مرت الأيام دون أي أحداث مهمه سوى ان إرجون قرب من جواد اكثر عشان يتاكد مين اللي وصل رقمه، وجا موعد مناقشه بحث جواد اللي ما قدر ينام كويس من التوتر، حس بأحد يلمس كتفه ولف بسرعه.
جواد بصدمه: أرجون!
إبتسم ارجون بهدوء: ما تبغاني احضر؟
جواد دون ما يحس حضنه بسرعه: شكرا شكرا شكرا!!
بعده ارجون بشويش : العفو.
جواد بفرح: جد ما تدري جيتك ايش تعني لي بتعطيني ثقه بنفسي اكثر الحين.
: جايب فارة التجارب معاك؟
ضحك أرجون بإستهزاء وهو يطالع بيده اللي كسرها: تبي كسر مضاعف؟
سكت راشد ولف على جواد: موفق!
مارد عليه جواد عصب من كلمته: مو قلت لك لا تتكلم كذا؟
مشاري: كلكم متجمعين ماشاءالله؟
فرح : حتى انت ارجون!!
جواد وهو مستانس: شفتي فرح! حتى انا انصدمت .
بدوا يكثرون الحضور وراحوا جلسوا بالصف الاول ينتظرون دور جواد اللي مرت الدقاق عليه بالساعات وكل ما توتر لف على ارجون اللي ماشال عينه عنه وابتسم له.
نادوا أسمه وسحب نفس وراح وقف قدامهم وبدأ يقدم بحثه وهو يدعي ان محد يحشر له .
وصل للنهايه وبدوا يسالونه وكان يجاوب عليهم بثقه لما وصله رد واحد من الدكاتره.
: ذكرت فبحثك أن المريض ممكن يوصل لأنه يحبس نفسه تماما عشان يتفادى اي تصرفات لا واعيه؟
جواد: إي نعم.
الدكتور بسخريه: ما أشوف بكلامك اي منطق هنا سامحني، المرضى اللي يوصلون ذا المرحله حلهم الوحيد التنويم بالمستشفى تحت مراقبه اخصائيين بس واضح ان خيالك واسع.
جواد ويده بدت ترجف: مو خيال واسع! الحاله اللي درستها حقيقه، ومثل ما ذكرت اكثر من مره كل حاله تختلف وكل شخص بتختلف طريقه تعامله معاه على حسب شخصيته و....
قاطعه الدكتور: im not buying this لا تحاول تقنعني لاني اشوفه الجزء هذا درامي ماله علاقه بالواقع...
سكت جواد من وقاحه الدكتور اللي تم يطالع بإبتسامه جانبيه، لين قطع الصمت صوت أرجون.
: excuse me...
ألتفت كل القاعه عليه ورد بصوت واضح: سعاده الدكتور تسمح لي بالرد على كلامك اذا مافيها اي وقاحه.
أنت تقرأ
إضطرابّ.TBxB
Random" نوع الروايه تومبوي x بوي"⚠️ " قد يظن الجميعّ أننِي بخير كما أدعي، أو أني طبيعِي، لا يعلمون عن ما يحدث فالليل، أو عندما ينقلب عالمي مئه مرهّ فالثانيه، لا يعلمون أي شيء مما يحدث لِي سوا ما أُريديهم أن يعلموه"...
