شوية
:انا م باكل على فكرة القالوه ليك غلط ماشي؟
نزلت عيونها مني
رفعت ليها راسها وقلت
:ذكرى؟
عاينت لي بإستغراب
:اعتبريني بتقدم ليك من الاول ،، انا تميم موافقة بي؟
ابتسمت بخجل وهزت راسها
قربت عليها ببطء وانا بقبل خدها بنعومة
لما صحيت الصباح كانت لسة نايمة
ملامحها كانت انثوية وبريئة جدا ابتسمت وانا ببعد منها شوية شوية
دخلت الحمام وطلعت
كانت مدياني ظهرها وظاهر انها بتبكي وبتتنهد
مشيت جنبها وحذبتها لحضني
اتكورت وهي بتمسك التيشيرت واللحاف بقوة
:معليش انا اسف اذا ضايقتك بحاجة ي ذكرى ،، بس م نفسي اشوف دموعك ممكن؟
بكت بحرقة اكتر
وفضلت فترة طويلة بتبكي لحد م شوية هدت قمت قعدتها قدامي وانا بمسح ليها دموعها وبرتب ليها شعرها
:اهدي ووريني في شنو احكي لي العايزاه حتى اذا مثلا قلتي انك بتكرهيني م عندي مشكلة ابدا
عاينت لي وهي بترجع بتنزل راسها وبتبكي
مسحت على ظهرها وقمت
جهزت ليها الحمام ورجعت ليها كانت سرحانة ودموعها على خدها
قومتها بهدوء
:يلا ي ذكرتي نعنشي كدا شوية عشان تفطري ونقدر نتكلم
دخلتها الحمام وطلعت الشغالة كانت بترص الصفرة ومعاها امي
سلمت عليهم ونزلت للدكتور
فحص فحوصي الروتينية واخدت ادويتي وطلعت جات طالعة من الغرفة وهي بتعاين حولها
لابسة فستان قطني رمادي قصير ماسك ناحية خصرها وشعرها نازل على جسمها وهو بنقط موية
جات وقفت قدامي بتوتر وهي بتفرك ايديها
:ااا تميم كنت وين انت؟
ابتسمت وختيت يدي على كتفها ومشيت ناحية الصفرة
:مع الدكتور تحت
:ليه بس؟ انا اكيد عملت ليك صداع صح؟
هزيت راسي بلأ وانا بسحب ليها كرسيها
:ابدا فحوص روتينية
:طططيب
قعدت جنبها وقلت
:حاسة نفسك كيف؟
تمتمت بانها كويسة ابتسمت وقلت
:م تتمتمي عادي انا نفسي تميم ود عمك م ح اكلك م تخافي
ضحكت وهزت راسها بﻷ
فطرنا بهدوء وانا م حبيت اضغط عليها
كنت مصدع شوية طلعت الهول وانا بفكر في الحصل ناديت عليها جات بتردد مسكت يدها وقعدتها على فخذي
لاعبت اطراف شعرها المبلول وقلت
:انتي لسة بتخافي مني ليه؟
هزت راسها بﻷ وقالت
:ﻷ بس انا م متعودة عليك
ابتسمت ليها وحاولت افتح معاها كذا موضوع واندمجنا في الونسة لحد م تعبنا من الضحك
ختت راسها على صدري وقالت
:تعرف طلعت انك طيب
بعدت شعرها من عيونها وقلت
:وانا كنت شرير يعني؟
سكتت ضحكت وقلت
:حرام عليك
ضحكت وقالت
:كنت فاكرة انك مغرور
:لا ابدا😹
ابتسمت وهزت راسها رفعت راسها وقلت ليها بصوت منخفض
:توافقي تكوني ذكرتي الح اخليها بعد م ربنا ياخدني؟
توافقي انك تفضلي تذكريهم بي وتكوني من ريحتي؟
نزلت راسها رفعته ليها وقلت
:لا جاوبي لي تقبلي؟
هزت راسها وهي بتنزل عيونها بحياء
